Luka 8:25 - Bible Zulgo

²⁵ Dite Yesuw a gwaɗa a gà ɓəzla mazazama ŋgat ata: «Wànà kàa gəsum iye a gəzləŋ kurum tsiye, na ki gwim a magəɗa kataya ya?» Ama ka, ta ŋgat a dukw Yesuw ata a ge kataya ya ka, a ge aà tar kamala dukw mene aà mburma ya. Ta ge magəɗa hinne asa nda medzedzere. Ta gwaɗaba ika magər tar: «Wele aaha i ŋgar dze ana, weke, na a kwere akaba a gà himbiɗ nda yam ka, ta gis ahər a ahəm a?»

Luka 8:25 ပူးပေါင်းရင်းမြစ်များ

Mata 14:31

I fataya tsara ka, làndaw Yesuw a gəsara ŋgat i ahər a. A gwaɗar: «Aàla na kə̀ gəs iye nda gəzləŋ yak lele tsiye? Wànà kà zlaŋa ana, ndzəɗa gà a riŋ aà mazlàkà kər tsiye?»

Mata 17:20

Yesuw a gwaɗa a tar aaka: «Aɗaba ana megìse kurum ana kì giswim iye nda gəzləŋ a ka, a sle tsiye. Iye ihər i tsik a kurum a nda ndzer ŋa: Na mege kàa gəsum iye a gəzləŋ kurum kwizikw, kamala wur meserek a tekeɗe, ki slwim aà megweɗe a a kwite aaha: ka, a de a kaɗəŋ, duwa a riŋ mawura ba ŋa i təv kurum asa tsa.

Mata 6:30

Aɗaba taŋa, na Mbulum a riŋ ihər à dìweye a gà gər gà kwizir ana i dala ya lele, a biziŋa, ama ndidwe ŋana ka, ta wene a tsara dze seyiŋ ana, sakwàn kurum a. A dìweye a kurum ana, à zè a taŋa tsiye, na kurum ana kə̀ gəsum iye nda gəzləŋ kwizikw a.

Mata 8:10

Yesuw a tsaraka bazlam ŋgar ata ka, a ge ahər kamala dukw mene aà mburma ya. Dite a gwaɗa a gà mburma ana ti zezem a ŋgat a: Iye ihər i gweɗe a kurum a nda ndzer, pàrsa iɗəm tsa, Yàa ŋgat a wura aka gis iye nda gəzləŋ, ku mege i gwala Isərayel tekeɗe, kamala wele aaha ya ilik tsidze.

Mata 8:26

Yesuw a gwaɗa a tar: «Aɗaba la na ki gwim a magəɗa dze ya? Kurum ka, kàa gəsum iye a gəzləŋ kurum lele tsa.» I dəba ŋa ya, Yesuw a hitse aà mbulum, a kwara akaba gà himbiɗ ata nda yam a, a gwaɗa a tar: «Ndzum ɗikɗik.» Tsam ka, tə ndza ɗikɗik kaɗəŋ, kislef tàa ɓə̀zl aba asa tsa.

Markus 4:35

Pat ata Yesuw a tsik a tar aba bazlam ata ya tsara ka, ndaàwa ŋana a gwaɗa a gà ɓəzla mazazama ŋgat: «Tàkwa aka lìdè duluv ŋgiɗ.»

Luka 12:28

Aɗaba taŋa, na Mbulum a riŋ ihər, à dìweye a gà gər gà kwizir ana i dala ya lele, a biziŋa, ama ndidwe ŋana ka, ta wene a tsara dze seyiŋ ana, sakwàn kurum a. A dìweye a kurum ana, à zè a taŋa tsiye, na kurum ana kə̀ gəsum iye nda gəzləŋ kwizikw a?

Luka 8:24

Gà ɓəzla mazazama ŋgat ata tə daha, a təv Yesuw. Ta piɗeke à ŋgat. Ta gwaɗar: «Əbay, Əbay, ki dzèkwe a a yam.» Yesuw a hitse aà mbulum. A kwara akaba gà himbiɗ ata nda yam ana a tsele akaba a ya. Himbiɗ ata də̀ɓəts a mət aaka, mege yam aaha tekeɗe, a tsele akaba a asa tsa.

Luka 8:26

Ti ndze aka ahəɗ Garasa ika lìdè duluv ŋgiɗ ɗegìrgìr ika miɗ kwite Galile.

Yuhana 11:40

Yesuw a gwaɗar aaka: «Yàa gwaɗak ka, na kàa gəs iye nda gəzləŋ ka, ki ta ŋget a ndzəɗa Mbulum ana, Yàa tsikik tsiye?»