Luka 5:15 - Bible Zulgo

¹⁵ Tsaatsa ivaɗ, wele ata a mbəɗ ba, a neye ŋgat. Meɗè zləm Yesuw a ɗe zləm i fata hinne. Gà mburma hinne ti yahawa ba gər aà matsaraka dukw ana a tsik a ya, ta waya, dite mə mbala à tar i dukw məməta tar a.

Luka 5:15 ပူးပေါင်းရင်းမြစ်များ

Mata 9:26

Ama dukw ata Yesuw a ge a ya ka, a ɗe zləm ika ahəɗ ata i fataya fit dze.

Mata 9:31

Ama tar ta mah ba i fataya tsara ka, tə daha, ti tsikeye dukw ana Yesuw a ge nda tar a. Tə suwaya dər ika ahəɗ ata tserdze.

Markus 1:28

I dəba ŋa ya bise tsara, gà mburma ana ika ahəɗ Galile ya, ti ɗewa zləm à Yesuw hinne.

Markus 1:45

Tsaatsa, bazlam Yesuw ata a tsiker nda ndzəɗa nda magala ya ka, wele ata a da i təv ŋgar a tsara. A daha, a dza ba aà maɗàmà dukw ata Yesuw a ge nda ŋgat a. Aɗaba taŋa, Yesuw tekeɗe, a sle a aà mipète à ba ŋgar bise a gà mburma ana i gà kwite ata ya asa tsa, tsəka, ti sir a ŋgat. Agəra taŋa a sùwayawa ba nda təv ana mburma a riŋ i fata tsiye. Ama gà mburma pampam tə dayara i gà kwite tar a, tə dawaha a təv ŋgar a fata.

Markus 3:7

Aləka i dəba ŋa ya, gà Yesuw nda gà ɓəzla mazazama ŋgat ata tə dara i liwiŋ mburma ya, tə da aà gùva duluv Galile. Tə daha a fata ka, gà mburma ana a riŋ ika ahəɗ Galile i fataya, tə dara a təv tar a hinne. Gà na ika ahəɗ Yuda ya,

Luka 12:1

Zàkwayiya ka, gà mburma hinne ti yahaba gər a fata, a ɗeme a ba tsa. Ta ɓelebe a aka sik. Yesuw a lah mifefile a gà ɓəzla mazazama ŋgat dzekwiŋ. A gwaɗa a tar: «Kaslum ba kurum i təv giɗe gà *Farisa ana a kwasawa à duwa ya, kərga megweɗe ya ka, i təv mimbèhè are tar a.

Luka 14:25

Aləka i dəba ŋa ya, Yesuw a hitse i fataya, a de a aka miɗ. I təv ana a riŋ a de a ya ka, gà mburma hinne tə dəɗ aaka, tə da akaba tserdze. Yesuw a ŋgat a tar kataya ka, a mbəɗ aba a təv tar. A gwaɗa a tar:

Yuhana 6:2

Gà mburma hinne tə zazam ŋgat, aɗaba ana tàa ŋgat a dukw mene aà mburma ana a ge, a mbala à gà mburma i dukw məməta ya ya.

1 TIMUTE 5:25

Mege i təv megemir ana mburma ta ge a ŋgwal ŋa kinehe ya tekeɗe ka, à pèt a aba bise kamala taŋa ya mbaŋa. Ku mege aka pàt aba kinehe tsa tekeɗe ka, a sle a aà makàhà ba tsa, à pèt a aba aka miɗ mba.