Luka 24:5 - Bible Zulgo

⁵ Ta ŋgat a gà wele ata ka, tə dza ba aà medzedzere hinne, luz luz tə dzaya dər gər a bəɗ. Gà mburma ata sula ya, ta gwaɗa a tar: «Aàmala na ki yehwim a wele ana nda gà mesife ya, a liwiŋ gà məməta asa ya?

Luka 24:5 ပူးပေါင်းရင်းမြစ်များ

Luka 1:29

Ama bazlam ŋgar ata a tsiker kataya ya ka, a wise gər a Mariya hinne. A tsaraka dukw ana gawla Mbulum ata a tsiker a tsa. A gwa: «Wusa aaha a giŋ dze ana, kamala megwèɗè əla ya?»

Luka 24:4

I təv ana tar riŋ ti dzele a gà gər kataya ya ka, gà wele duwa sula ta pàt a tar aba. Tə daha a təv tar nda gà petek herrè ŋa tizlzlè.

Luka 24:6

Ama ka, ar ɗa i faha tsa, aka mbəlara i məməta ya. Dzalum aka dukw ana a tsikewa a kurum akahər ana ŋgat i Galile mba ka, a gwa:

Gà Ɓəzla Meslire 2:24

Ama Mbulum aka hitse à ŋgat i məməta ya, a mesife. Dite aka be à ŋgat i ahər mesewere are məməta ya asa. Aɗaba a ge a ba tsa, na à mìts a i məməta hiywe ya.

IBƏRANIKWA 7:8

Gà ɓəzla mandəva kuɗa a Mbulum ana i gwala Live ya, tə̀ ndzə̀kawa dukw ata ta geye dər akaba təv pampam kurwa ya ka, ta matawa, agəra ana tar ka, gà mburma masakəŋa ya. I dəba ŋa ya, tə dza aɗəm gà mìsle ŋgiɗ. Ama Melikisedek aaha a gəs dukw ata Abəraham a zla ikəka ya ilik, a vəlar a ka, à mìt a tsidze. Ŋgat ka, a ndze a aà biybiy, kamala ana wakita Mbulum a tsik a.

Sunwa Yuhana 1:18

Iye ka, wur ana a ndze a aà bəra nda gà mesife ya. Ama ka, Yàa mət, i dəba ŋa ya ka, Yàa mbəlara i məməta ya asa. I ndze a aà bəra nda mesife ka, aà biybiy. Iye ka, ndzəɗa ŋa ika gər məməta, nda gà ika gər təv mendze gà məməta ana tar mandza ŋa iɗəm a asa mbaŋa.

Sunwa Yuhana 2:8

Wele ata a gweɗiŋ asa: «Wetse bazlam aaha a gawla Mbulum ana i kwite Samirna, a kesle a gà mburma Mbulum a. Ki wetse a ka, bazlam aaha: Bazlam ŋa na a tsik ka, wele ana malahalah ŋa ika gər gà duwa tserdze ya, dite ŋgat na à ndìv a à gà dukw ata tserdze ya mbaŋa asa. Wele ata ka, aka mət, ama aka mbəlara i məməta ya asa.