Luka 6:49 - Bible Zulgo

⁴⁹ Ama wur ana aka tsaraka bazlam gà, dite ka, aka ge mege megemir ŋa tsəka, a ndzikiɗ ba wele ana a dza ba aà madzàha ga aka ahəɗ kataya, ze mele biye ŋa ya. Aləka i təv ana yam a dara, a dza a bəɗ a ka, ga ata a nànə̀z. A durus, bìrìm a mbazla fit tsara.»

Luka 6:49 ပူးပေါင်းရင်းမြစ်များ

Mata 23:3

Aɗaba taŋa, dukw ana tàa tsik a kurum a ka, gwim taŋa, gəsum aà tar ahəm lele. Ama kəla ka, ka tə zazamum dukw tar ana ta ge a ya tsa. Aɗaba dukw ana ti ɗif a dər a mburma ya ka, tar ŋa ta ge a ndaka vatwa ŋa tsa.

Mata 24:10

A ndze a a fata ka, gà mìsle ŋgiɗ pampam hinne ta gis a iye a gəzləŋ tar asa tsa. Tì dze a ba ka, aà megeye aaba ɗaf nda mene ba are.

Markus 4:17

Ama bazlam ata a ŋge a zlile aà mendze i gəzləŋ tar tsa. Mendze tar a riŋ ika vatwa Mbulum hinne tsa. Zàkwayiya, na bəla mawùràba bazlam, kige tsa mesewere are aka ge a tar ba a gər ka, ŋgwìɗik ta miyek a à magəsa bazlam ata tsara.

Luka 12:47

Na bəla mala meslire a sər dukw ana a sàs a mala ga ŋgar a, dite ka, aka gəs, a waya megemir ŋa lele tsəka, ta viler a mesewere are ana ta gìzlewe a iɗəm ŋgat hinne ya.

Luka 19:14

Aləka gà mburma ata tserdze ya, tə tsaraka, aka da a mewize Əbay ka, a tsəɓ a tar hinne, aɗaba ta waya ŋgat tsa. I dəba ŋa ya, tə slər mburma a təv gà mburma ana ti tikere aɗəm a ŋgat a, aà megweɗe a taraha ka:

Luka 19:27

Ama gà ɓəzla mene are ana a sàs a tar, i ne Əbay tar tsiye ka, geswimiŋara tar a faha ya, ka batsum tar aka miɗ gà a faha.> «

Luka 6:46

Yesuw a gwaɗa a tar i dəba ŋa ya asa mbaŋa: «Aàmala na kà zelewimiŋ ya, na kwets ki gwim a dukw ana i tsik a kurum a ya tsa taf a?

Luka 6:48

A ndzikiɗ ba ka, wele ana a dzèhe a ga ya. A le a biye ŋa, à zlèzlere a iɗəm nda kur a lele, na a mbezle a tsiye. Aləka yam aka dza a bəɗ ka, menènìze a de aɗəm a tsa, a ndze a sahsah lele, a mbezle a tsa, aɗaba mazlazla ŋara i biye ya nda kur a.

Luka 7:1

Yesuw a ndəv a tar aba à mifefile ŋgar ata ya tsara ka, a hitse i fataya, a da a kwite Kafarnahum.

Yuhana 15:2

Ahər ana a we a lele tsiye ka, a ses a ihər a. Ama ahər ana a we a ya ka, a tìrìtser a ahəm pəra, dite ka, ma zlala ahər, ma wa lele.

Gà Ɓəzla Meslire 20:29

Aɗaba i sər, na Yàa da ka, gà mburma ana kamala gà kəra dala ya, ti dere a aka magər kurum a. Dite kwets ti ta miyek a à gà təmaŋ ata ɓav tsa.

Gà Ɓəzla Meslire 26:11

I sèwèrewa a tar are hinne i gà ga mahàmà a Mbulum ana i fataya, dite ka, ta miyak à magəsa Yesuw fit. Matsəɓatsəɓ ga ika gər tar hinne. I yahawa tar, ku mege i gà kwite ŋgiɗ a diriŋ tekeɗe. I dawa aka tar pəra, aà mesewere a tar are.»

1 TESALUNIKE 3:5

Aɗaba taŋa, i təv ana i sər, kurum ihər ki sèwèrwim a are ya ka, i sle aà magəsa gəzləŋ asa tsa. Kamala taŋa ya, i sləraha Timute a təv kurum ka, na dite i sir a dər, meme na ki ndzwim a ya ya. Wànà megìse kurum ana kə̀ gəsum Yesuw Kiristi nda gəzləŋ kurum ana, a de a aka miɗ aka miɗ a, tsəna, Əbay sitene aka bana kurum a. Na bəla kataya ka, taŋa megemir mər ana mì ge ika magər kurum a, a ne ka, taf masakəŋa.

2 Piyer 2:20

Na wura a sər Yesuw Kiristi BATSAH kwa ŋana a mbil a à kwa ya ka, aka be aà gà dukw ana ŋgwal ŋa tsa ika gər ahəɗ, à nis a à mburma ya. Ama zàkwayiya ka, à mbìɗ a gər aka mege dukw ata ŋgwal ŋa tsiye, dite gà dukw ata ta kwere a ŋgat asa ana, meme? Kamala taŋa ya, mandəvandəv mendze ŋgar ana i dəba taŋa ya ka, ŋgwal ŋa tsa ndeyndey, à zè a dukw ana ŋgwal ŋa tsa, a ge akahər ana a sər Yesuw Kiristi zukw tsiye ivaɗ.

1 Yuhana 2:19

Gà mburma ata tə ndzawa piŋŋe ka, ika magər kwa ana kə̀ gə̀sakwa Mbulum a. Ama tə ndzawa ka, nda ndzer tsa. Aɗaba taŋa na tə da ika magər kwa ya ya. Na mege tə ndzawa ika magər kwa nda ndzer ka, ti de a i təv kwa ya tsa. Ama ta miyak à kwa, dite na kinehe kà sərakwa dər ndzer, ku wura ilik i liwiŋ gà mburma ata aka ndza nda gà mburma kwa nda ndzer ŋa ilik tsidze.