Luka 7:3 - Bible Zulgo

³ Əbay gà sliwdze ata a tsaraka miɓizle Yesuw ana a riŋ i fataya ka, a slər aakaha gà bàba gà Yahuda duwa, aà ma daha, mə mbəl à mala meslire ŋgar ata.

Luka 7:3 ပူးပေါင်းရင်းမြစ်များ

Mata 8:5

I dəba ŋa, Yesuw a da a kwite Kafarnahum. Zàmma tsəka, batsah gà sliwdze gà Ruma duwa a daha a təv ŋgar, a hamar hinne.

Luka 7:2

Ama i fata ka, Əbay gà sliwdze gà Ruma duwa a riŋ, mala meslire ŋgar ana mandərkwasla ŋgar a, ŋgwala tsa hinne, à mìtiŋa.

Luka 7:4

Aləka gà mburma ata ti ndzeha a təv Yesuw ka, tə dza ba aà mehemer hinne, ta gwaɗar: «Əbay gà sliwdze duwa na a slərra mər a, aɗaba mala meslire ŋgar duwa a riŋ ŋgwala tsa ka, dara, zlak ŋgat, mbəlar dər te, na mì dara ya.

Luka 8:41

Mìsle ŋgiɗ a riŋ ilik i fata mbaŋa, zləm ŋgar Yayirus. Ŋgat ka, batsah gà mburma ana i ga mahàmà a Mbulum i kwite ata ya. A daha a təv Yesuw. A ndzeha a təv ŋgar tsara ka, a kal aba aka miɗ ŋgar. A hamar hinne. Dite Yesuw ma da a ma ŋgar te.

Luka 9:38

Wele duwa a riŋ i magər gà mburma ata a fàfəlaraha nda magala. A gwaɗar: «Əbay, i gek kamkam, fìriŋ aà kəla gà aaha ilik a te.

Yuhana 4:47

A tsaraka, Yesuw ana aka dara i Yuda ya aka ahəɗ Galile ya ka, a daha a təv ŋgar. A hamar, a gwaɗar: «Kamkam, da mbiliŋ à kəla gà duwa a riŋ à mìt a te.»

FILIMUN 1:10

Ama i gek a kamkam ka, aɗaba Unesimus ana ŋgat a ne kəla gà ika vatwa Mbulum a. Iye ana i daŋgay a, na i ne tsir ŋgar ɗa i faha ya.