Luka 6:15 - Bible Zulgo

¹⁵ Mata, Tumas, Zakup kəla Alfayus, Simun ana a niw bazlam ŋgumna piŋŋe, a waya makwàrà ba tar i gwala ŋgar a,

Luka 6:15 ပူးပေါင်းရင်းမြစ်များ

Mata 9:9

I dəba ŋa ya, Yesuw a mah ba i fataya. I təv ana tar riŋ ti de a ika vatwa ya ka, a ŋgat a wele duwa a riŋ mandza ŋa i ga duwan, zləm ŋgar Mata. Aɗaba ŋgat ka, mala duwan. Yesuw a daha a təv ŋgar, a gwaɗar: «Dara, zezem iye.» Mata a tsaraka kataya tsara ka, a hitsera i fataya, a zazam ŋgat.

Markus 2:14

I dəba guma ŋgar ata ya ka, a hitse i fataya, a dza ba aà mede. A təv ana a riŋ a de a ya ka, aka ŋgataha a Levi, kəla Alfayus, a riŋ mandza ŋa i ga dùwan, aɗaba ŋgat ka, mala dùwan. Yesuw a daha a təv ŋgar, a gwaɗar: «Dara, zezem iye.» Levi a tsaraka kataya tsara ka, a hitsera i fataya, a zazam ŋgat, tə da a ma ŋgar.

Markus 3:18

Taŋa gà asiŋ ŋa pam tekeɗe, Andire, Filip, Bartelemi, Mata, Tumas, Zakup kəla Alfayus, Tadawas, Simun ana a niw bazlam ŋgumna piŋŋe, a waya makwàrà ba tar i gwala ŋgar a,

Luka 5:27

Aləka i dəba ŋa ya, Yesuw a dara i ga ata ya, a daba. I təv ana a riŋ a de a ya ka, a ŋgat a mala duwan duwa, zləm ŋgar Levi, a riŋ mandza ŋa i ga duwa i təv megemir ŋgar. Yesuw a daha, a gwaɗar: «Dara, zezem iye.»

Luka 6:14

Zləm gà mburma ata a pala tar a ka, Simun ana a ɗer Piyer a, nda damər ŋgar Andire, Zakup, Yuhana, Filip, Bartelemi,

Luka 6:16

Yudas kəla Zakup, dite Yudas Iskariyut, wele ana a ta ge a ɗaf aà Yesuw a.

Yuhana 11:16

Tumas, wele ana gà mawusa ya, a gwaɗa a gà asiŋ gà ɓəzla mazazama Yesuw: «Haya, tàkwa, ka matakwa akaba nda gà BATSAH kwa ŋa.»

Yuhana 20:24

Ama a pat ana Yesuw a daha a təv tar, a pat a tar aba ya ka, Tumas, wele ana ŋgat mawusa ya, a riŋ ika magər tar tsa.

Gà Ɓəzla Meslire 1:13

Ti ndze a Yeruzalem ka, tə daha, tə tsala a ga ana ika gər biy ŋgiɗ, tə ndzawa iɗəm piŋŋe kəla pat a. Zləm gà mburma ata ka: Piyer, Yuhana, gà Zakup nda Andire, gà Filip nda Tumas, gà Bartelemi nda Mata, dite gà Zakup kəla Alfayus nda Simun ana a niw bazlam ŋgumna piŋŋe, a waya makwàrà ba tar i gwala ŋgar a, dite nda gà Yuda kəla Zakup.

Gà Ɓəzla Meslire 15:13

I təv ana tə ndəv à mifefile tar ata tsara ya ka, Zakup a zəvar ahəm, a gwaɗa a tar: «Tsarakum dukw ana i tsik a ya, gà damər gà.

GALATIYA 1:19

Yàa ŋgat a mala meslire Kiristi ŋgiɗ asa tsidze. Say i ŋgat ka, a Zakup, damər Yesuw Kiristi BATSAH kwa ŋa.

GALATIYA 2:9

Gà Zakup nda Piyer, nda gà Yuhana ana ta fə̀rawa aà tar kamala gà bàba ŋa ika magər tar a ka, tar tə sər, Mbulum na a viliŋ megemir ata a ahər nda ndzer a. Aɗaba taŋa na ta vəl a mər ahər nda Barnabas ədəts lele, kamala megweɗe ya ka: Mege megemir mər ka, ilik na mi ŋgeyer ba ya. Mər nda gà tar na mì dza akaba bazlam, mì gwa, mìi de a, mìi ta ge a megemir ika magər gà na gà Yahuda tsiye ya. Ama tar ka, tə da a təv gà Yahuda.

YAKUBA 1:1

Iye Zakup, mala megemir gà Mbulum nda Yesuw Kiristi BATSAH kwa ŋa. I geha wusa a gà mburma Mbulum ana tə dzaya aba vatwa ilik ilik ku mege a ŋga aka gər ahəɗ tserdze ya.