Luka 24:44 - Bible Zulgo

⁴⁴ I dəba ŋa ya, a gwaɗa a tar asa: «Samatum kwaŋ. Aka ana iye riŋ i təv kurum mba ya ana, i tsikewa a kurum tsiye, na dukw ana ta wetse agəra iye ya? I tsikewa a kurum ka, bazlam ana i wakita məpala ahəm Musa ya, nda biy ana i wakita gà ɓəzla məma à guma Mbulum a, dite ndəna i wakita gà dimis tserdze ya, say a ta ge a ba mba ya ka, kaɗəŋ.»

Luka 24:44 ပူးပေါင်းရင်းမြစ်များ

Mata 1:22

Gà dukw ata tserdze ya, ta ge a ba ka, dite dukw ana Mbulum BATSAH kwa ŋa a tsik akahər ata nda ahər mala məma à guma ŋgar a ka, aka pàt aba lele kuɗa. A gwa ka:

Mata 16:21

I dəba ŋa ya, Yesuw a dza ba aà metsìkè dukw ana a ti le a aà ŋgat aka miɗ mba ya, a gà ɓəzla mazazama ŋgat, i təv are tar tserdze. A gwaɗa a tar: «Iye ka, bàlaarì i ti de a a Yeruzalem mba, dite gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze, ti ti sèwèriŋ a are hinne i fata. Dite ta kiɗ a iye. Ama i huɗ mehinne makər a ka, i mbilere a i məməta ya asa.»

Mata 26:54

Ama na i ge a kataya ana, meme na dukw ana i wakita Mbulum a ne a ndzer kaɗəŋ a? Aɗaba a riŋ mewetse ŋa i wakita Mbulum ka, a gwa, ta ge a à iye kataya.»

Mata 26:56

Ama taŋa ka, aɗaba dukw ana i wakita Mbulum a tsik a gà ɓəzla məma à guma ŋgar a ka, məpàslà ahər ŋa aka ndze aɗəm kaɗəŋ a, tsəka, ki slwim a aà magəsa iye tsa.» I dəba ŋa ya, gà ɓəzla mazazama ŋgat tə tsaraka kataya tsara ka, tə tə̀z ihər a fit, swiyèh swiyèh a dala ya kaɗəŋ.

Markus 9:31

Aɗaba a tsikewa bazlam a gà ɓəzla mazazama ŋgat ata ka, dukw ana a ta ger a ba gər aka miɗ mba ya. A gwaɗawa a tar ka: «Iye, *wur ana a dara i təv Mbulum a ka, ta gis iye mba. Ta vile a iye a ahər a gà mburma, dite ta kiɗ a iye. Ama i huɗ mehinne makər a ka, i ta hitsere a i məməta ya a mesife asa.»

Luka 21:22

Aɗaba pat ata ka, pat ana Mbulum a ge a ter a seriye ya, dite dukw ana gà ɓəzla məma à guma ŋgar ti tsik akahər ata i wakita ŋgar a, ma ne ndzer kuɗa.

Luka 22:37

Aɗaba iye ihər i tsik a kurum ŋa: Say bazlam gà ɓəzla məma à guma Mbulum ana ti tsik aà iye i wakita Mbulum a ka, mà ndəv aba fit. Bazlam ŋa a gwa ka: *fb* Dukw ana ta wetse agəra iye ya tserdze ka, a ge a ba kinehe kaɗəŋ.»

Luka 24:46

Dite a gwaɗa a tar: «I fata mewetse ŋa iɗəm ka, say *Kiristi, mala məmbàlà à mburma ana Mbulum a gwa, i slir a kurumaha a ya ka, à sèwèr a are hinne, dite i huɗ mehinne makər a ka, a mbilere a i məməta ya.*fa*

Luka 9:22

I dəba ŋa ya, Yesuw a gwaɗa a tar asa: «Iye, *wur ana a dara i təv Mbulum a, say i ti sèwèr a are aka miɗ mba hinne. Gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze, ti ti lìmiŋ a aba ya, dite ta kiɗ a iye. Ama i huɗ mehinne makər a ka, i ta mbilere a i məməta ya asa.»

Luka 9:44

«Tikwim dukw ana i tsik a kurum a kinehe ya, a gər kurum lele. Iye, *wur ana a dara i təv Mbulum a ka, ta gis a iye mba. Ta vile a iye a ahər a gà mburma.»

Yuhana 3:14

Kamala ana akahər ata Musa a zla ndzemde duwa ta və̀ɗ kamala mesiwiɗ a, a gə̀law a aram, a hitse dər a magər gà Isərayel ana i kusak i fataya,*fa* iye, wur ana i dara i təv Mbulum a tekeɗe, ta hitse a aà iye aà dizl kamala taŋa ya mbaŋa.

Yuhana 5:39

Kurum ihər ki dzeŋgwim a wakita Mbulum kəla pat. Kà dzalum ka, ki ŋgetwim a iɗəm mesife ana à ndìv a tsa aà biybiy a. Tsaatsa i huɗ wakita ata ti tsik a ka, aka gər gà.

Yuhana 5:46

Na mege kàa gəsum bazlam Musa nda gəzləŋ kurum ndzer ka, ana ka, ki giswim a iye mbaŋa, aɗaba aka gər gà na a wetse bazlam akahər ata ya.

Gà Ɓəzla Meslire 13:33

aka sle kuɗa i təv kwa ana kinehe gà ɓəza tar a. Məpàslà ahər ata a sle ya ka, nda təv Yesuw ana Mbulum a mbəlara à ŋgat i məməta ya, kamala ana mewetse ŋa a riŋ i wakita dimis sula ya, Mbulum a tsikar, a gwaɗar: *fe*

Gà Ɓəzla Meslire 13:40

Aɗaba taŋa gwim metsehe, aɗaba dukw ana gà ɓəzla məma à guma Mbulum ti tsik a ka, ma ge i təv kurum tsa. Ti tsik piŋŋe akahər ata, ta gwa:

Gà Ɓəzla Meslire 2:27

Aɗaba ki ta miyek a à iye i biye a məməta tsa. Dite ki ta vile a vatwa a wur ana i təv yak a aà meze tsa asa.

Gà Ɓəzla Meslire 3:18

Ama Mbulum aka tə̀kər ka, kamala ana a tsik piŋŋe nda ahər gà ɓəzla məma à guma ŋgar ana fit dze ya, a gwa:

Gà Ɓəzla Meslire 7:37

Musa aaha asa na a gwaɗa gà Isərayel ka: *fo*

IBƏRANIKWA 10:1

Məpala ahəm gà Yahuda ka, mendzikiɗe ba ŋgwal dukw ana Mbulum a vile a kwe a, kə̀ ŋgatakwa ihər a kinehe ya ɗekɗek pəra. Məpala ahəm tar ata ka, a sle a aà məvəla a kwa gà dukw ana ndzer ŋa ya tsa. Gà ɓəzla mandəva kuɗa a Mbulum ta batsawar duwa kəla mive kataya. Gà mburma ata tə zazamawa gà məpala ahəm ata ka, ta waya mesirike a təv Mbulum. Ama dukw ata ta vəlawar a ka, a sle a aà mene à tar gà ŋgwal ŋa ika miɗ ŋgar tsa, aɗaba ta màwa aka məvə̀lar dukw ata kəla mive.

IBƏRANIKWA 3:5

Musa i ŋgar ka, aka ger megemir ndaka vatwa ŋa lele, na ika magər gà mburma Mbulum a. Ama ŋgat ka, a ne mala megemir pəra. A me a à dukw ana Mbulum a ta pèt a dər aka miɗ mba ya.

IBƏRANIKWA 7:1

Melikisedek ata akahər ata ya ka, batsah Əbay gà Salima, dite ŋgat asa ka, mala mandəva kuɗa a Mbulum ana ŋgat ika gər gà dukw tserdze ya mbaŋa. Akahər ata Abəraham à mère a i gùvəl a, i təv ana ta bats gà bàba gà Əbay ŋgiɗ hinne ya ka, Melikisedek a ŋgəzlaraha gər aà vatwa, aà melime akaba nda ŋgat. I fataya ka, a piser ahəm.*fa*

IBƏRANIKWA 9:8

Kamala taŋa ya, Mezite Mesife Mbulum ihər a ɗifewa dər ka, na dzə̀ɓər ga ata a mbera ya, a riŋ hiywe mba ka, vatwa ana gà mburma ti de a dər a huɗ ga ata tsəɗaŋŋa, Mbulum mandza ŋa iɗəm a ka, titstsè, mahə̀ndə̀kà ŋa iɗəm a zukw tsa.

1 PIYER 1:11

Aɗaba Mezite Mesife Kiristi ana a ge megemir i gəzləŋ tar a, a ɗif a tar dər daga piŋŋe, a gwaɗa a tar: Kiristi a ti sèwèr a are dzekwiŋ, dite i dəba ŋa ya, a ta ŋget a mezlibe ana gà mburma tì zlibe a à ŋgat kuɗa ya. Gà ɓəzla məma à guma Mbulum ata ta waya mesire bazlam ata nda metsehe tar, meme na gà dukw ata ti ta ge a ba ya, kige tsa ndeɗime.

Sunwa Yuhana 19:10

I tsaraka kataya ka, i dza gurmits a bəɗ aka miɗ ŋgar, i waya mazàmbàɗà à ŋgat. Ama a gweɗiŋ: «Ki ge kamala taŋa ya tsa. Aɗaba iye tekeɗe ka, mala mege megemir Mbulum taf masakəŋa, kamala kurum ana nda gà damər yak kà zazamum ndzer Yesuw ana a ɗif dər a ya. Seyiŋ tsa, zàmbaɗa ka, à Mbulum ivaɗ.» Ndzer Yesuw ata a ɗif dər a, na a vile a ndzəɗa a gà ɓəzla məma à guma ŋgar a.