Luka 3:1 - Bible Zulgo

¹ Akahər ata Yuhana a pàt à ba ŋgar ka, Tiberiyus ŋgat batsah Əbay ana a kwere a ahəɗ gà Ruma ya. Aka ve iɗəm kurwa gəra ə̀zləm. Ŋgat na a tike aɗəm Puntiyus Pilatus ana a kwere a ahəɗ gà Yuda ya. *Hiridus i ŋgar ka, ŋgat a riŋ a kwere a ahəɗ Galile. Damər ŋgar Filip ibam, a riŋ a kwere a gà ahəɗ gà Ituriya nda Tərakunitis. Lisaniyas i ŋgar, Əbay gà mburma ana ika ahəɗ Abilen a.

Luka 3:1 ပူးပေါင်းရင်းမြစ်များ

Mata 14:1

Akahər ata ka, *Hiridus ŋgat batsah Əbay ana ika ahəɗ Galile ya, a tsaraka meɗè zləm Yesuw ana a riŋ a geye a gà dukw mene aà mburma pampam a.

Mata 14:3

Hiridus a tsik kataya ka, aɗaba ŋgat na a gəs Yuhana piŋŋe, a dzaw ŋgat, a tike ŋgat a ga daŋgay a. A tike aɗəm ŋgat ka, agəra ana a palar ahəm aà mazla *Hirudiya məkəs damər ŋgar Filip ana a zlaba ihər a ya.

Mata 14:6

Aləka i təv ana pat mawà Hiridus a ndze aɗəm a ka, a zal a mburma hinne aà megirive. Gà mburma ata tserdze ya, tə ndəv akabaha ka, dəm Hirudiya aaha ndeɗiŋa ya, a riŋ i liwiŋ gà mburma ata mbaŋa. A daha, a dza ba aà megirive ika miɗ gà bàba gà mburma ata tə zal a tar à megirive ya. Ama megirive dəm ata a tsahən aà Hiridus nda gà asiŋ gà mburma ata a zal a tar a hinne.

Mata 22:17

Aɗaba taŋa, tsik a mər madzala gà gər yak te kwaŋ: Wànà məpala ahəm kwa dze ana, aka vəl vatwa aà mandza hadam a Əbay gà Ruma ana a kwere a kwa ya ya, tsəna, aka vəl tsiye?»

Mata 27:2

Tə daha, tə dzaw ŋgat tez tsara. Tə da à ŋgat a bəra Puntiyus Pilatus, mala sik Əbay ana a kwere a ahəɗ gà Ruma ya.

Markus 6:17

Hiridus a tsik kataya ka, aɗaba ana ŋgat na a gəs Yuhana, a kəɗ ŋgat i ga daŋgay a. A tike aɗəm ŋgat ka, agəra ana a palar ahəm aà mazla *Hirudiya, məkəs damər ŋgar Filip ana a zlaba ihər a ya.

Markus 6:21

Aləka i dəba ŋa ya, məkəs ata zləm ŋgar Hirudiya ya, aka ŋgat vatwa aà magəsa Hiridus a gedzewe, aɗaba makə̀ɗà Yuhana aaha. Hiridus a zal megirive biy pat mawà ŋgat ana a ndze aɗəm a, a gà bàba gà mburma ana ta kwere a mburma ika ahəɗ ata ya, nda gà Əbay gà sliwdze, nda gà asiŋ gà bàba gà mburma ana i Galile ya tserdze. A de a tar ɗaf batsah ŋa.

Luka 13:31

I təv ana Yesuw a fàfəl aba ya tsara ka, gà *Farisa duwa tə daha a təv ŋgar. Tə daha, ta gwaɗar: «Da i faha ya, daba a təv ŋa, aɗaba Əbay *Hiridus a ta kiɗ a kər.»

Luka 2:1

Akahər ata ta wa Yuhana metsìlwìɓè à mburma a yam ka, Agustus ŋgat batsah Əbay ana a kwere a ahəɗ gà Ruma ya. Əbay ata a gwaɗa a gà gawla ŋgar: «Ɗamum gà mburma ana ika ahəɗ ga ya fit dze.»

Luka 23:24

A gəs mifefile tar ata mbaŋa.

Luka 3:19

Aka tsik bazlam aà are a Hiridus mbaŋa, agəra ana a zla məkəs damər ŋgar a. Məkəs ata ka, zləm ŋgar *Hirudiya, dite agəra ana aka ge gà dukw pampam ŋgwal ŋa tsa hinne asa ya.

Luka 9:7

Ama ka, batsah Əbay duwa a riŋ i fata, zləm ŋgar Hiridus. A tsaraka meɗè zləm Yesuw nda dukw ana a ge ba ya tsara ka, a ndzək ihər metsehe ya, a sər dukw ana a ge a ya asa tsa. Aɗaba gà asiŋ gà mìsle ŋgiɗ ta gwa ahər ka: «Yuhana metsìlwìɓè à mburma a yam aka mbəlara i məməta ya.»

Gà Ɓəzla Meslire 23:26

«Iye Kəlawdiyus Lisiyas, i geha wusa a batsah Əbay Filikus.

Gà Ɓəzla Meslire 24:27

Kərga taŋa ya, tàa ndza mive sula hiywe kataya. Aləka i dəba ŋa ya, tə zla iɗəm Filikus i fataya, ti tike aɗəm Purukiyus Festus, a mbəɗ ba aà makwàrà mburma i fata. I təv ana Filikus a dara iɗəm a ka, a miyak à Pul i daŋgay i fata. A sasar məpəla dər tsəka, dite gà Yahuda ta waya ŋgat hinne.

Gà Ɓəzla Meslire 26:30

Aləka i dəba ŋa ya, gà bàba gà Əbay ata nda gà Bernike, dite nda gà mburma ana a riŋ mayahaba gər ŋa i təv ata ya, ta hitse aà mbulum, ti dere a a bəra ya.

Gà Ɓəzla Meslire 4:27

I huɗ meheme tar ata ya hiywe, ta gwa asa: «Kaɗəŋ, ar ka, kamala Mezite Mesife yak ana ka tsik ahər akahər ata ya. Aɗaba gà *Hiridus nda Puntiyus Pilatus ta gaw ba i kwite aaha nda gà slele, dite nda gà Yahuda, aà magàwà aà Kəla yak Yesuw ana kà slərra kamala mala məmbàlà à mər a.