Luka 7:19 - Bible Zulgo

¹⁹ dite a slər tar a təv Əbay Yesuw, aà mewize ahər ka: «Wànà kər ana, mala məmbàlà à mburma ana, mì sər ka, a riŋ a dere a ya ya, tsəna, mìi veve a biy ŋgiɗ a?»

Luka 7:19 ပူးပေါင်းရင်းမြစ်များ

Markus 6:7

Aləka i dəba ŋa ya, Yesuw a zal a gà ɓəzla mazazama ŋgat aaha ndeɗiŋa kurwa gəra sula ya. Tə daha a təv ŋgar, a vəl a tar ndzəɗa aà madalawa gà sitene aà mburma ya. A ndzaka ikaba tar a sula sula. A slər tar aà metsìkè bazlam Mbulum nda madalawa gà sitene ata aà mburma ya.

Luka 10:1

I dəba ŋa ya, BATSAH kwa ŋa a ndzək gà asiŋ gà mburma ŋgiɗ dzik təsəla gəra sula, a slər tar sula sula aka miɗ, a gà təv ana a sasar a de aɗəm a ya, ku mege a batsah kwite, ku mege a kəla ŋana tekeɗe.

Luka 11:1

A pat duwa, Yesuw a hama a Mbulum i təv ŋgiɗ pam. I təv ana a ndəv à meheme ŋgar ata ya ka, wura ilik i liwiŋ gà ɓəzla mazazama ŋgat a, a gwaɗar: «Batsah mər ŋa, ɗif a mər dər, meme na mìi heme a a Mbulum, kamala ana Yuhana a ɗif dər a gà ɓəzla mazazama ŋgat a mbaŋa te.»

Luka 11:39

I dəba ŋa ya, Əbay Yesuw a gwaɗar: «Kurum gà Farisa ka, kà sərum are matsakaɗa gà kəzliyam nda tasà kurum ka, lele. Dite aàla na gəzləŋ kurum kataya tsiye? Nda bəra ka, kù gwaɗum, mər gà ŋgwal ŋa, tsaatsa i huɗ ŋana ka, maràhà ŋa nda gà dukw ana ŋgwala tsiye, kamala megweɗe ya ka: Megeye akəl, nda megeye swalwa.

Luka 12:42

Əbay Yesuw a gwaɗar aaka: «Nwim ka, kamala mala mege megemir ana ndzer ŋa, a ge a megemir ka, nda metsehe lele ika are ŋa ya tsiye. Na bəla mala ga ŋgar a de a a təv ŋa ka, a tike aɗəm a ŋgat aà makàslà gà ɓəzla megemir, a vile a ter a ɗa dukw mezime ka, tits a təv ana tə zəmawa ya ya.

Luka 13:15

Əbay Yesuw a gwaɗar aaka: «Dukw gà mimbèhè are kurum ata, bəla a pat mesìfìkà ba ana ku weke i liwiŋ kurum a, a pə̀lawa à sla ŋgar, kige tsa à hezweŋe ŋgar, dite ma sa yam dze ana, pam a?

Luka 17:5

Aləka i dəba ŋa ya, gà ɓəzla meslire Yesuw ta gwaɗar: «Batsah mər ŋa, səkah a mər à megìse a gəzləŋ te.»

Luka 17:6

Batsah tar ŋa a gwaɗa a tar aaka: «Na mege kàa gəsum iye a gəzləŋ kurum kwizikw, kamala wur meserek a tekeɗe, ki slwim aà megweɗe a a batsah kàvə̀ra aaha: ka, à gis a ahəm kurum.»

Luka 18:6

I dəba ŋa ya, Əbay Yesuw a səkah à bazlam ata asa. A gwaɗa a tar: «Dzum zləm a dukw ata mala mege seriye ata ŋgwal ŋa tsa a tsik a.

Luka 19:8

Ama i təv ana tar riŋ i ma ya ka, Zakayus a daha, a hitse aka miɗ Əbay Yesuw, a gwaɗar: «Araha, i tsik a i sida ya, Əbay gà: I dzèye a mezehe dukw gà a gà ɓəzla matawak. Na bəla Yàa zla duwa aà wura ya ilik ka, i sikehe a dər aaka faɗ.»

Luka 22:61

I dəba ŋa ya ka, BATSAH kwa ŋa a mbəɗ aba, a fə̀rra aà Piyer a. I fataya tsara ka, bazlam ana BATSAH kwa ŋa a gwaɗar: Ələk guŋgwazl a ti tiwe a ka, kàa gwa medzige makər, i sər Yesuw tsiye ka, aka màrra a gər a.

Luka 24:34

Gà mburma ata ta ŋgat a gà wele aaha tsara ka, tə lah dər aka tar ivaɗ, ta gwaɗa a tar: «BATSAH kwa ŋa ka, aka mbəlara i biye ya kaɗəŋ, Simun aka ŋgatar.»

Luka 7:13

Ama Əbay Yesuw a ŋgataha a madakwa məkəs ata à dìɗ a aka kəla ŋgar a ka, a ndzer are tsehe hinne. A gwaɗar: «Ka tuwa tsa.»

Luka 7:20

I dəba ŋa ya, gà mburma ata ta mah ba. Ti ndzeha a təv Yesuw tsara ka, ta gwaɗar: «Na a slərra mər a təv yak a ka, Yuhana metsìlwìɓè à mburma a yam, aà mewize aà kər: «

Yuhana 4:1

Gà *Farisa tə tsaraka, gà na ti zezem a Yesuw, dite ka, a tsilwiɓ à tar a a yam a ka, hinne, tə za gà biy Yuhana.

Yuhana 4:25

Məkəs ata a gwaɗar: «I sər ka, *Masihu a deriŋa, wele ana tə zalar *Kiristi, mala məmbàlà à mburma ana Mbulum a gwa, i ti slir a kurumehe a ya. Aka dara ka, a ti ɗif a mər a à duwa tserdze.»

Yuhana 6:23

Ama gà asiŋ gà slə̀làh yam ŋgiɗ tə dara i kwite Tiberiyas a bise nda təv ana ndeɗiŋa BATSAH kwa ŋa a zla dukw mezime, a ge dərraha kəkaaha a Mbulum, dite a vəl a mburma, tə zəm a.

Sunwa Yuhana 11:3

I ti slir a gà ɓəzla sida sula, dite tì dzèye akaba a petek bùhwa biy na duwa a sle aà tar a. Ti ti ɗif a à bazlam gà a gà mburma, a təv ana aka ndze aɗəm a, kamala megweɗe ya, ti ɗif a dər ka, i huɗ mehinne dəbuw nda dərməka sula nda dzik ndilik a.»