Luka 7:42 - Bible Zulgo

⁴² Mala siŋgwe a fə̀r aà tar ata sula ya ka, wura a riŋ ika magər tar a sle a aà mipìle siŋgwe ata tsa. I dəba ŋa ya, a məsak à tar à siŋgwe ata. Taŋa dze ana, weke na i liwiŋ gà mburma ata sula ya, a weye a mala siŋgwe aaha hinne ya?»

Luka 7:42 ပူးပေါင်းရင်းမြစ်များ

Mata 18:27

I huɗ meheme ŋgar ata ya ka, a ndza aɗəm are tsehe a mala ga ŋgar aaha hinne. A miyakar à gwèdèrè ŋgar ata fit dze, kamala megweɗe ya, mandza pəra.

Mata 18:34

A tsəɓ a mala ga ŋgar aaha hinne. A daha, a gəs ŋgat, a vəl ahər a gà na ti sèwèrewa are a mburma ya. Ti tike ŋgat gədzə̀zl a daŋgay. A gwa: «

Mata 6:12

Pəl a mər à bakal mər, kamala ana mì pə̀lawa dər a gà na ta gewa a mər bakal a mbaŋa.

Luka 7:43

Simun a gwaɗar aaka: «I dzala ka, mala gwèdèrè ana siŋgwe ihər hinne ya, na a weye a wele ata ya.» Yesuw a gwaɗar: «Kà sər kaɗəŋ ndzer.»

RUMA 3:24

Ama ka, ti ndze are tsehe a Mbulum, na dite a ge a tar ŋgwal biy taf, a ne à tar gà ŋgwal ŋa ika miɗ ŋgar a. A ge kataya ka, nda ahər Yesuw Kiristi ana a mbùrùɗara tar i bakal tar a ya.

RUMA 5:6

Aɗaba akahər ata piŋŋe ka, kàa ŋgatakwa ndzəɗa aà mege dukw ana ŋgwal ŋa ya tsa. Aləka i dəba ŋa ya, a ndze tits aka məpàslà ahər Mbulum ana a tike ya ka, Yesuw Kiristi a dara, a mət aɗaba kwa ana kwa gà ɓəzla bakal a.

GALATIYA 3:10

Ama gà na ta gweɗe a ka, waytsà mìi ne a gà ŋgwal ŋa ika miɗ Mbulum, aɗaba ana mìi ge a dukw ana məpala ahəm a tsik a mər a ka, mezelme Mbulum ika gər tar. Aɗaba ta wetse i wakita Mbulum ka, ta gwa: «Na wura a zazamawa gà məpala ahəm ana ta wetse i wakita pampam tserdze ya tsəka, mezelme Mbulum ika gər ŋgar.»*fc*

EFESIYA 1:7

A mburuɗara kwa i ahər Əbay sitene ya. Nda məməta Kəla ŋgar ata, a pəl a kwa dər à bakal, dite na kə ŋgatakwa mezìwè gà gər kwa kuɗa ya. Kərga taŋa ya, aka ɗif a kwa dər ka, meme na ŋgat a riŋ ihər a ge a kwe a ŋgwal ŋa hinne ya.

EFESIYA 4:32

Ki sirwim a ba a ahəm ka, lìfèɗìɗe lele, gà mburma na ti ndze a kurum a are tsehe ya ivaɗ. Pə̀lum aba à bakal ilik ilik tserdze, kamala Mbulum ana a pəl a kurum dər aɗaba kurum ana gà mburma Yesuw Kiristi ya.

KULUSIYA 3:13

Sərum ba ika magər kurum lele. Na bəla wura aka ge a kurum dukw ana ŋgwal ŋa tsiye ka, ka ta mumar aɗəm à bakal ŋa tsa, pə̀lumar dər seyiŋ ivaɗ. Pə̀lum a ba à bakal kamala ana BATSAH kwa ŋa a pəl a kurum dər a mbaŋa.