Luka 6:19 - Bible Zulgo

¹⁹ Gà mburma tserdze ti yahawa vatwa aà malə̀mà ahər, aɗaba ndzəɗa ana a dawara i ba ŋgar a ka, a mbalawa à tar fit dze.

Luka 6:19 ပူးပေါင်းရင်းမြစ်များ

Mata 14:36

I fataya ka, ta hama a Yesuw hinne, aà mə vəl vatwa a gà ɓəzla dukw məməta ata, tə lama aà gùva petek ŋgar àsla pəra ka, ta mbeliŋa. Gà taŋa tə lama aà petek ŋgar ata tserdze ya ka, ta mbala i dukw məməta tar a tsara.

Markus 3:10

A ge dər kataya ka, gà ɓəzla dukw məməta ana a riŋ i fataya, tə tsaraka Yesuw aka mbala à gà mburma hinne i dukw məməta ya ka, ta waya mimbèreha, aà malə̀mà ahər, dite ka, mə mbala à tar i dukw məməta tar a te.

Markus 5:30

I fataya tsara ka, Yesuw a sər, ndzəɗa ŋgar aka mbəl à mburma. A mbəɗara aba aà mburma ya, a gwaɗa a tar: «Weke na a ləm aà petek gà ya?»

Markus 6:56

Ku mege i batsah kə̀sà, nda gà i kəla kə̀sà ya tekeɗe, gà mburma tə ndzakawaraha gà ɓəzla dukw məməta aka dàlàbə̀rà mayahaba gər mburma ana iɗəm a. Tə zazamawa dər ŋgat a təv ana a de aɗəm a ya. I fataya ka, ta hama a Yesuw hinne, aà mə vəl vatwa a gà ɓəzla dukw məməta ata, tə lama aà gùva petek ŋgar àsla pəra ka, ta mbeliŋa. Gà taŋa tə lama aà petek ŋgar ata tserdze ya ka, ta mbala i dukw məməta tar a tsara.

Markus 8:22

Gà Yesuw nda gà ɓəzla mazazama ŋgat tə tsala aka gìgìze a kwite Betsayida. Ti ndzeha a fata ka, gà mburma ana i fataya, tə zləraha wele duwa a riŋ guluf ŋa. Tə daha, ta hamar dər hinne. Ta gwaɗar: «Zlak wele aaha, kà tiye aakahər yak te.»

Luka 5:17

A pat duwa, Yesuw a riŋ ihər a tsik a guma ŋgar a gà mburma. Gà *Farisa nda gà ɓəzla medzeŋge məpala ahəm Mbulum a riŋ mandza ŋa i ga i təv ŋgar bise. Ama gà mburma ata ka, tə dayara ka, i Yeruzalem a nda gà i gà asiŋ gà kwite ŋgiɗ ana ika ahəɗ Yuda ya, nda gà ika ahəɗ Galile ya mbaŋa. Ama ka, ndzəɗa Əbay Mbulum a riŋ nda Yesuw, a zlàkawa ŋgat aà məmbàlà à gà ɓəzla dukw məməta.

Luka 6:18

Gà mburma ata tə dara ka, aà matsaraka guma Yesuw ana a tsik a ya, dite mə mbala à tar i dukw məməta tar a. Gà na sitene a gasawa tar a tekeɗe, tə dara a təv ŋgar a mbaŋa, a mbala à tar.

Gà Ɓəzla Meslire 19:12

Kərga taŋa ya, gà mburma ta wizewa petek ana ika ba Pul a, ti de a dər a təv gà ɓəzla dukw məməta, nda gà mburma ana sitene i ba tar a. Aɗaba ana tàa ləm aà petek ata ka, ta mbalawa i dukw məməta tar a.

1 PIYER 2:9

Ama kurum ka, gà gwala Mbulum ana a pala kurum a. Dite kurum gà ɓəzla mandəva kuɗa ŋgar ana ki gwim a meslire a batsah Əbay a. Kurum ka, gà tsəɗaŋŋa, kurum gà mburma ŋgar ana a ndzəkara kurum i luvuŋ a, a da à kurum a təv dzaydzay ŋgar ana a də̀v hinne kamala dukw mene aà mburma ya.*fd* Dite a pala kurum ka, aà ka nwim gà mburma ana ki tsikwim a dukw ana a ge ŋgwal ŋa, a za gà dukw tserdze ya, a mburma.