Luka 8:15 - Bible Zulgo

¹⁵ Dite gà mìsle ŋgiɗ pam asa ka, ti ndzikiɗ ba wur daw ana a dza aka ahəɗ ŋgwal ŋana. Ti tsereke a bazlam Mbulum, ta gis a a gəzləŋ tar lele nda maŋgayaba. Bəla mesewere are aka ndzera ka, hiywe ta misek a dər tsa, ta ge a dukw ana a ge a ŋgulum a Mbulum a.»

Luka 8:15 ပူးပေါင်းရင်းမြစ်များ

Mata 24:13

Ama wur ana ədəts aka gəs gəzləŋ, aka simeraha haa a pat ana mesife ŋgar à ndìv a ya ka, Mbulum a mbil a dər.

Luka 11:28

Ama Yesuw a gwaɗar aaka: «Seyiŋ tsa ivaɗ, maŋgayaba ka, ika gər gà mburma ana ti tsereke a bazlam Mbulum, ta gis ahər a ahəm lele ya.»

Luka 6:45

Wele ana ŋgwal mburma, a sər ahəm lele ya, a ge a ka, dukw ana ŋgwal ŋa ya mbaŋa. Dite wele ana ŋgwal ŋa tsiye tekeɗe, a ge a ka, dukw ana ŋgwal ŋa tsiye mbaŋa asa. Aɗaba arah mburma a màwa ka, à dukw ana kìɗìŋŋa a dzele a i gəzləŋ ŋgar a.»

Luka 8:14

Gà mìsle ŋgiɗ pam asa, ti ndzikiɗ ba wur daw ata a dza aà huɗ adak a, ti tsereke a bazlam Mbulum. Ama madzala gà gər mesewere are ana ti dzele a pampam, nda gà limana nda meèweke gər ahəɗ ta ge a madzək a bazlam Mbulum ana i gəzləŋ tar a, dite megìse tar ata a ge a ndzəɗa asa tsa.

Luka 8:16

Yesuw a gwaɗa a tar asa: «Wura a riŋ a tike a akwa aà lalampa ka, dite a kèhe a dər dəɓ aà huɗ tasà, kige tsa aà huɗ maàslə̀làh tsa. A tike a ka, a təv ana dzəgəɗaf ŋa ya ivaɗ, dite na gà mburma ana ti de a a ga ya ka, ta ŋget a dər a vatwa dzaydzay lele ya.

Yuhana 14:15

Yesuw a gwaɗa a tar asa: «Na kàa wayum iye ka, ki giswim a məpala ahəm gà ana i tsik a ya mbaŋa.

Yuhana 15:10

Na kàa dzum gurmits a bəɗ a məpala ahəm gà kamala biy ana iye ihər i dze a a bəɗ a biy Tsir gà ya ka, ki ndzwim a i təv meweye gà ana i waya kurum a kəla pat, kamala iye ana mandza ŋa i təv meweye ŋgar ana a waya iye ya mbaŋa te.

RUMA 2:7

Kamala taŋa ya, gà asiŋ gà mburma ana ta gewa dukw ana ŋgwal ŋa ya, nda mayaha mezlibe ana Mbulum à zlibe a à tar, a sàs a tar a tsik aà ter a dukw ana ŋgwal ŋa ya,*fa* ta waya maŋgata mesife ana à ndìv a tsiye mbaŋa. Tar ka, Mbulum a vile a ter a mesife ata à ndìv a tsiye kaɗəŋ.

RUMA 6:22

Ama kurum kinehe ka, gà ɓele bakal asa tsa, kàa beywimera iɗəm a. Kàa nwim gà ɓele Mbulum kuɗa. Aɗaba taŋa, dukw ana kə ŋgatum i təv ŋgar a ka, a ne à kurum gà tsəɗaŋŋa, na dite ki gwimer a dukw ana a tsahən ahər a ya. Dite aka mandəvandəv ŋana ka, ki ŋgetwim a dər mesife ana à ndìv a tsa aà biybiy a.

RUMA 7:18

Kà sərakwa lele, i təv kwa gà mburma taf masakəŋa aaha ka, duwa a riŋ ŋgwal ŋa ilik tsidze. Kà wayakwa mege dukw ana ŋgwal ŋa ya ndzer, ama ka, ndzəɗa kwa a sle tsa.

RUMA 7:4

Gà damər gà, i təv kurum tekeɗe, kamala taŋa ya mbaŋa. Kurum mandza ŋa ika miɗ məpala ahəm Musa ka, kamala ana kurum ka, gà məməta ŋa ya. Ama kinehe ka, məpala ahəm ata a ge a ndzəɗa aka gər kurum asa tsa, aɗaba ana Yesuw Kiristi a mət ka, avukw kurum a. Kamala taŋa ya, kà nwim ka, gà biy ŋgar, kamala məkəs ata a ne biy zal masula ŋana ya. Wele ata ka, na Mbulum a mbəlara à ŋgat i məməta ya ya. Aɗaba taŋa, kinehe ka, ki slekwe aà mege a ŋgulum a Mbulum nda megemir kwa ana ki gekwer a ŋgwal ŋa ya kuɗa.

RUMA 8:25

Ama na kwa ihər ki dzelekwe a aka dukw ana kàa ŋgatakwar zukw tsiye ka, taŋa ka, ki vevekwe a nda magəsa gəzləŋ hinne ivaɗ.

1 Kurintiya 7:19

Na bəla kər masàsà ŋa, kige tsa bəla masàsà ŋa tsa ika miɗ Mbulum ka, ilik, duwa a riŋ a ge a ŋgulum tsa. Dukw ana a ge a ŋgulum a ka, ta gəs ahəm aà Mbulum lele.

EFESIYA 2:8

Mbulum a mbəl à kurum nda ŋgwal ŋgar ka, aɗaba ana kàa gəsum ŋgat nda gəzləŋ kurum a, tsəka, aɗaba megemir kurum ana ki gwim a tsa. A ge a kurum ŋgwal ŋgar ata biy taf a ka,

FILIPIYA 1:11

Ki nwim a gà ɓəzla mege dukw ana ŋgwal ŋa ya. Ki gwim a kəla pat, dite mede kurum à pèt aba a ka, ŋgwal ŋa lele, nda ndzəɗa Yesuw Kiristi. Gà na tàa samata kataya ya ka, tì zèmbeɗe a à Mbulum, tì zlibe a à ŋgat lele.

KULUSIYA 1:10

Kamala taŋa ya, mede kurum ana ika vatwa Mbulum a, a ge a ka, kamala ana a sàs a Yesuw Kiristi BATSAH kwa ŋa ya. Ki gwim a ka, dukw ana a tsahən ahər a tserdze. Ki gwim a ka, dukw ana ŋgwal ŋa ya, kamala dizl ɗaf ana a we a hinne gwètsik gwètsik a. Dite ka, ki sìkèhwim a à masəra Mbulum aka miɗ aka miɗ mbaŋa.

KULUSIYA 1:6

Ŋgwal bazlam ata a ɗe a zləm, ku mege i ŋga, ika gər ahəɗ tserdze. Ar ka, kamala dizl ɗaf ana a gil a ba, dite ka, a we a hinne ya. Kamala taŋa ya, kurum tekeɗe ka, dukw ata a riŋ a de a aka miɗ aka miɗ ika magər kurum mbaŋa, daga aà gər pat ana kà lah metserekwim bazlam ata ya ka, kà sərum ndzer, kàa ndzwim are tsehe a Mbulum, aka ge a kurum ŋgwal ŋa.

IBƏRANIKWA 10:36

Ama kə̀la ka, mərum aba lele, na dite ki gwim a dukw ana a sàs a Mbulum a ya. Na kàa gwim dər kataya ka, ki ta ŋgetwim a dukw ana a tsik i sida ya, a gwa, i ta vile a kurum a ya.

IBƏRANIKWA 2:1

Aɗaba taŋa, say gekwa metsehe a bazlam ata kà tsarakukwa ya lele, na dite ka, ka dzeyekwa ika vatwa ŋgwal ŋana ya tsiye.

YAKUBA 1:4

Ama kə̀la ka, gwim metsehe lele, na dite ndzəɗa ata a de a aka miɗ aka miɗ, i təv dukw ana tserdze ya ya. I dəba ŋa ya, ki nwim a ŋgwal ŋa lele, ki ywim a kuɗa duwa asa tsidze ya.

1 Yuhana 2:3

Na ki gekwe a dukw ana Mbulum a tsik a kwa ya ka, taŋa na a ɗif a kwa dər ka, ka sərakwa dər ŋgat ndzer kaɗəŋ a.