Luka 8:2 - Bible Zulgo

² Gà məkəs ana a dalawa à tar gà sitene ya, dite a mbala à tar i dukw məməta tar a, tə zazam ŋgat mbaŋa asa. I liwiŋ gà məkəs ata tə zazam ŋgat a ka, Mariya ana a dara i Magədala, Yesuw a dalawa ihər gà sitene təsəla ya iɗəm,

Luka 8:2 ပူးပေါင်းရင်းမြစ်များ

Mata 4:24

I dəba ŋa ya, mege dukw ŋgar ata a ɗe zləm tsikw aka ahəɗ Siriya ana a mbeha a Galile ata ya. Tə tsaraka kataya ka, tə daha, tə ndzakaha gà ɓəzla dukw məməta ŋgiɗ pampam a təv ŋgar, gà na ndelèɓ ndelèɓ ti sèwèrewa are hinne i dukw məməta tar a, nda gà na sitene i ba tar a, dite nda gà na a beye à tar a dala ya, nda gà ɓəzla videl tserdze, a mbala à tar.

Markus 16:1

Aləka pat mesìfìkà ba gà Yahuda a da iɗəm a ka, gà Mariya ana a dara i Magədala ya, nda gà Salume, nda gà Mariya məmər Zakup, tə səkəm wirdè ana a ze hwaŋŋà lele ya, ta waya mibehe aà məməta Yesuw.

Markus 16:9

{Yesuw a mbəlara i məməta ya ka, i mèkwède hedwe, a pat ladà. A lah məpàtà à ba ŋgar ka, a Mariya ana a dara i Magədala ya, daala ana a dalawa ihər gà sitene təsəla ya.

Luka 23:27

Gà mburma hinne tə zazam Yesuw i dəba ya mbaŋa. Gà məkəs ana i magər tar a hinne, tar riŋ ta bets a ba nda gà tuwa.

Luka 23:49

Gà məkəs ana tə zazamaha ŋgat daga à gər ana ŋgat i Galile mba ya, ta hitse dzìrìk diriŋ nda təv tar ata zaakwa, aà mifìreha aà dukw ana a ge a ba ya, tar nda gà na tə sər Yesuw a tserdze mbaŋa.

Luka 23:55

Gà məkəs ana tə zazamara Yesuw daga i Galile ya, tə da nda gà Yasufa. Tə daha, tə samata Yesuw ana ti zle a a biye ya.

Luka 8:30

I dəba ŋa ya, Yesuw a gwaɗar: «Zləm yak weke?» Wele ata a gwaɗar aaka: «Zləm gà ka, Twìɗèkìkke.» A tsiker kataya ka, aɗaba gà sitene ana i ba ŋgar a ka, hinne.

Yuhana 19:25

Gà mburma ana mehìtsè ŋa bise nda dizl ata tə ndwandway ahər Yesuw a ka, gà mama ŋgar, nda damər mama ŋgar dəm ŋa, nda gà Mariya, məkəs Kulupas, nda gà Mariya ana a dara i Magədala ya.

Gà Ɓəzla Meslire 1:14

Tar ata tserdze ya, nda gà məkəs, ti yahawaba gər aà mahàmà a Mbulum nda gà Mariya məmər Yesuw, dite nda gà damər Yesuw fit tserdze.