Luka 5:32 - Bible Zulgo

³² I dara ka, aà mazàlà a gà na ta gweɗe a, waytsà mər gà ŋgwal ŋa ika miɗ Mbulum a tsa. Say a gà ɓəzla bakal ivaɗ, dite ka, ta mbəɗ à gəzləŋ tar a təv Mbulum mbaŋa.»

Luka 5:32 ပူးပေါင်းရင်းမြစ်များ

Mata 18:10

I dəba ŋa ya, Yesuw a gwaɗa a tar asa: «Gwim metsehe, aɗaba ka ta fə̀rum aà gà asiŋ gà mburma ana ta gəs iye nda gəzləŋ, dite ka, ti ne gà ɓəza i təv are kurum a ka, kamala za ya tsa. Aɗaba iye ihər i gweɗe a kurum a nda ndzer: Gà gawla Mbulum ka, tar riŋ kəla pat mandza ŋa ika miɗ Mbulum Tsir gà i gər ŋa, aɗaba tar mbaŋa.

Mata 9:13

Ama kinehe ka, dzalum aka dukw ana a ne i huɗ bazlam ata ya, na Mbulum a gwa: *fa* Ama i dara ka, aà mazàlà a gà na ta gweɗe a, waytsà mər ka, gà ŋgwal ŋa ika miɗ Mbulum a tsa, say a gà ɓəzla bakal ivaɗ.»

Markus 15:10

A tsik a tar kataya ka, aɗaba a sər ka, gà Əbay gà ɓəzla mandəva kuɗa a Mbulum ta gə̀saraha Yesuw ka, agəra ana ti ner are sàmma ya.

Markus 15:7

Akahər ata ka, wele duwa a riŋ i daŋgay mbaŋa, zləm ŋgar Barabas. Ŋgat i liwiŋ gà ɓəzla mene are ŋgumna ana ta ge ahər maàga, ta kəɗ mburma ya. Ta gasa akaba tar nda gà mburma ata a daŋgay tserdze.

Markus 2:17

Yesuw aka tsaraka dukw ana ti tsik ahər kataya ya tsara. A gwaɗa a tar: «Wura a de a a dàkwtar tsa, na ba ŋgar a riŋ lele ya, say na a riŋ nda gà dukw məməta ya dzekwiŋ. I dara ka, aà mazàlà a gà na ta gweɗe a, waytsà mər ka, gà ŋgwal ŋa ika miɗ Mbulum a tsa, say a gà ɓəzla bakal ivaɗ.»

Luka 15:10

Kamala taŋa ya mbaŋa, iye ihər i gweɗe a kurum ŋa: Maŋgayaba a ta ge a riŋ ika magər gà gawla Mbulum i gər ŋa, agəra wur ana ilik a miyak à bakal ŋgar, a mbəɗ à gəzləŋ ŋgar a.»

Luka 15:7

Iye ihər i gweɗe a kurum ŋa: Kamala taŋa ya mbaŋa, maŋgayaba a ta ge a i təv Mbulum i gər ŋa hinne, agəra wur ana a miyak à bakal ŋgar, a mbəɗ à gəzləŋ ŋgar a. Maŋgayaba ka, a zè a biy gà mburma ana dzik tswiɗ gəra tswiɗ, ta fə̀r aaba ka, kamala ana bakal i təv tar tsa, tsaatsa tàa mbəɗ à gəzləŋ tar tsidze ya.»

Luka 19:10

Kərga taŋa ya, iye, *wur ana a dara i təv Mbulum a, i dara ka, aà mayaha gà mburma ana tàa dzeye ya, dite aà məmbàlà à tar.»

Luka 24:47

Dite i dəba ŋa ya asa, a slir a mburma aà metsikeye guma ŋgar a gà mburma, ku mege a ŋga tserdze. Mburma ta mbəɗ à madzala gà gər tar, dite ka, Mbulum à pìl a à bakal tar kuɗa. Tì dze a ba aà metsikeye ŋa ka, i Yeruzalem a, dite ti de a dər ku mege a ŋga tserdze.

Luka 5:31

Ama Yesuw a gwaɗa a tar aaka: «Wura a de a a dàkwtar tsa, na ba ŋgar a riŋ lele ya. Say na a riŋ nda gà dukw məməta ya dzekwiŋ.

Luka 5:33

Aləka gà mburma ata ta gwaɗa a Yesuw: «Gà ɓəzla mazazama Yuhana ta gewa ndəra, dite ka, ta hamawa a Mbulum asa. Gà mburma mər gà *Farisa tekeɗe ibam, ta gewa kataya mbaŋa dze ana, aàla na gà ɓəzla mazazama kər ka, tə zəmawa ɗaf nda masàyà duwa tserdze ya?»

Gà Ɓəzla Meslire 17:30

Mbulum ka, aka dzala aka mendze ana akahər ata gà mburma tə sər ŋgat tsiye tsa. Ama kinehe ka, a riŋ a zel a a gà mburma tserdze. Ku mege i ŋga, tə dara, ta mbəɗ à gəzləŋ tar.

Gà Ɓəzla Meslire 2:38

Piyer a gwaɗa a tar aakaha: «Mbəɗum à madzala gà gər kurum, dite ti tsilwiɓ à kurum a yam, nda zləm Yesuw Kiristi. I dəba ŋa ya, Mbulum à pìl a kurum a à bakal kurum, dite ka, ki ŋgetwim a Mezite Mesife Mbulum ana a vile a kurum a ya.

Gà Ɓəzla Meslire 20:21

I tsikewa a gà Yahuda nda gà mburma ana tar gà Yahuda tsiye, dite ta mbəɗ à gəzləŋ tar, a təv Mbulum, dite ka, ta gəs Yesuw Kiristi BATSAH kwa ŋa nda gəzləŋ tar.

Gà Ɓəzla Meslire 3:19

Aɗaba taŋa kinehe ka, mbəɗum à madzala gà gər kurum, kà mbəɗum gər a təv Mbulum. Dite mə̀ pəl a kurum à bakal kurum tserdze.

Gà Ɓəzla Meslire 3:26

Kərga taŋa ya, Mbulum a lah meslirra Kəla ŋgar a ka, a təv kurum a dzekwiŋ. A slərra ŋgat a ka, aà mipìsè a kurum ahəm nda məmbə̀ɗà à gər i təv dukw ana ŋgwal ŋa tsiye tserdze.»

Gà Ɓəzla Meslire 5:31

Mbulum a hitse à ŋgat aka tsèke ahər mezime ŋgar, a tike ŋgat a Əbay. A ne à ŋgat mala məmbàlà à mburma asa. A ge dər kamala taŋa ya ka, dite gà mburma Isərayel tə ta ŋgat vatwa aà məmbə̀ɗà à gà gəzləŋ tar nda məpəla à bakal tar tserdze.

2 Piyer 3:9

Gà asiŋ gà mburma ŋgiɗ ihər ta gweɗe a: «Mbulum ka, mala mèhìnèkw, a dere a bise tsa, aɗaba dukw ana a tsik i sida ya, a gwa, i ge a ya ka, a ge a ba bise tsa ana, meme?» Ama ka, kataya tsa, a riŋ a ge a mba dukw ŋgar. A veve a ka, kurum seyiŋ ivaɗ. Aɗaba a sasar ka, a ze a kurumaha aà mendze kataya ka, ki mbiɗwim a à madzala gà gər kurum, wura ilik ma dzeye tsa. A waya mburma tserdze ta mbəɗ à gəzləŋ tar, ta miyak à bakal tar ivaɗ.