Luka 6:27 - Bible Zulgo

²⁷ Yesuw a gwaɗa a tar i dəba ŋa ya: «Ama iye i gweɗe a kurum ŋa, a kurum ana ki dzwìm a zləm a mifefile gà ya: Wayum gà ɓəzla mene are kurum ivaɗ. Gwim ŋgwal ŋa a gà na ta ge a kurum a matawak a.

Luka 6:27 ပူးပေါင်းရင်းမြစ်များ

Markus 4:24

Yesuw a gwaɗa a tar asa: «Ama ka, gwim metsehe a dukw ana i tsik a kurum a ya lele, dite ki gwim a metsehe a dukw ana ki gwim a a gà mburma ŋgiɗ pampam a asa. Dukw ana kàa gwim a tar a ka, Mbulum tekeɗe, à me a kurum a dər aɗəm ka, kamala taŋa ya mbaŋa. Ama ŋgat kəla ka, à zè a dər biy na kì gwim a ter a fit.

Luka 23:34

Yesuw a gwa: «Tsir gà, pəl a tar à bakal tar, aɗaba tə sər dukw ana ta ge a ya tsa.» Gà mburma ana tə ndwandway ŋgat a, tə dzaya ikaba petek ŋa ya ika magər tar, dite ta ge tsetse, ta gwa: «Ŋgada weke na a ŋget a ya?»

Luka 6:22

A kurum ana gà mburma ta gewa a kurum matawak a, tə lə̀mawa a kurum aba ya, tə ndavayawa a kurum, dite ta waya kurum asa tsa, aɗaba ana kə̀ gəsum iye, wur ana a dara i təv Mbulum a ya ka, ŋgayum ba.

Luka 6:35

Ama ka, kataya ivaɗ tsa. Wayum gà ɓəzla mene are kurum. Gwim a tar ŋgwal ŋa, vəlum ahər, ka tə dzalum ka, ti ta me a mər a dər aɗəm a pèt ŋgiɗ tsəna, meme tsa. Dite i dəba ŋa ya, ki ta ŋgetwim a dukw maya ba kurum batsah ŋa, ki ti nwim a gà ɓəza Mbulum ana i gər ŋa ya. Aɗaba ŋgat tekeɗe, a gewa ŋgwal ŋa a gà ɓəzla segeme, nda gà ɓəzla swalwa mbaŋa.

Luka 8:15

Dite gà mìsle ŋgiɗ pam asa ka, ti ndzikiɗ ba wur daw ana a dza aka ahəɗ ŋgwal ŋana. Ti tsereke a bazlam Mbulum, ta gis a a gəzləŋ tar lele nda maŋgayaba. Bəla mesewere are aka ndzera ka, hiywe ta misek a dər tsa, ta ge a dukw ana a ge a ŋgulum a Mbulum a.»

Luka 8:18

I dəba bazlam ata ya ka, a gwaɗa a tar asa: «Gwim metsehe a dukw ana ki tserekwim a ya, ka ti nwim dər ka, dukw pàrsa tsa. Aɗaba wur ana à gis a bazlam gà ana i tsik a ya ka, Mbulum tekeɗe, à sikehe a à megìse ŋgar ata, à zè a taŋa. Wur ana aka gəs tsiye ka, Mbulum ibam, à nikiɗ a à ŋgat mbaŋa asa.»

Luka 8:8

Ama wur ŋa i ŋgiɗ pam asa, a dza aka ahəɗ ana ŋgwal ŋa ya. Ŋgat ka, a sləl, a da a bəra, dite a ge ba hinne. Wur daw ata ilik ka, a rah a kəzləm tìs.» Yesuw a ndəv à mifefile ŋgar ata fit ka, a gwaɗa a tar asa: «Dzùmar zləm lele, na gər kurum aka ge aà metsereke ya.»

Gà Ɓəzla Meslire 10:38

Kàa tsarakum, meme na Mbulum a rah à Mezite Mesife nda ndzəɗa ŋgar aka gər Yesuw gà Nazaret a. Ama ka, Yesuw a sùwayawa ika ahəɗ gà Yahuda tserdze nda mege ŋgwal ŋa a mburma, a mbala à gà na Əbay sitene a kwere a tar a tserdze mbaŋa, aɗaba ka, Mbulum a riŋ nda gà ŋgat.

Gà Ɓəzla Meslire 16:28

Ama Pul a səraraha aka dukw ana a ge a ya ka, a màraha à arəv. A wideye nda magala hinne. A gwaɗar: «Ka ta kəɗ ba yak tsa, mər ɗa i faha tserdze.»

Gà Ɓəzla Meslire 7:60

I dəba ŋa ya, a dza gurmits a biye, a wideye dər nda magala hinne. A gwa asa: «Batsah ga ŋa, ka ta miyak à bakal ŋa aka gər tar tsa.» A tsik aba bazlam ata ya tsara ka, a mət.

GALATIYA 6:10

Aɗaba taŋa, daga aà kinehe ya, na vatwa a riŋ ka, gekwa ŋgwal a gà mburma tserdze. Ndeyndey ŋana ka, a gà na ta gəs Yesuw Kiristi nda gəzləŋ a mbaŋa.

1 TESALUNIKE 5:15

Na wura aka ge a kurum dukw ana ŋgwal ŋa tsiye ka, gwim metsehe, ka ta mumar aɗəm à bakal ŋa tsa. Ama hiywe geywim ba ka, dukw ana ŋgwal ŋa ya ika magər kurum, dite a gà asiŋ gà mburma tserdze mbaŋa.

3 Yuhana 1:11

Masla gà ana i waya kər hinne ya. Kər ka, ka tə zazam mede gà mburma ana gà ŋgwal ŋa tsiye tsa. Say zazam ka, dukw ana ŋgwal ŋa ya ivaɗ. Aɗaba wur ana a gewa duwa ŋgwal ŋa ya ka, aka ne mburma Mbulum. Ama wur ana a gewa dukw ana ŋgwal ŋa tsiye ka, ŋgat ka, aka sər Mbulum zukw tsa.