Luka 7:39 - Bible Zulgo

³⁹ Farisa ana a zal a Yesuw a, a ŋgat a məkəs ata a leme ahər a ya tsara ka, a gwa i gər ŋgar ka: «Na wele aaha ka, mala məma à guma Mbulum ndzer ka, a sir a məkəs aaha a ləm ahər a ka, mala bakal, a delewe a aba ŋgat a.»

Luka 7:39 ပူးပေါင်းရင်းမြစ်များ

Mata 20:16

Yesuw a gwaɗa a tar asa: «Kamala taŋa ya, gà mburma ana kinehe ti tike tar aà ahər tsiye ka, ti ti ne a gà ɓəzla aka miɗ mba ika miɗ Mbulum. Dite gà na kinehe ta gwa, gà mər ŋa ya ka, ti ti ne a gà ɓəzla dəba ika miɗ Mbulum mbaŋa asa.»

Mata 21:11

Ama mayahaba gər gà mburma ata tə dəɗ aakaha ya, ta gwaɗa a tar: «Naha ka, Yesuw, mala məma à guma Mbulum ana a dara i Nazaret, ika ahəɗ Galile ya.»

Markus 7:21

Aɗaba na a dere a i gəzləŋ mburma ya ka, madzala gà gər ana ti dzele a ŋgwala tsiye. Taŋa na a peze a za a mburma aà mege mezelme nda təv dukw ana biy metsike tsiye, nda gà mege akəl, nda makə̀ɗà mburma,

Luka 12:17

A dzala, a gwa:

Luka 15:2

Aləka gà *Farisa nda gà ɓəzla medzeŋge məpala ahəm Mbulum ta ŋgat a tar kataya tsara ka, ta ge arəv hinne, tə dza akaba bazlam ŋgùra ŋgùra ŋgùra hinne ika magər tar. Ta gwa: «Wele aaha à gis a aba gà ɓəzla bakal lele, naha ti zim akaba a dukw mezime ana, meme?»

Luka 16:3

Mala maɗàmà siŋgwe aaha a dzala i gər ŋgar ka, a gwa:

Luka 18:4

Aka ndza hinne, a sàs a wele ata aà meger seriye ŋgar tsa. I dəba ŋa ya, a dzala a gwa:

Luka 3:8

Ama kinehe ka, gwim gà megemir ana gà mburma ta ŋgeter a, dite ti sir a dər ka, madzala gà gər kurum aka mbəɗ a təv Mbulum a dzekwiŋ. Kù gwaɗum ka, làŋa Abəraham batsah tsir mər ana, duwa à lìm a aà mər ana, meme ya tsa. Aɗaba iye ihər i gweɗe a kurum ŋa: Mbulum a sle a aà mene à gà kur aaha gà gwala Abəraham mbaŋa.

Luka 7:16

Dukw ata Yesuw a ge ya ka, a ge magəɗa a gà mburma ata i fata tserdze ya hinne. Tə zàmbaɗa aà Mbulum. Ta gwaɗawa: «Batsah mala məma à guma Mbulum aka dara aka magər kwa ya. Dite Mbulum aka dara, aà mazlàkà gà mburma ŋgar a mbaŋa asa.»

Luka 7:37

Məkəs duwa a riŋ i kwite ata, mala bakal, meɗè zləm ŋgar ŋgwala tsa hinne. A tsaraka Yesuw ana a riŋ i ga, a zim a ɗaf i bəra gà Farisa ata ya ka, a zlaha wirdè ŋa, a ze hwaŋŋà lele, à sìkim a ba tsa, maràhà ŋa i kwalaba.

Luka 7:38

A daha, a dza dər aà dəba a Yesuw aà gùva sik ŋgar. Ŋgat ŋa a dza ba aà tuwa. Tuwa ŋgar ata a bara dəba sik Yesuw. Məkəs ata a tàpàɗ ihər a nda ambəz ŋgar a. A gəs aaba sik Yesuw, a ndzìwìɗer ahəm, dite a dza ahər à wirdè ata kuɗa.

Luka 7:40

Ama Yesuw aka səraraha aka madzala gà gər ŋgar ata tsara. A gwaɗar: «Simun, duwa a riŋ ilik i tsikikiŋa.» Simun a gwaɗar aaka: «Haya, fàfəl, Əbay gà.»

Yuhana 4:19

Məkəs ata a gwaɗar: «Əbay, i sər ka, kər mala məma à guma Mbulum.

Yuhana 7:12

Gà mburma tserdze ti tsikeye bazlam pampam nda akəl aka gər ŋgar hinne. Gà mìsle ŋgiɗ ka, ta gwa: «Wele ŋa ka, ŋgwal mburma.» Ama gà biy ŋgiɗ aaha ta gwa i tar: «Kataya tsa, ŋgwal mburma tsa, a bene a mburma.»

Yuhana 9:24

I dəba ŋa ya, gà Farisa tə zal a wele ata a ndzawa guluf ŋa ya masula ŋa asa. Ta gwaɗar: «Tsik dukw Mbulum ndzer ŋana kwaŋ, aɗaba mì sər ndzer, wele ata ka, mala bakal.»