Luka 3:7 - Bible Zulgo

⁷ Aləka i dəba ŋa ya, gà mburma hinne tə dawaha a təv Yuhana aà ma tsilwiɓ à tar a yam. A gwaɗawa a tar: «A kurum gà palas aaha, weke na a gwaɗa a kurum ka, ki ta beywim a i matsəɓatsəɓ Mbulum ana a dere a mba ya seyiŋ a?

Luka 3:7 ပူးပေါင်းရင်းမြစ်များ

Mata 12:34

A kurum gà ɓəza gà palas aaha, meme na ki slwim a aà mifèfilera ika arah a lele ya, na ba kurum ŋana ka, kurum ihər ki gwim a dukw ana ŋgwal ŋa tsiye ya? Aɗaba arah a màwa ka, à dukw ana kìɗìŋŋa ki dzelwim a i gəzləŋ kurum a.

Mata 23:33

I dəba ŋa ya, a gwaɗa a tar asa: «A kurum gà bàba gà mesiwiɗ nda gà ɓəza gà mesiwiɗ aaha. Aləka dze ana, meme na ki ta beywimere a i akwa ana a mbete a tsa aà biybiy a ɗara?

Mata 3:6

Tàa daha ka, ti ɗifewa à bakal tar aka miɗ mburma tserdze, dite Yuhana a tsilwiɓewa à tar a yam i dulwa Yurdan i fata.

Yuhana 8:44

Tsir kurum ka, Əbay sitene. Ki gwim a tekeɗe ka, dukw ana a sasar a. Ŋgat mala makə̀ɗà mburma daga piŋŋe. Aka tsik dukw ana ndzer a ilik tsidze, aɗaba ana ndzer ŋgar a riŋ tsiye. I təv pàrsa ŋgar ata a sasa ya ka, hiywe a mətsawa i ŋgar ka, aà taŋa pəra, aɗaba ana ŋgat mala pàrsa, dite ŋgat tsir gà pàrsa ya asa.

Gà Ɓəzla Meslire 13:10

A gwaɗar: «A kər wele aaha, wirwir i ba yak ka, hinne, dite mayaha ahəm ibam, hinne asa. Kər na kəla Əbay sitene ya, kər asa na mala mene are a dukw ana ŋgwal ŋa tserdze ya. Wànà ki ta miyek a à welewele dze ana, ndeɗime? Na kà waya mene pàrsa à ndzer ŋa Mbulum a.

1 TESALUNIKE 1:10

Kinehe ka, kurum ihər ki vevwim a Kəla ŋgar ana à mère a i gər ŋa i mbulum a ya. Kəla ata ka, Yesuw, wele ana Mbulum a mbəlara à ŋgat i məməta ya ya. Ŋgat na a ta beye a à kwa i matsəɓatsəɓ Mbulum ana mandza ŋa ika gər gà ɓəzla bakal a. A ta ge a ka, a pat seriye ŋgar ana aka ndze aɗəm a.

IBƏRANIKWA 6:18

A sasar a tsik aba i sida ya dzekwiŋ, dite i dəba ŋa ya, a mbaɗa asa. A tsik aba ya kataya ka, aà tə sər dər, gà dukw ata a tsik sula ya ka, à me a a dəba tsidze. Mbulum a sle aà mesèse a pàrsa tsa. Gà dukw ata ta mèkwehe a à arəv, a kwa ana kà valakwa a təv ŋgar kamala mendzikwir ana a vel a aà huɗ məmər ŋgar aà məmba ya. Dite ka, ki ndzekwe a nda magəsa gəzləŋ ɓəŋɓəŋ lele. Ki vevekwe a dukw ana Mbulum a tsik a kwa i sida ya, a gwa, a ta vile a kwe a ya.

1 Yuhana 3:8

Ama wur ana aka miyak à mege bakal tsiye ka, ŋgat ka, i ahər Əbay sitene, aɗaba Əbay sitene ata a gewa ka, bakal daga aà gər ana ta ge gər ahəɗ a. Aɗaba taŋa na Yesuw Kiristi a dara aka gər ahəɗ a ka, aà medzeye à megemir Əbay sitene ata seyiŋ.