Luka 5:24 - Bible Zulgo

²⁴ Ama a sèsiŋ ka, sərum dər, iye, *wur ana a dara i təv Mbulum a, iye riŋ nda gà ndzəɗa aà məpəla à bakal a mburma ika gər ahəɗ.» I dəba ana Yesuw a tsik a tar kataya ya tsara ka, a gwaɗa a mala magàha a bəɗ ata: «Iye i gwaɗak, hitse, ka zla slə̀làh yak, ka daba a ma.»

Luka 5:24 ပူးပေါင်းရင်းမြစ်များ

Mata 16:13

I dəba ŋa ya, gà Yesuw nda gà ɓəzla mazazama ŋgat, tə da aka ahəɗ Kaysariya Filip. Ti ndzeha a fata ka, Yesuw a gwaɗa a tar: «Gà mburma ata ta gwa aà iye, kəla mburma dze ana, iye ana, weke?»

Mata 25:31

I dəba ŋa ya, Yesuw a gwaɗa a tar asa: «Aka təv ana iye, *wur ana a dara i təv Mbulum a, i mère a ya ka, i mère a nda ndzəɗa Mbulum ana a viliŋ a hinne, mər nda gà gawla Mbulum a tserdze. Dite ka, i ndze a aka təv mendze Əbay gà kuɗa.

Mata 26:64

Yesuw a gwaɗar aaka: «Kataya, kamala ana kà tsik a. Ama aka miɗ zaakwa ka, ki ŋgetwimiŋ a, a iye, *wur ana a dara i təv Mbulum a, iye mandza ŋa ika tsèke ahər mezime Mbulum ana a za gà dukw tserdze ya. Ki ŋgetwimiŋ a asa ka, aà gəza mbulum tirwenihhe, i dere a nda hulɓukw a.»

Mata 28:18

Dite Yesuw a sìrìkaha a təv tar kuɗa. A daha, a gwaɗa a tar: «Mbulum aka viliŋ mekwere ŋgar ana i gər ŋa ya, ndəna ɗa ika gər ahəɗ a tserdze ka, a ahər gà.

Mata 4:24

I dəba ŋa ya, mege dukw ŋgar ata a ɗe zləm tsikw aka ahəɗ Siriya ana a mbeha a Galile ata ya. Tə tsaraka kataya ka, tə daha, tə ndzakaha gà ɓəzla dukw məməta ŋgiɗ pampam a təv ŋgar, gà na ndelèɓ ndelèɓ ti sèwèrewa are hinne i dukw məməta tar a, nda gà na sitene i ba tar a, dite nda gà na a beye à tar a dala ya, nda gà ɓəzla videl tserdze, a mbala à tar.

Mata 9:6

Ama a sèsiŋ ka, sərum dər, iye, *wur ana a dara i təv Mbulum a, iye riŋ nda gà ndzəɗa, aà məpəla à bakal ika gər ahəɗ.» I dəba ŋa ya, a gwaɗa a mala magàha a bəɗ ata asa: «Kinehe ka, hitse, zla slə̀làh yak, ka daba a ma.»

Luka 5:13

I dəba ŋa ya, Yesuw a tsaraka bazlam ŋgar ata ka, a zla ahər ŋgar, a ləm dər ahər. A gwaɗar: «Haya, a sèsiŋ na ki mbil a ya. Kinehe ka, mbəl i dukw məməta yak a.» I fataya ka, mbəlak ba wele ata a ndala ihər a suwut tsara.

Luka 5:18

I təv ana a riŋ a tsik a guma ŋgar ata ya ka, gà mìsle ŋgiɗ pam tə daraha à mala magàha a bəɗ duwa, meŋgè ŋa aà slə̀làh. Gà mburma ata tə da dərraha ya ka, ta waya metìkè wele ata aka miɗ Yesuw, aà mipèter dər riŋ i ga ata.

Luka 5:23

Magwàɗà a mala magàha a bəɗ: nda bazlam masakəŋa ka, a wur ba tsa, kige tsa: ka, taŋa ka, a wur ba.

Luka 7:14

I dəba ŋa ya, Yesuw a sìrìkaha a təv tar, a daha, a ləm aà slə̀làh ana ti ndìwìɗ ahər məməta ata ya. Gà mburma ata ti zle a ya ka, ta hitse a fata tsara. Yesuw a gwaɗa a məməta aaha: «Iye ihər i gweɗekiŋa: Hitse, gawla.»

Luka 8:54

Ama Yesuw a daha, a gəs dəm ata i ahər a, a gwaɗar nda magala: «Hitse aà mbulum, dəm aaha.»

Yuhana 11:43

A tsik aba bazlam ata ya lele ka, a fàfəl nda ndzəɗa ŋgəlakəkka. A gwaɗa a Lazar: «Dara i biye ya, Lazar.»

Yuhana 17:2

Kər kàa viliŋ ndzəɗa aka gər gà mburma tserdze, aɗaba taŋa na i sle a aà məvəla mesife ana à ndìv a tsa aà biybiy a, a gà na kà dziŋ tar a ahər a ya.

Yuhana 3:13

Wura aka tsəl a təv Mbulum a gər ŋa ilik tsidze. Say iye, wur ana i dara i təv ŋgar a ilik, na i tarra iɗəm a.

Yuhana 5:27

Ŋgat mbaŋa na a viliŋ ndzəɗa a iye, Kəla ŋgar, aà mege seriye aka gər gà mburma ya, aɗaba ana iye wele ana a dara i təv ŋgar a.

Gà Ɓəzla Meslire 14:10

a gwaɗar nda magala: «Hitse, ka ndiɗe à sik yak dzeŋ lele.» Wele ata a hitse, a ndiɗe à sik ŋgar ka, lele kaɗəŋ, a yàb a mbulum, a dza ba aà mede.

Gà Ɓəzla Meslire 5:31

Mbulum a hitse à ŋgat aka tsèke ahər mezime ŋgar, a tike ŋgat a Əbay. A ne à ŋgat mala məmbàlà à mburma asa. A ge dər kamala taŋa ya ka, dite gà mburma Isərayel tə ta ŋgat vatwa aà məmbə̀ɗà à gà gəzləŋ tar nda məpəla à bakal tar tserdze.

Gà Ɓəzla Meslire 9:34

Piyer a gwaɗar: «Iniyas, hitse, Yesuw Kiristi a mbil a à kər, ka məsak à təv mehinne yak.» Iniyas a tsaraka kataya tsara ka, a hitse aà mbulum, a məsak à təv mehinne ŋgar.

Gà Ɓəzla Meslire 9:40

Aləka i dəba ŋa ya, Piyer a slərra iɗəm tar a bəra ya fit. A zeha riŋ i ga à gər ŋgar i təv məməta ata. A dza gurmits a bəɗ, a hama aà Mbulum. Aləka a fə̀r aà məməta aka, a gwaɗar: «Tabita, hitse aà mbulum.» I dəba ŋa ya, Tabita ə̀ndwa a hə̀ndə̀k ika are ya. A ŋgat a Piyer ka, a hitse, a ndza a bəɗ.

Sunwa Yuhana 1:13

I magər gà dukw ata ka, i ŋgataha a duwa a riŋ iɗəm mehìtsè ŋa dzèŋŋe kalkal kamala mburma ya. Petek ikəka zùbəl ŋa tàs a bəɗ aka dəba sik. Dite madànà ba ŋa ə̀ŋgəts i gəzləŋ a nda slarapa duwa məvàɗà ŋa nda gura ana tsakala ŋa à sìkim a ba tsiye mbaŋa.