Luka 6:7 - Bible Zulgo

⁷ Gà ɓəzla medzeŋge məpala ahəm Mbulum nda gà *Farisa ana riŋ i fataya, tə dza ba aà mesìkwè Yesuw ìzliɗ ìzliɗ lele. Ta gwa: «Wànà wele ata ana, a ge a megemir, a mbil a à mburma a pat mesìfìkà ba aaha ya?» Aɗaba a sàs a tar maŋgata vatwa aà məmàr à bakal.

Luka 6:7 ပူးပေါင်းရင်းမြစ်များ

Mata 5:39

Ama iye ihər i gweɗe a kurum ŋa: Na wura aka ge aà kurum bakal a ka, ka ta mumar dər aɗəm tsa. Ama ku weke na aka lakək aka mahwalum aka tsèke ahər mezime ka, mbə̀ɗaraha à biy ŋgiɗ aaha, ma lakək aaka asa.

Markus 3:2

Gà mburma ata i ga ata ya, tə dza ba aà masamata Yesuw. Gà asiŋ gà mburma ŋgiɗ tə dzala i gər tar, ta gwa: «Wànà Yesuw a ge a megemir, a mbil a à wele ata a pat mesìfìkà ba aaha ya?» Tə dzala kataya ka, aɗaba a sàs a tar məma à bakal a Yesuw, agəra dukw ana Mbulum a pala a tar ahər ahəm a pat mesìfìkà ba ya.

Luka 13:14

Ama a tsəɓ a batsah mala mahàmà a Mbulum ata hinne, aɗaba ana Yesuw a mbəl à məkəs ata a pat mesìfìkà ba ya. Batsah mala mahàmà a Mbulum ata a dza ba aà mifefile a gà mburma ata i fataya. A gwaɗa a tar: «Na kà wayum mege megemir ka, mehinne ndilik. I huɗ mehinne ndilik ŋa ata ya ka, dumara, ta mbala à kurum, tsəka, a pat mesìfìkà ba tsa.»

Luka 20:20

I dəba ŋa ya, tə dza ba aà mayaha manəsa bazlam i təv Yesuw a. Tə slər gà ɓəzla məbànàra bazlam aà mburma i gər a, a təv ŋgar. Gà mburma ata ka, ta ge aba kamala ana tar ka, gà ɓəzla ndzer ŋa ya. Dite ka, ta gə̀saraha ahəm aà are, nda mewize ahər duwa. A sàs a tar məvəla ŋgat ahər mala sik Əbay ana a kwere a ahəɗ gà Ruma ya.

Yuhana 9:16

Gà asiŋ gà Farisa ta gwa: «Mì samata wele ana a ge a kataya ya ka, a sle aà madàra i təv Mbulum a tsa, aɗaba ana a ge a megemir, a tike a gər a məpala ahəm kwa a pat mesìfìkà ba tsiye.» Ama gà mìsle ŋgiɗ asa ta gwa: «Meme na wura a sle a aà mege medzibe gà dukw mene aà mburma aaha ya, na ŋgat mala bakal a?» Aɗaba taŋa tə ndzakaya ba iba ya vatwa pampam.