Luka 3:22 - Bible Zulgo

²² Mezite Mesife Mbulum a tarra aka gər ŋgar a zərawwa i gəza mbulum a, kamala maadagwar ana a ndze a a bəɗ a. Gà mburma ata i fataya tserdze, ta ŋgatar aà are aà are. Dite tə tsarakara mifefile ata a ɗera i gəza mbulum a. Mifefile ata a ɗera ya ka, Mbulum a gwaɗara a Yesuw a: «Kər na kà ne mandərkwasla gà ya, Kəla gà. Maŋgayaba fit dze ka, ika gər yak.»

Luka 3:22 ပူးပေါင်းရင်းမြစ်များ

Mata 12:18

A gwa, Mbulum a gwa ka: «Araha na mala meslire gà ana i zla ŋgat a, dite ka, a ne mandərkwasla gà, maŋgayaba gà fit dze ka, ika gər ŋgar a. I slirehe a Mezite Mesife gà aka gər ŋgar. A ɗif a à mege seriye ga ana i ta ge a aka miɗ mba ya, a gà mburma ana ika gər ahəɗ tserdze ya.

Mata 17:5

I təv ana a riŋ ihər à fèfil a mba ya ka, magùdwagùdwa a tarra aka gər tar a herrè, tits a le a tar. Zàmma tsəka, tə tsarakara iɗəm mifefile i huɗ magùdwagùdwa ata ya, Mbulum a gwaɗa a tarra: «Naha ka, Kəla gà mandərkwasla gà ana i waya hinne ya. Maŋgayaba gà fit dze ka, ika gər ŋgar. Dzum zləm a dukw ana a tsik a kurum a ya.»

Mata 27:43

Aɗaba a ge magəɗa a Mbulum, a gwaɗawa: ka, say ma dara, mə̀ mbəl à ŋgat kinehe na kige a waya ŋgat a.»

Mata 3:13

I dəba ŋa ya, Yesuw a dara i Galile ya, a təv Yuhana a dulwa Yurdan a, aɗaba a waya mà tsilwiɓ à ŋgat a yam i dula ata.

Mata 3:16

I təv ana Yesuw a riŋ a tsiler a i yam a ka, kuvəl mbulum a hə̀ndə̀k ba tùwaŋ. A ŋgataha a Mezite Mesife Mbulum a riŋ a terre a iɗəm i fataya, zərawwa kamala maadagwar ana a ndze a a bəɗ a, aka gər ŋgar.

Mata 3:17

A tsarakara mifefile ana a ɗera i mbulum a. Mbulum a gwaɗarra: «Kər na mandərkwasla gà ya, Kəla gà. Maŋgayaba gà fit dze ka, ika gər yak.»

Markus 1:11

A tsarakara mifefile ana a ɗera i mbulum a. Mbulum a gwaɗarra: «Kər na kà ne mandərkwasla gà ya, Kəla gà. Maŋgayaba gà fit dze ka, ika gər yak.»

Markus 1:9

Akahər ata Yesuw a hitsera i kwite ŋa a riŋ ika ahəɗ Galile ya, tə zalar Nazaret. A dara a təv Yuhana a dulwa Yurdan a. A daha, Yuhana a tsilwiɓ à ŋgat a yam i dula ata.

Markus 9:7

Ta fə̀r ikaba ya ka, magùdwagùdwa a tarra aka gər tar a, tits a le a tar. Tə tsarakara iɗəm mifefile i fataya. Mbulum a gwaɗa a tarra: «Naha ka, Kəla gà mandərkwasla gà ana i waya hinne ya. Dzum zləm a dukw ana a tsik a kurum a ya.»

Luka 2:14

«Mezembeɗe mege ka, biy Mbulum ana ika gər mburma tserdze ya. Mandza zayzay ŋgar ika gər gà mburma ana tserdze ika gər ahəɗ, a waya tar a.»

Luka 4:21

Ama Yesuw a gwaɗa a tar: «Bazlam ana i tsik i wakita Mbulum a ta ge a ba ya ka, aka ndze aɗəm kuɗa. Ku mege kamala ana kinehe i dzeŋge, kà tsarakum a tekeɗe ya.»

Yuhana 1:32

Yuhana a tsik ahər asa, a gwaɗa a tar: «Yàa ŋgat a Mezite Mesife Mbulum a riŋ a tarra i gər ŋa ya, zərawwa kamala maadagwar a, a dara, a ndza a bəɗ aka gər ŋgar.

Yuhana 12:28

Ama i gweɗere a ivaɗ ka, Tsir gà, ge dukw ana, dite ka, mburma tì zlibe a à kər a.» I dəba bazlam ŋgar ata ya tsara ka, mifefile a ɗera i gər ŋa ya, Mbulum a gwa: «Yàa mbər meɗife à ndzəɗa gà ana tì zlibe a dər à iye ya, a mburma, dite i ɗif a ter a dər asa.»

Yuhana 5:37

Tsir gà na a slərra iye. Ŋgat nda gər ŋgar tekeɗe, aka ge sida gà mbaŋa. Ama kàa tsarakum mifefile ŋgar tsidze, dite kàa ŋgatumar ilik tsa asa mbaŋa.

Gà Ɓəzla Meslire 10:38

Kàa tsarakum, meme na Mbulum a rah à Mezite Mesife nda ndzəɗa ŋgar aka gər Yesuw gà Nazaret a. Ama ka, Yesuw a sùwayawa ika ahəɗ gà Yahuda tserdze nda mege ŋgwal ŋa a mburma, a mbala à gà na Əbay sitene a kwere a tar a tserdze mbaŋa, aɗaba ka, Mbulum a riŋ nda gà ŋgat.

KULUSIYA 1:13

Aɗaba Mbulum Tsir kwa ata na a beyera à kwa i ahər Əbay ana mandza ŋa i lùvùŋ a ya. A ndzəkara iɗəm kwa ya ka, a dza kwa a təv mekwere Kəla ŋgar ana mandərkwasla ŋa ya.

1 PIYER 2:4

Ama kinehe ka, dumara a təv ŋgar a. Aɗaba ŋgat a ne ka, kur ana mesife iɗəm, gà mburma ti niw, ta gwa, dukw falày masakəŋa ya. Ama tsaatsa, ŋgat ka, ŋgwal kur ana Mbulum a zla, a za gà dukw tserdze ya ivaɗ.