Luka 6:42 - Bible Zulgo

⁴² Meme na ki sle aà megweɗe a a damər yak ka: dzekwiŋ a, na tsaatsa i yak ŋa ana iɗəm ka, diŋgwizl a? A kər mala mimbèhè are ata, lah mazlàra diŋgwizl aaha i are yak ŋa ya dzekwiŋ, dite ndzihndzih ki ŋget a vatwa lele, ìndits ki zlere a pərats a kwizikw ŋa ata i are damər yak a kuɗa.»

Luka 6:42 ပူးပေါင်းရင်းမြစ်များ

Mata 26:75

I dəba ŋa ya, Piyer a dzala aka bazlam Yesuw ana a gwaɗar ka, ələk guŋgwazl a ti tiwe a ka, kàa gwa medzige makər, i sər Yesuw tsiye ka, aka màrəra a gər a. A dara i ga ya, a dza ba aà tuwa hinne.

Mata 7:3

Aàmala la na a sàsak meŋgeteha ka, a pərats ana kwizikw i are damər yak a, tsaatsa i yak ŋa ana iɗəm diŋgwizl dùrgùrəzl ka, kàa sər ahər tsiye?

Mata 7:4

Dite meme na ki gweɗe a damər yak ka, aha i zlekere a pərats ata i are yak a, na tsaatsa i yak ŋa ana iɗəm ka, diŋgwizl a?

Luka 13:15

Əbay Yesuw a gwaɗar aaka: «Dukw gà mimbèhè are kurum ata, bəla a pat mesìfìkà ba ana ku weke i liwiŋ kurum a, a pə̀lawa à sla ŋgar, kige tsa à hezweŋe ŋgar, dite ma sa yam dze ana, pam a?

Luka 22:32

Ama kə̀la ka, Yàa hama a Mbulum agəra kər, dite ka, ka miyak à megìse ana kə̀ gəs ŋgat a kweleŋ tsa. Dite i təv ana, aləka, kàa màra a təv ga ya ka, ki ta vile a ndzəɗa a ba a gà damər yak mba.»

Luka 6:41

A gwaɗa a tar asa: «Aàmala na a sàsak meŋgeteha ka, a pərats ana kwizikw i are damər yak a, tsaatsa i yak ŋa ana iɗəm diŋgwizl dùrgùrəzl a ka, kàa sər ahər tsiye?

Luka 6:43

I dəba ŋa ya, Yesuw a gwaɗa a tar asa: «Dizl ɗaf ana ŋgwal ŋa ya ka, ki ŋgilwim a ihər mawà dukw ana ŋgwal ŋa tsiye tsa. Dite dizl ɗaf ana ŋgwal ŋa tsiye ka, ki ŋgilwim a ihər mawà dukw ana ŋgwal ŋa ya tsa asa.

Gà Ɓəzla Meslire 13:10

A gwaɗar: «A kər wele aaha, wirwir i ba yak ka, hinne, dite mayaha ahəm ibam, hinne asa. Kər na kəla Əbay sitene ya, kər asa na mala mene are a dukw ana ŋgwal ŋa tserdze ya. Wànà ki ta miyek a à welewele dze ana, ndeɗime? Na kà waya mene pàrsa à ndzer ŋa Mbulum a.

Gà Ɓəzla Meslire 2:38

Piyer a gwaɗa a tar aakaha: «Mbəɗum à madzala gà gər kurum, dite ti tsilwiɓ à kurum a yam, nda zləm Yesuw Kiristi. I dəba ŋa ya, Mbulum à pìl a kurum a à bakal kurum, dite ka, ki ŋgetwim a Mezite Mesife Mbulum ana a vile a kurum a ya.

Gà Ɓəzla Meslire 8:21

Ki sle aà melime kwa akaba nda gà mər i təv megemir mər tsa, aɗaba kàa gəs bazlam Mbulum a gəzləŋ yak nda ndzer ŋa tsa.

RUMA 2:1

Aɗaba taŋa, kurum ana a sàs a kurum mege medzibe gà dukw ata tsiye tekeɗe, sərum dər, ku weke ka, a be a i seriye Mbulum a ɓav tsa. Aɗaba na kurum ki mwim a à bakal a gà mìsle ŋgiɗ, dite kurum ŋa tekeɗe, kurum ihər ki gwim a gà dukw ana ŋgwala tsa, kamala biy gà mburma ata ta ge ya asa ana, meme? Na ki mwim a à bakal a gà mìsle ŋgiɗ kamala taŋa ya ka, kì gwim aba seriye nda ahər kurum ŋa.

2 Kurintiya 5:18

Mbulum na a geye gà dukw ata tserdze ya. A slərra Kiristi ya, dite na a sər ba à kwa nda gà ŋgat a. Kinehe ka, a vəl a mər megemir metsìkè bazlam ata a mburma. A sasar ka, kà sərakwa ba nda gà ŋgat.

2 TIMUTE 2:21

A riŋ ika magər gà mburma kamala taŋa ya mbaŋa. Gà biy ŋgiɗ ka, gà ŋgwal ŋa. Gà biy ŋgiɗ ibam, gà ŋgwala tsa. Aɗaba taŋa, na wele ana aka dara i liwiŋ gà mburma ata ya ka, aka bara ba ŋgar tsəɗaŋŋa lele, idep dukw bakal duwa i təv ŋgar asa tsa. A ge a megemir Mbulum ka, kəla pat ndaka vatwa ŋa lele. A ne a ka, kamala maŋgara dukw ata ŋgwal ŋa, a ge a ŋgulum a mala ga ya. Aɗaba dukw ata a ge a dər ka, dukw ana ŋgwal ŋa ya ɗekɗek.

2 Piyer 1:9

Ama na wura a ge a gà dukw ata tsəka, a sər BATSAH kwa ŋa tsa. Ŋgat a ne ka, kamala mala guluf ana a ŋget a a duwa ka, zimirmir pəra ya. Ŋgat ka, məpəla à bakal ŋgar ana Mbulum a pə̀lar dər piŋŋe ya ka, aka mətsar gər na taŋa ya.