Luka 7:9 - Bible Zulgo

⁹ Yesuw a tsaraka gà bazlam ata ka, a ge ahər kamala dukw mene aà mburma ya. A mbəɗ aba a təv gà mburma ata tə dəɗ aakaha ya, a gwaɗa a tar: «Iye ihər i gweɗe a kurum a nda ndzer, pàrsa iɗəm tsa, Yàa ŋgat a mala megìsè iye nda gəzləŋ kamala wele aaha ya ilik tsidze, ku mege i gwala gà gà Isərayel tekeɗe ya.»

Luka 7:9 ပူးပေါင်းရင်းမြစ်များ

Mata 15:28

I dəba ŋa ya, Yesuw a gwaɗa a məkəs ata: «Daala aaha, megìse yak ana kə̀ gəs iye nda gəzləŋ a ka, nda ndzer lele. Aɗaba taŋa, dukw ana a sàsak ka, i vilekiŋa.» I təv ana Yesuw a tsiker kataya ya ka, dəm ŋgar ata i ma ya, a mbəl tsara.

Mata 8:10

Yesuw a tsaraka bazlam ŋgar ata ka, a ge ahər kamala dukw mene aà mburma ya. Dite a gwaɗa a gà mburma ana ti zezem a ŋgat a: Iye ihər i gweɗe a kurum a nda ndzer, pàrsa iɗəm tsa, Yàa ŋgat a wura aka gis iye nda gəzləŋ, ku mege i gwala Isərayel tekeɗe, kamala wele aaha ya ilik tsidze.

Mata 9:33

I dəba ŋa ya, Yesuw a dalawa ikəka sitene ata ya. A da ikəka ya tsara ka, wele ata a dza ba aà mifefile wìlè wìlè lele kuɗa. Gà mburma ana tar riŋ i fataya, ta ŋgatar kataya tsara ka, a ge aà tar kamala dukw mene aà mburma ya. Ta gwa: «Maa ŋgat a duwa ika ahəɗ kwa gà Isərayel ilik kamala naha ya tsa.»

Luka 7:10

Aləka gà mburma ana tə slər tar a, ta mbəɗ gər a ga a bəra Əbay gà sliwdze gà Ruma ata. Tə daha ka, ti leha aà mala meslire Əbay ata, aka mbəl, a riŋ mandza ŋa zayzay lele kuɗa.

Luka 7:50

Ama Yesuw a gwaɗa a məkəs ata: «Kàa mbəl, agəra ana kàa gəs iye nda gəzləŋ ilik a. Daba nda zay.»

Luka 7:8

Aɗaba iye tekeɗe, gà bàba gà ŋa a riŋ mbaŋa, dite i kwere a gà sliwdze mbaŋa asa. I sle aà megweɗe a a biy ŋgiɗ ilik: ka, a diŋa. Dite i gweɗe a a biy ŋgiɗ asa: ka, a deriŋa. Dite bəla i gweɗe a a mala meslire gà: ka, a giŋ a mbaŋa asa.»