Luka 7:29 - Bible Zulgo

²⁹ Gà mburma tserdze, ku mege gà ɓəzla dùwan tekeɗe, tə dza zləm a bazlam Yuhana ata a tsik a tar a lele. Aɗaba tə sər dukw ana a tsik a ka, bazlam Mbulum ndzer. Dite Yuhana a tsilwiɓewa à tar a yam.

Luka 7:29 ပူးပေါင်းရင်းမြစ်များ

Mata 5:46

Na bəla ki weywim a ka, gà mburma ana ta waya kurum a ɗekɗek ana, aàmala na ki dzelwim a ka, Mbulum a ta vile a mər a dukw maya ba mər asa ya? Ku mege gà na wura a ndze a tar are tsehe tsiye tekeɗe, ta waya ba kataya mbaŋa.

Luka 20:6

Ama na kù gwaɗakwar asa: ka, a ge a ba tsa asa. Aɗaba gà asiŋ gà mburma ɗa i magər kwa hinne tə dzala Yuhana ka, mala məma à guma Mbulum ndzer, ta kelewa a kwa nda kur.»

Luka 3:12

I dəba ŋa ya, gà ɓəzla duwan tə daha a təv ŋgar, aà mà tsilwiɓ à tar a yam mbaŋa. Tə daha, ta gwaɗa a Yuhana: «Əbay mər, mìi ge a dze ana, meme na kinehe ya?»

Luka 7:28

Iye ihər i gweɗe a kurum a nda ndzer kaɗəŋ, pàrsa iɗəm tsa: Wur a a riŋ tàa wa ka, a za Yuhana ka, a riŋ tsa. Ama kəla ka, wur ana aka həna à gər a bəɗ, a ne à ba ŋgar kə̀la ŋa i *mekwere Mbulum a ka, a zè a ŋgat ana kinehe ya.

Luka 7:35

Ama gà na tə sər Mbulum a ka, ta gis a gà dukw ata fit dze lele. Aɗaba tar ka, tə sər, metsehe ŋgar iɗəm.»

Gà Ɓəzla Meslire 18:25

Aka sinike ba ika vatwa BATSAH kwa ŋa ka, lele. A ɗifewa à dukw ana nda təv Yesuw Kiristi ya ka, nda ndzer ŋa parakkà. A dzeŋgewa a tar a dukw ata ka, nda gəzləŋ ŋgar ilik zayya lele. Ama kə̀la ka, a sər ka, metsìlwìɓè à mburma a yam Yuhana ana a tsilwiɓewa dər aɗəm a, tsəka, biy Yesuw tsa.

Gà Ɓəzla Meslire 19:3

Pul a gwaɗa a tar asa: «Medzìbe metsìlwìɓè à mburma a yam awara na ti tsilwiɓ aɗəm à kurum a?» Gà mburma aaha ta gwaɗar: «Ti tsilwiɓ à mər ka, a biy Yuhana.»

RUMA 10:3

Aɗaba tàa tsaraka vatwa ana Mbulum a ne a dər à mburma ŋgwal ŋa ika miɗ ŋgar a tsa. Tar riŋ ti yehe a vatwa ivaɗ ka, aà mene à ba tar ŋgwal ŋa i təv ŋgar nda ahər tar. Kamala taŋa ya, ŋgùɗak ta məsak aba à vatwa ana Mbulum a ne a dər à tar ŋgwal ŋa ika miɗ ŋgar a.

Sunwa Yuhana 15:3

Tar ihər tì lèh a dər dimis Musa ana ŋgat mala meslire Mbulum, a lah akahər ata ya. Dite i dəba ŋa ya, tə lah dimis wele ana ŋgat kamala Kəla Təmaŋ a mbaŋa. I huɗ malàhà dimis tar ata tə lah a ka, ta gwa: «Mbulum BATSAH kwa ŋa ka, mala makwàrà duwa tserdze. Mege megemir yak ana ki ge a ya ka, batsah ŋa. Ar ka, ŋgwal ŋa ndzer. Kər na Əbay ika gər ahəɗ tserdze ya. Dukw ana ki dzele a ya, ndəna ki ge a ya ka, kalkal lele. Kər ka, mala mege dukw ana ŋgwal ŋa ndzer a.

Sunwa Yuhana 16:5

I fataya ka, i tsarakara gawla Mbulum ana a kaslawa gà yam a. A zàmbaɗa à Mbulum, a gwaɗar: «Kər ilik na tsəɗaŋŋa ya. Kər ka, kər riŋ daga piŋŋe, aà gər ana gər ahəɗ a riŋ zukw tsiye. Dite kinehe tekeɗe, kər riŋ nda gà mesife hiywe asa mbaŋa ya. Kər ki ge a seriye aaha a mburma ka, ndaka vatwa ŋa lele.