Luka 6:30 - Bible Zulgo

³⁰ Na wura aka wiz aà kər duwa ka, ka ti niwer dər tsa, vəlar. Kige tsa, na wura aka kə̀zala aà kər duwa ya ka, ka ta wiz ahər tsa.

Luka 6:30 ပူးပေါင်းရင်းမြစ်များ

Mata 18:35

I dəba ŋa ya, Yesuw a gwaɗa a gà ɓəzla mazazama ŋgat asa: «Kamala taŋa ya, Tsir gà Mbulum ana i gər ŋa ya tekeɗe, a ge aà kurum a kataya mbaŋa, na kàa pə̀lum aba à bakal nda gà mburma ŋgiɗ nda gəzləŋ ilik tsiye.»

Mata 5:39

Ama iye ihər i gweɗe a kurum ŋa: Na wura aka ge aà kurum bakal a ka, ka ta mumar dər aɗəm tsa. Ama ku weke na aka lakək aka mahwalum aka tsèke ahər mezime ka, mbə̀ɗaraha à biy ŋgiɗ aaha, ma lakək aaka asa.

Mata 6:12

Pəl a mər à bakal mər, kamala ana mì pə̀lawa dər a gà na ta gewa a mər bakal a mbaŋa.

Luka 11:41

Dzalum ivaɗ ka, aka dukw ana i huɗ ŋa ya. Ki dzwìm a dukw ata a gà ɓəzla matawak, dite ki ndzwim a tsəɗaŋŋa kuɗa.

Luka 12:33

«Dzawum à gà dukw kurum, dite kà dzum siŋgwe ŋa a gà ɓəzla matawak. Yahum kìywa ana a nis a tsiye. Ka yahum aɗəm gər a limana ana i təv Mbulum i gər ŋa a dzeye a tsa, dite gà ɓəzla akəl tekeɗe, tì dzik a tsa, ku mege gà metinwe ibam, ti zim a tsiye.

Luka 18:22

Yesuw a tsaraka mifefile wele ata tsara ka, a gwaɗar: «Ama dukw ilik aka zeha i gà dukw ata kà ɗama dze ya.» A gwaɗar: «Daha, ka dzawa à gà dukw yak fit, dite kà dzaya siŋgwe ŋa a gà ɓəzla matawak. Na kàa ge dər kataya ka, ki ŋget a limana ana batsah ŋa, à ndìv a tsa i təv Mbulum a. I dəba ŋa ya, ka dara, ka zazam iye kuɗa.»

Luka 6:29

Na wura aka lakak aka mahwalum ka, waɗàl mbə̀ɗaraha à biy ŋgiɗ, ma lakək aaka asa. Na wura aka kə̀zala aà kər tùmbùlum ana ika ba yak a ka, ka ta palar ahəm tsa, vəlar aaka gèeriy ŋa ana i huɗ ŋa ya mbaŋa.

Luka 6:31

Gwim dukw ana a sàs a kurum zləmana gà mburma ta ge a kurum ŋgwal ŋa ya, a gà mìsle ŋgiɗ mbaŋa.

Luka 6:38

Wayum mburma, vəlum ahər lele, dite Mbulum ibam, a vile a kurum a biy ŋgar. A vile a kurum a ka, ki slwim a aà magəsa ŋa tsa. A rìɓìts a kurum a dər aɗəm lele, à rèh a kurum a dər aɗəm. Dukw ana kàa gwim a gà mìsle ŋgiɗ a ka, Mbulum tekeɗe, à me a kurum a dər aɗəm ka, kamala taŋa ya mbaŋa.»

Gà Ɓəzla Meslire 20:35

Yàa ɗif a kurum à duwa tserdze, say ki gekwe a ka, kamala taŋa ya, na dite ki slekwe a aà mazlàkà gà ɓəzla matawak a. Dukw ana Yesuw BATSAH kwa ŋa a tsik a ka, mə̀ məts a kurum gər tsa. A gwa: «

2 Kurintiya 8:9

Kurum kà sərum ŋgwal ana Yesuw Kiristi BATSAH kwa ŋa a ge a kurum a. Ŋgat ka, Əbay ŋa hinne. Ama ku mege kataya tekeɗe, a ne à ba ŋgar mala matawak aɗaba kurum ivaɗ. A ge aba matawak kataya ka, dite na kurum ki nwim a gà Əbay ŋa i gəzləŋ kurum a.

EFESIYA 4:28

Wur ana a gewe a akəl a ka, mi miyak dər, ma ta ge asa tsa. Ma gewa megemir nda ndzəɗa ŋgar, dite ma ŋgat dukw maya ba ŋgar lele, mə vəlawa a gà ɓəzla matawak mbaŋa.