Luka 4:25 - Bible Zulgo

²⁵ Iye ihər i tsik a kurum a ka, nda ndzer, màhaw iɗəm tsa: Akahər ana Iliya a màwa à guma Mbulum a mburma ya ka, gà madakwa gà məkəs duwa a riŋ hinne ika ahəɗ Isərayel. Ama ka, yam aka dza tsa mive makər nda kiye ndilik. I fataya ka, batsah may a ndəv gà mburma ana i fataya fit.

Luka 4:25 ပူးပေါင်းရင်းမြစ်များ

Mata 20:15

Dite a gwaɗar asa: «

Luka 10:21

Aləka i dəba bazlam ata ya tsara ka, Mezite Mesife Mbulum a rah a ba a Yesuw nda maŋgayaba hinne. A hama a Mbulum, a gwaɗar: «A kər Tsir ga, kər ana ki kwere a gà gəza mbulum nda gər ahəɗ a. Iye ihər i gek a kəkaaha, aɗaba kər ka, kàa kaha duwa aà gà ɓəzla metsehe ya, nda gà na tə sər duwa hinne ya. Ama kinehe ka, kər ihər ki ɗif a dər a gà na tə sər duwa tsiye. Kataya Tsir gà, lele na ki ge a taŋa ya. Taŋa ka, kamala ana a sàsabak nda gər yak a.»

RUMA 9:15

Aɗaba ki sirekwe a dər, a gwaɗa a Musa akahər ata: «Na i waya mege ŋgwal a wura ka, i ger a ŋgwal ŋa. Kige tsa, na bəla i waya wura ma ndziŋ are tsehe ka, a ndziŋ a dukw ŋgar.»*fe*

RUMA 9:20

Ama kinehe, kwa mburma dze ana, gà weke, na ki mbetsekwebe a ahəm nda gà Mbulum a? Wànà gərwa a gweɗe a a mala maŋgara ŋa: «Aàmala na kə̀ ŋgar iye kataya ya?» Awaŋ, a riŋ tsa.

EFESIYA 1:11

Mbulum a ge a duwa tserdze ka, kamala ana a sasar mege ya. Aka pala kwa daga piŋŋe kamala ana a tsik a. Kàa ŋgatakwa dukw ana Mbulum a dzala piŋŋe, a gwa, i ta vile a a gà mburma gà ya. Kə̀ ŋgatakwa ka, aɗaba ana kwa riŋ mandza ŋa i təv ilik na nda gà BATSAH kwa ŋa ya,

EFESIYA 1:9

Aka ɗif a kwa à dukw ana daga piŋŋe, a sasar mege nda ahər Yesuw Kiristi ya. Aɗaba piŋŋe ka, makàhà ŋa. Ama kinehe ka, aka pàt aba.

YAKUBA 5:17

Fə̀rum aà Iliya ana akahər ata ya kwaŋ. Ŋgat ka, mburma kamala kwa ya mbaŋa. Ama ka, a hama a Mbulum nda gəzləŋ ilik, a gwa i huɗ meheme ŋgar ata ya ka: «Yam mà dza ɗa i faha asa tsa mive makər nda mezehe ŋa» ka, aka dza tsa kaɗəŋ.

Sunwa Yuhana 11:6

I təv ana tar ihər ta me a à guma Mbulum a ka, ndzəɗa tar a ta ge a a riŋ aà mahə̀ndə̀kà a gəza mbulum, na dite ka, yam à dze a asa tsiye. Tar ka, ndzəɗa tar a riŋ aà məmbə̀ɗà à gà yam, a ne a nduzzwa kamala məmbəz a mbaŋa. Dite tar ka, ndzəɗa tar a riŋ aà məvəla gà mesewere are pampam a gà mburma ana ika gər ahəɗ a, kamala ana ta waya ya asa mbaŋa.