Luka 8:18 - Bible Zulgo

¹⁸ I dəba bazlam ata ya ka, a gwaɗa a tar asa: «Gwim metsehe a dukw ana ki tserekwim a ya, ka ti nwim dər ka, dukw pàrsa tsa. Aɗaba wur ana à gis a bazlam gà ana i tsik a ya ka, Mbulum tekeɗe, à sikehe a à megìse ŋgar ata, à zè a taŋa. Wur ana aka gəs tsiye ka, Mbulum ibam, à nikiɗ a à ŋgat mbaŋa asa.»

Luka 8:18 ပူးပေါင်းရင်းမြစ်များ

Mata 13:12

Aɗaba wur ana a sər, aka ŋgat gà dukw ata ya ka, Mbulum à sikehe a dər aaka asa, a ndze a ka, ndzəɗakkà. Ama wur ana aka ŋgat hinne tsiye ka, Mbulum a zle a ihər kwizikw ŋa ata ya mbaŋa asa.

Mata 25:29

Aɗaba ku weke na aka ge megemir lele, aka ŋgat dukw maya ba ŋgar hinne ka, tì sikehe a dər aaka hinne asa mbaŋa, dite na a ndze a dər barbararra ya. Ama wur ana a ge a megemir nda swalwa ŋa ndaka vatwa ŋa tsiye ka, ti zle a ihər dukw ana i ahər ŋgar a fit mbaŋa.>

Markus 13:14

Yesuw a gwaɗa a tar: «Aka miɗ mba ka, ki ŋgetwim a a wele ana ta gwa ahər Wele ata a ndze a ka, a təv ana biy mendze ŋgar aɗəm tsiye.*fb* Wur ana a dzeŋge a dukw aaha ya ka, say mà dzar zləm lele. Na gà mburma ana ika ahəɗ Yuda ya, tàa ŋgat a gà dukw ata aka ndzera ka, tə̀ tə̀z ihər ndàra a kwite ya.

Luka 19:26

Ama Əbay ata a gwaɗa a tar aaka asa:

Luka 9:44

«Tikwim dukw ana i tsik a kurum a kinehe ya, a gər kurum lele. Iye, *wur ana a dara i təv Mbulum a ka, ta gis a iye mba. Ta vile a iye a ahər a gà mburma.»

Yuhana 15:2

Ahər ana a we a lele tsiye ka, a ses a ihər a. Ama ahər ana a we a ya ka, a tìrìtser a ahəm pəra, dite ka, ma zlala ahər, ma wa lele.

Gà Ɓəzla Meslire 10:33

Aɗaba taŋa na i slər aka kəraha mburma tsara ya. Ama kər tekeɗe ka, kàa gasa aba tsa, kàa dara tsara kaɗəŋ. Kinehe ka, mər tserdze mayahaba gər ŋa ika miɗ Mbulum, mìi veve a matsaraka dukw ana BATSAH kwa ŋa a gwaɗak, ti tsik a mər a, mìi tserekiŋa.»

Gà Ɓəzla Meslire 17:11

Ama gà mburma ana i fataya ka, gà ŋgwal ŋa, tə za gà Yahuda ana i Tesalunike ya, nda metsehe. Aɗaba tar ka, tə dza zləm a bazlam Mbulum lele. Kəla pat ti dzeŋgewa wakita Mbulum, aà mesire dər ka, wànà dukw ana Pul a tsikewa iɗəm ana ndzer a.

RUMA 12:3

Mbulum aka giŋ ŋgwal ŋa, aka tike iye aà megemir ŋgar. Aɗaba taŋa, iye ihər i gweɗe a kurum a ilik ilik tserdze ka: Kà ɗwim à gər kurum, waytsà mər ŋa mà za biy na a tsahən aà mburma tsa. Ki dzelwim a ivaɗ ka, ku weke à fir aà ba ŋgar ka, meme na i ge a ya, dite i de a ndaka vatwa ana ŋgwal ŋa ya. Ki zezemwim a ka, dukw ana Mbulum a vəl a kurum i təv megìse ana kə̀ gəsum ŋgat a, na dite ki livwime a à gər kurum ka, dàyday a.

1 Kurintiya 14:37

Na bəla wura a gweɗe a, iye ka, Yàa ŋgat ndzəɗa Mezite Mesife Mbulum, kige tsa, iye mala məma à bazlam Mbulum a mburma ka, ma sər dər, dukw ana i wetse a kurum i faha ya ka, dukw ana BATSAH kwa ŋa a tsik a.

1 Kurintiya 3:18

Wura ilik ma ta bana ba ŋgar tsa. Na wura a gweɗe a: Waytsà iye ka, mala metsehe kamala biy gà mburma gər ahəɗ aaha ta ŋgat a ka, ma ne kamala wur ana a sər duwa tsiye, ika magər kurum a ivaɗ, na dite ka, a ŋget a metsehe ndzer ŋana ya.

1 Kurintiya 8:2

Na wura ŋgakŋgakəkka à sìŋgìr a à ba ŋgar, a gweɗe a, waytsà i sər duwa hinne, taŋa ka, ma sər dər, ŋgat ka, aka sər duwa kamala ana a da ndaka biy Mbulum a zukw tsa.

FILIPIYA 3:4

Na mege gà dukw ata ti ne ndzer ka, ana ka, iye tekeɗe, i ŋget a vatwa aà medzer zləm mbaŋa te. Na wura a gweɗe a, iye ka, ŋgwal ŋa, ama taŋa ka, i sle a aà metsìkè a, à zè a taŋa.

IBƏRANIKWA 2:1

Aɗaba taŋa, say gekwa metsehe a bazlam ata kà tsarakukwa ya lele, na dite ka, ka dzeyekwa ika vatwa ŋgwal ŋana ya tsiye.