Luka 6:23 - Bible Zulgo

²³ A pat ana gà dukw ata tàa le aà kurum a ka, ndabayum a mbulum, ŋgayum ba, aɗaba Mbulum a ta vile a kurum a dukw maya ba kurum i gər ŋa i mbulum ka, batsah ŋa. Ama sərum dər ka, gà tsir gà mburma aaha ti sèwèr a kurum a are ya ka, ta ge ɗa a gà ɓəzla məma à guma Mbulum akahər ata ya ka, kataya mbaŋa.

Luka 6:23 ပူးပေါင်းရင်းမြစ်များ

Mata 5:12

Ŋgeywim ba hinne, gəzləŋ kurum ma ndza ndzəɗakkà ivaɗ, aɗaba Mbulum a ta vile a kurum a dukw maya ba kurum i gər ŋa i mbulum ka, batsah ŋa. Ama sərum dər ka, tàa ge dukw ana ŋgwal ŋa tsiye hinne, a gà ɓəzla məma à guma Mbulum ana tə lah ahər ɗa ya ka, kataya mbaŋa.»

Luka 1:41

I təv ana Elisabet a tsaraka wusa Mariya ata ya ka, kəla ana i huɗ ŋgar a, a ɓə̀zl aba kùzləɗ kùzləɗ. Mezite Mesife Mbulum a dara, a rah a ba a Elisabet tsara.

Luka 1:44

Aɗaba la, fə̀r aà iye kwaŋ, i təv ana i tsaraka mege wusa yak a tsara ka, kəla aaha i huɗ gà ya, a ɓazla aba nda maŋgayaba.

Luka 6:35

Ama ka, kataya ivaɗ tsa. Wayum gà ɓəzla mene are kurum. Gwim a tar ŋgwal ŋa, vəlum ahər, ka tə dzalum ka, ti ta me a mər a dər aɗəm a pèt ŋgiɗ tsəna, meme tsa. Dite i dəba ŋa ya, ki ta ŋgetwim a dukw maya ba kurum batsah ŋa, ki ti nwim a gà ɓəza Mbulum ana i gər ŋa ya. Aɗaba ŋgat tekeɗe, a gewa ŋgwal ŋa a gà ɓəzla segeme, nda gà ɓəzla swalwa mbaŋa.

Gà Ɓəzla Meslire 14:10

a gwaɗar nda magala: «Hitse, ka ndiɗe à sik yak dzeŋ lele.» Wele ata a hitse, a ndiɗe à sik ŋgar ka, lele kaɗəŋ, a yàb a mbulum, a dza ba aà mede.

Gà Ɓəzla Meslire 3:8

A ndàb a mbulum, a hitse dzeŋ tsara. A dza ba aà mede nda sik ŋgar lele kuɗa. A zazam gà mburma ata a ga Mbulum batsah ŋa ata. A daha, a suwaya i ga ata nda gà mandàbàyà a mbulum. A zàmbaɗa à Mbulum hinne asa.

Gà Ɓəzla Meslire 5:41

Gà ɓəzla meslire Mbulum ata tə dara i təv mayahaba gər tar ata ya, nda gà maŋgayaba, aɗaba ana Mbulum a gəs tar lele, a vəl a tar vatwa aà mesewere are agəra zləm Yesuw a.

RUMA 5:3

Ama gəzləŋ kwa a ndze a ndzəɗakkà ka, agəra taŋa ɗekɗek tsa. Ki ŋgeyekwe a ba mbaŋa ka, aɗaba mesewere are ana kwa ihər ki sèwèrekwe a ya. Aɗaba kà sərakwa, mesewere are ata ka, à zlèk a kwa, ki sinikikwe a dər ba aà magəsa gəzləŋ.

2 Kurintiya 12:10

Agəra taŋa na i ŋgeye a ba lele, i huɗ mendze gà ana i ndze a ka, ndzəɗa aà iye tsiye ya. Ku mege ta giŋ a dukw ana ŋgwal ŋa tsiye, ta giŋ a matawak, nda gà bəla mesewere are ŋgiɗ a le a aà iye, kige tsa duwa a wisiŋ a gər aɗaba ana i zezem a Kiristi ya ka, i ndze a lele. Aɗaba i təv ana ndzəɗa gà a riŋ asa tsiye ivaɗ, na i ŋgatawa ndzəɗa ndzer ŋa ana i təv ŋgar a ya.

KULUSIYA 1:24

Kinehe ka, iye ihər i ŋgeye a ba aɗaba mesewere are ana i sèwèr a agəra kurum a. Kamala na akahər ata Yesuw Kiristi a sèwèr are ya ka, iye tekeɗe, i sèwèr a are aɗaba gà mburma ŋgar mbaŋa. Gà mburma ata ka, ti ne kamala ba ŋgar a. Mesewere are ana i sèwèr a kamala taŋa ya ka, i zlèk a kurum aà mesewere are ana ki sèwèrekwe a aɗaba ŋgat a, na dite megemir ŋgar ma da aka miɗ aka miɗ a.

2 TIMUTE 2:12

Na kàa gə̀sakwa gəzləŋ i təv gà mesewere are ya nda gà ŋgat ka, kwa tekeɗe, ki ta kwerekwe akaba a gər ahəɗ nda gà ŋgat tserdze mbaŋa asa. Ama na bəla kwa kàa miyakukwa à ŋgat ka, ŋgat tekeɗe, a ta miyek a à kwa mbaŋa te.

IBƏRANIKWA 11:26

Aɗaba a sər, a gwa: Ŋgulum i sèwèr a are agəra *Kiristi ana Mbulum a ti slirre a ŋgat aka gər ahəɗ mba ya, na ndəna i ŋget a gà limana hinne ika ahəɗ Ezipt i faha ya. Aɗaba a tike a are ka, a dukw mayaba ŋgar ana Mbulum a ta viler a mba ya.

IBƏRANIKWA 11:6

Na wura aka gəs Mbulum nda gəzləŋ tsəka, a sle aà metsehine ahər a tsidze. Na wura a sasar mada a təv ŋgar ka, say mà gəs ŋgat nda gəzləŋ, ma sər ka, Mbulum a riŋ dukw ŋgar. Dite ma sər dər ka, Mbulum ŋgat mala mege ŋgwal ŋa a gà na tar riŋ ti yehe a ŋgat a mbaŋa.

YAKUBA 1:2

A kurum gà damər gà ana ika vatwa Mbulum a. Na bəla gà dukw mesewere are ana ti dzik a à kurum pampam a, tàa le aà kurum ka, ŋgeywim ba ivaɗ.

1 PIYER 4:13

Ama ŋgulum ka, ŋgeywim ba, aɗaba kàa mbər megìswim mesewere are ana Yesuw Kiristi a sèwèr a. Dite a pat ana gà mburma tì zlibe a à ŋgat parakkà aà are mburma tserdze, i fataya ka, ki ta ŋgeywim a ba hinne.

Sunwa Yuhana 2:17

Na wura a riŋ gər ŋgar aka ge aà metsereke ka, mà dza zləm a dukw ana Mezite Mesife Mbulum a tsik a a gà mayahaba gər gà mburma Mbulum a lele. Gà na tàa mba aà dukw bakal a ka, i ta vile a ter a ɗaf ata makàhà ŋa i mbulum, tə zalar *mana ya.*ff* I ti dzèye a ter a kur ana herrè ŋa ya mbaŋa. Ika kur ata ka, zləm awiya ŋa mewetse ŋa ikəka. Ama zləm ata ka, wura a sər tsa, say wele ana aka ŋgat a.»

Sunwa Yuhana 2:26

Gà na ta mbè a aà dukw bakal, dite ta ge a dukw ana i waya ya, haa a pat mandəvandəv ŋa ya ka, i ta vile a ter a ndzəɗa aka gər gà slàla gà mburma tserdze.

Sunwa Yuhana 2:7

Na wura a riŋ gər ŋgar aka ge aà metsereke ka, mà dza zləm a dukw ana Mezite Mesife Mbulum a tsik a a gà mayaha ba gər gà mburma Mbulum a lele. Gà na tàa mba aà dukw bakal gər ahəɗ a ka, i ti dzèye a ter a mawà dizl ɗaf ana madzàvà ŋa i gùvàh Mbulum, a vile a mesife a mburma ya, ti zimiŋa.»

Sunwa Yuhana 21:7

Wur ana aka mba aà dukw bakal gər ahəɗ a ka, a ŋget a gà dukw ata. Iye i ti ne a Mbulum Tsir ŋgar, dite ŋgat tekeɗe, a ti ne a kəla gà mbaŋa.

Sunwa Yuhana 3:12

Gà na tàa mba aà dukw bakal a ka, i ti ndweŋ a tar kamala mendweŋe ya, i batsah ga Mbulum gà, dite ti ndze a i fata ka, hiywe. I ta wetse aà ter a zləm Tsir gà Mbulum, nda zləm kwite ŋgar ŋa mbaŋa asa. Ama kwite ata ka, Yeruzalem awiya ŋa ana a slirre a i gər ŋa i təv ŋgar ŋa ya. Dite i wetse aà ter a zləm gà awiya ŋana mbaŋa.

Sunwa Yuhana 3:5

Kamala taŋa ya, na i ti dzèye a gà petek herrè ŋa aka gà na ta mbè a aà dukw bakal a. Tar ka, i mbete a à gà zləm tar ika wakita gà na tàa ŋgat mesife ya tsidze. I təv ana iye riŋ ika miɗ gà Tsir gà nda gà gawla ŋgar a ka, i gweɗe a parakkà, gà mburma aaha ka, gà biy gà.