Luka 6:45 - Bible Zulgo

⁴⁵ Wele ana ŋgwal mburma, a sər ahəm lele ya, a ge a ka, dukw ana ŋgwal ŋa ya mbaŋa. Dite wele ana ŋgwal ŋa tsiye tekeɗe, a ge a ka, dukw ana ŋgwal ŋa tsiye mbaŋa asa. Aɗaba arah mburma a màwa ka, à dukw ana kìɗìŋŋa a dzele a i gəzləŋ ŋgar a.»

Luka 6:45 ပူးပေါင်းရင်းမြစ်များ

Yuhana 7:38

Ar ka, kamala ana mewetse ŋa a riŋ i wakita Mbulum akahər ata, ta gwa: «

Gà Ɓəzla Meslire 5:3

A da dərraha tsara ka, Piyer a gwaɗar: «Aàmala na kà zazam pàrsa *Sadan a? Aàmala na kà sàs pàrsa a Mezite Mesife Mbulum a, aɗaba ana kà ndzək mezehe siŋgwe gùvàh aaha a biy yak pam a?

EFESIYA 3:8

Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

EFESIYA 4:29

Mifefile ana ŋgwal ŋa tsiye ka, ma tə dara i bazlam kurum a tsa. Say ki tsikwim a ka, bazlam ana à zlèk a gà mìsle ŋgiɗ, aà masəkaha à megìse tar ika vatwa Mbulum a ivaɗ, dite na a vile a vatwa aà dukw ana a ge a ŋgulum a gà na tar riŋ tì dzer a zləm a.

EFESIYA 5:19

Làhum ba dimis mazàmbàɗà à Mbulum, nda gà asiŋ dimis ana pampam Mezite Mesife Mbulum a vəl a kwa ya. Ki lèhwim a dimis ata ka, a Batsah kwa ŋana. Zàmbaɗum à ŋgat nda gəzləŋ ilik.

KULUSIYA 3:16

Vəlum vatwa a bazlam Yesuw Kiristi, tsìsl mà rah a gəzləŋ kurum lele, ka dzalum aaka gà gər hiywe. Ɗifwim aba à vatwa ika magər kurum. Ɗifwim aba dər aba nda zèyezèye, kamala ana Mbulum a vəl a kurum metsehe ya. Zàmbaɗum à Mbulum nda gà dimis pampam. Làhum gà dimis ana Mezite Mesife ŋgar a ɗif a kurum dər a. Làhum gà dimis ata a Mbulum, nda megèr kəkaaha i gəzləŋ kurum hinne.

KULUSIYA 4:6

Bazlam kurum ana ki tsikwim a ter a ya, ma ge ka, himmè lìfèɗìɗe lele, dite ka sərum dər mbaŋa ka, meme na ki fèfilwim a ter aaka a lele, a gà na ta wiz aà kurum a bazlam a ya.

IBƏRANIKWA 8:10

I gwa ka: Araha, na magəsa ba gà ana mìi ti sir a ba nda gà Isərayel aka miɗ mba ya. A pat ata na i ti tike a məpala ahəm gà a gəzləŋ tar a, dite ka, ta gəs, tə dzala aaka gà gər. I ge a dər kataya ka, dite i dəba ŋa ya, ta gis a ahəm gà kuɗa. I ti ne a Mbulum tar, dite tar tekeɗe, ti ne a gà mburma gà mbaŋa.

Yuda 1:15

A dere a ka, aà mege seriye aka gər gà mburma ana ika gər ahəɗ a tserdze ya. Seriye à gis a gà na tə sər ŋgat tsiye, aɗaba dukw tar ana ta gewar ŋgwal ŋa tsa pampam a, dite agəra gà bazlam ana ŋgwal ŋa tsa tserdze ti tsik ahər a mbaŋa.»