Luka 6:17 - Bible Zulgo

¹⁷ Aləka gà Yesuw nda gà ɓəzla mazazama ŋgat tə tarra i dìyes ata ya, ti ndze aka dàlàbə̀rà duwa fehhè lele ka, tàa le aà gà ɓəzla mazazama ŋgat ŋgiɗ a fata hinne. Gà asiŋ gà mburma ŋgiɗ riŋ i fata hinne asa mbaŋa. Ama i liwiŋ gà mburma ata ka, gà asiŋ ŋa tə dara i Yeruzalem a. Gà biy ŋgiɗ ibam, tə dara i gà asiŋ gà kwite ŋgiɗ ana a riŋ ika ahəɗ Yuda ya, dite nda gà na tə dara i gà kwite Tirus nda Sidun ana aà gùva duluv a.

Luka 6:17 ပူးပေါင်းရင်းမြစ်များ

Mata 11:21

A tsik aà tar, a gwa: «A kurum ana i kwite Kurazin a, waya ba kurum a. Dite a kurum ana i kwite Betsayida ya, waya ba kurum a asa. Aɗaba gà dukw mene aà mburma ana i geye i kwite kurum a, mege i geye ka, i gà kwite Tirus nda Sidun ka, ana ka, ti dzele a ba tar daga piŋŋe, ti tiwiŋa, tì dzèye akaba a gà makwàtsak gà bùhwa, ti ndèye akaba a bitekwe aà məpàtà dər ka, a sàs a tar məmbə̀ɗà à gəzləŋ tar a.

Mata 12:15

Ama Yesuw a sər ka, tàa mà akaba à bazlam aka gər ŋgar ka, a hitsera i fataya, a da. I təv ana a riŋ a de a ya ka, gà mburma hinne tə zazam ŋgat. A daha, a mbala à gà ɓəzla dukw məməta ana i liwiŋ gà mburma ata ya tserdze.

Mata 14:14

Aləka i təv ana tsìm a ndzeha a fata, a tarra i slə̀làh yam a, a fə̀r ikaba ya ka, gà mburma viyèw tàa làhar a bəɗ a fata hinne, ta veve a ŋgat. A fə̀r aà tar ka, ti ndzer are tsehe hinne. A daha, a mbala à gà ɓəzla dukw məməta tar ana tə ndzakaha ya.

Mata 15:21

I dəba ŋa ya, Yesuw a hitse i fataya, a da ndàra aka ahəɗ gà Tirus nda Sidun.

Mata 5:1

Aləka i təv ana Yesuw a fə̀r aà gà asiŋ gà mburma ana hinne ti dehe a a təv ŋgar a ka, tə tsala a gər kwite nda gà ɓəzla mazazama ŋgat. Tə daha ka, a ndza a bəɗ a fata. I təv ana a ndza a bəɗ tsara ya ka, gà mburma ŋgar ata ti sìrìkaha a təv ŋgar ndiɓ bise.

Luka 5:15

Tsaatsa ivaɗ, wele ata a mbəɗ ba, a neye ŋgat. Meɗè zləm Yesuw a ɗe zləm i fata hinne. Gà mburma hinne ti yahawa ba gər aà matsaraka dukw ana a tsik a ya, ta waya, dite mə mbala à tar i dukw məməta tar a.

Luka 6:12

Akahər ata ka, Yesuw a tsəl aka gər dìyes duwa, aà mahàmà a Mbulum. A daha, a həna a bəra, aà mahàmà a Mbulum i fata.

Luka 6:16

Yudas kəla Zakup, dite Yudas Iskariyut, wele ana a ta ge a ɗaf aà Yesuw a.

Luka 6:18

Gà mburma ata tə dara ka, aà matsaraka guma Yesuw ana a tsik a ya, dite mə mbala à tar i dukw məməta tar a. Gà na sitene a gasawa tar a tekeɗe, tə dara a təv ŋgar a mbaŋa, a mbala à tar.