Luka 5:10 - Bible Zulgo

¹⁰ A dzadzar à gà masla ŋgar gà Zakup nda Yuhana, gà ɓəza Zebede aaha a zal a tar aaba ya mbaŋa. I dəba ŋa ya, Yesuw a gwaɗa a Simun: «Magəɗa ma gik tsa. Daga aà kinehe ya, ki ne a mala mayahara gà mburma i luvuŋ a, kamala kilif aaha kurum riŋ ki geswimere a i yam a, dite ka, gà mburma ata ibam, tə dara a təv dzaydzay ŋa ya.»

Luka 5:10 ပူးပေါင်းရင်းမြစ်များ

Mata 13:47

«Iye ihər i gweɗe a kurum a asa: *Mekwere Mbulum a ndzikiɗ ba ka, ndzàràwà gà ɓəzla magàsà kilif ana ti tikewa a duluv a yam a. Na tàa tike aɗəm ka, làw làw làw, gà kilif ŋgiɗ pampam hinne ti de aɗəmiŋa.

Mata 14:27

Yesuw a tsaraka Mewideye tar ata tsara ka, a fàfəl a taraha, a gwaɗa a tar: «Arəv ma da aà kurum a, ki gwim magəɗa tsa, iye na naha ya.»

Mata 20:20

I dəba ŋa ya, məkəs Zebede a da a təv Yesuw, tar nda gà ɓəza ŋgar. A daha ka, a dza gurmits a bəɗ aka miɗ ŋgar, a hamar hinne, a sasar mewize ahər duwa.

Mata 4:19

Yesuw a gwaɗa a taraha aɗəm: «Dumara, tàkwa, zazamum iye. I ne à kurum a gà ɓəzla mayahara mburma i luvuŋ a, kamala kilif aaha kurum riŋ ihər ki geswimere a i yam a, dite ka, gà mburma ata ibam, tə dara a təv dzaydzay ŋa ya.»

Mata 4:21

A da aka miɗ zaakwa asa ka, aka ŋgataha a gà mìsle ŋgiɗ sula asa, a gà Zakup nda damər ŋgar Yuhana, gà ɓəza Zebede. Tar riŋ i slə̀làh yam i duluv nda gà tsir tar ata tserdze, tì lèmbeɗe a à gà ndzàràwà tar mbaŋa. Yesuw a zal a taraha aɗəm.

Markus 1:17

Yesuw a gwaɗa a taraha aɗəm: «Dumara, tàkwa, ka zazamum iye, i ne à kurum a gà ɓəzla mayahara mburma i luvuŋ a, kamala kilif aaha kurum riŋ ihər ki geswimere a i yam a, dite ka, gà mburma ata ibam, tə dara a təv dzaydzay ŋa ya.»

Luka 5:7

Ta geha wiyèw a gà masla tar ana i slə̀làh yam ŋgiɗ a, dite ka, tə dara, tə̀ zlak ahərra iɗəm tar a te. Gà mburma ata tə daha, tə zlak ahər tar aà mə̀ŋgəlà dərra iɗəm a. Tə raha dər a gà slə̀làh yam tar ata fèɗìɗe fèɗìɗe. A zehe ka, hinne tsidze, na slə̀làh yam tar ata à pìts à ter a a huɗ yam a, aɗaba mibe kilif ata a rah aɗəm hinne ya.

Luka 5:9

Aɗaba kilif ata ta gasara i yam a hinne ya ka, a ge magəɗa a gà Simun nda gà ɓəzla meslire ŋgar ata tserdze ya.

Luka 6:14

Zləm gà mburma ata a pala tar a ka, Simun ana a ɗer Piyer a, nda damər ŋgar Andire, Zakup, Yuhana, Filip, Bartelemi,

Yuhana 21:2

A pat duwa, gà asiŋ gà ɓəzla mazazama ŋgat a riŋ mandza ŋa i təv ilik ŋa. Gà mburma ata ka, gà Simun Piyer nda gà Tumas, wele ana ŋgat mawusa ya, nda gà Nataniyel ana a dara i Kana, ika ahəɗ Galile ya, nda gà ɓəza Zebede, dite nda gà ɓəzla mazazama ŋgat ŋgiɗ sula asa.

Gà Ɓəzla Meslire 2:4

Gà mburma ata tserdze ya, Mezite Mesife Mbulum a rah a tar a gəzləŋ. Tə dza ba aà mifefile, ku weke ndaka ahəm ŋgiɗ pampam, kərga na Mezite Mesife Mbulum ata a gwaɗa a tar, tsikwim a.

2 Kurintiya 8:23

Titus ka, mì gewa akaba megemir Mbulum nda ŋgat. Mì vəlawa a ba ahər ŋa, aà mazlàkà dər kurum. Ama gà mburma ata sula ti de akabaha a nda gà Titus a ka, gà mayahaba gər gà mburma Mbulum na tə sləraha tar a təv kurum a. Na gà mburma tàa ŋgat a megemir tar ana ta ge a ya ka, ti ti zlibe a à Kiristi.

2 TIMUTE 2:26

Tàa ŋgat metsehe kataya ka, ti sle a aà mibeyera i mekwere Əbay sitene ya kuɗa. Aɗaba piŋŋe ka, ŋgiziw ŋgiziw aka gasa tar a ziwiɗ ŋgar kamala ana ta gəs takurah nda ziwiɗ a, na dite ka, ta ger a dukw ana a sasar a ya.