Luka 23:5 - Bible Zulgo

⁵ Ama ta gwaɗar aaka nda magala hinne asa: «A beye à gà gwala mər a dala nda guma ŋgar tiye wele. A dza ahər ba ka, ika ahəɗ Galile, dite araha, a zazəɗ dərra aka ahəɗ Yuda ya. I dəba ŋa ya ka, a ndze dərra a faha ya asa ana, meme?»

Luka 23:5 ပူးပေါင်းရင်းမြစ်များ

Mata 11:1

I dəba ŋa ya, Yesuw a ndəv aba à guma ŋgar ata a gà ɓəzla mazazama ŋgat ata kurwa gəra sula ya ka, a mah ba i fataya, a da. Aɗaba a de a ka, aà mesìweye ika ahəɗ ŋgiɗ pampam ika ahəɗ ata, a tsik a guma ŋgar a mburma, meme na ti zezem a vatwa Mbulum a.

Mata 2:1

Ta wa Yesuw ka, i kwite Betelehem ika ahəɗ Yuda, akahər ana *Hiridus ŋgat batsah Əbay ana i fataya. I təv ana ta wa ŋgat a ka, gà ɓəzla metsiɗike gər a gà mawusawus ana ti de a aà gəza mbulum a, tə dara ika tsèke pat ana à mbizera a ya. Tə da a Yeruzalem.

Mata 27:24

I dəba ŋa ya, Pilatus a fə̀r, a sle aɗəm a tsa, a riŋ tì sìkèh a à Mewideye duwa hinne huwwa ka, a tə̀f yam, a bara ahər ika miɗ gà mburma ata tserdze ya, kamala megweɗe ya ka, bazlam ŋgar iɗəm tə tsa. A gwaɗa a tar: «Makə̀ɗà wele aaha ki kìɗwim a ya ka, bakal ŋa ika gər gà tə tsa. Bakal ŋa mege ka, i kurum dukw kurum, tsəka, ahəm gà tsa.»

Mata 4:23

Aləka i dəba ŋa ya, Yesuw a suwaya ika ahəɗ Galile tserdze. A tsikewa guma ŋgar a mburma i gà ga mahàmà a Mbulum. A tsikewa a tar bazlam ŋgwal ŋa ana biy mekwere Əbay Mbulum a asa mbaŋa. A mbala à gà ɓəzla dukw məməta, nda gà mburma ana gà magàha a bəɗ ŋa ya fit dze.

Markus 1:14

Akahər ata ta gəs Yuhana, ti tike ŋgat a daŋgay gədzə̀zl. I dəba ŋa ya, Yesuw a tsaraka tàa gəs Yuhana ka, a mbəɗaha gər aka ahəɗ Galile. A daha ka, a dza ba aà metsìkè bazlam ŋgwal ŋa ana a da dərra i təv Mbulum a, a mburma. A gwaɗawa a tar:

Luka 11:53

I təv ana Yesuw a ndəv à mifefile ŋgar ata tsara ya ka, a mah ba, a da. A da iɗəm a ka, gà ɓəzla medzeŋge məpala ahəm Mbulum nda gà Farisa, tə dza ba aà mege arəv nda təv ŋgar hinne. Aləka i dəba ŋa ya, ta ge metsehe nda wirwir hiywe, tə tsàmawa ahər gà bazlam pampam.

Luka 23:23

Ama tar ka, ta gəs tsa. Tar riŋ aà metsìkè ŋa nda magala sah i ba tar a. Ta gwa: «Say tə ndwandway ŋgat aà dizl magə̀làwà ŋana ndzer pəra.» Agəra bazlam tar ata huwwa ya ka, aka ge zləm a Pilatus.

Luka 23:6

Pilatus a tsaraka bazlam ata ka, a gwaɗa a tar: «Wele aaha dze ana, gà Galile ya?»

Yuhana 1:43

Ndidwe ŋana ka, Yesuw a waya à mbìɗ a gər aka ahəɗ Galile. I təv ana a riŋ a de a ya ka, tə lə̀ma nda Filip. A gwaɗar: «Zezem iye, kà tama.»

Yuhana 19:15

Ama tə tsaraka Pilatus ata a gwaɗa a tar ka, batsah Əbay kurum naha ya ka, tə dza ba aà Mewideye hinne. I huɗ Mewideye tar ata ya ka, ta gwa: «Gəs ŋgat, ka ndwandway ŋgat aà dizl magə̀làwà ŋa, say mekìɗe pəra.» Pilatus a gwaɗa a tar aaka: «Wànà iye i ndwendwey a batsah Əbay kurum aà dizl ata ya?» Gà Əbay gà ɓəzla mandəva kuɗa a Mbulum ta gwaɗar aakaha: «Batsah Əbay mər ŋgiɗ a riŋ tsa, say batsah Əbay gà Ruma pəra.»

Yuhana 2:11

Yesuw a lah mege dukw mene aà mburma ata ka, i kwite Kana, ika ahəɗ Galile. Kərga taŋa ya, a pàt à ndzəɗa mezlibe ŋgar ana a za duwa tserdze ya. Aɗaba taŋa na gà ɓəzla mazazama ŋgat ta gəs ŋgat nda gəzləŋ tar a.

Yuhana 7:41

Gà asiŋ ŋa ta gwa asa: «Wele aaka ka, *Kiristi, mala məmbàlà à mburma ana Mbulum a gwa, i ti slir a kurumehe a ya.» Ama gà mìsle ŋgiɗ pam ta gwa: «Kataya tsa. Kiristi a dere a ana, ika ahəɗ Galile ya ɓav a?

Yuhana 7:52

Ta gwaɗar aaka: «Assàh, wànà kər ana, gà Galile mbaŋa kəla ya? Dzeŋge wakita Mbulum lele kwaŋ, dite ki sir a dər ka, mala məma à guma Mbulum ilik a dere a ika ahəɗ Galile ya tsa.»

Gà Ɓəzla Meslire 10:37

Kà sərum dukw ana a lah mege ba i Galile ya, dite a zazəɗ a Yuda asa ya. Ama gà dukw ata ta ge ba ka, i dəba bazlam metsìlwìɓè à mburma a yam Yuhana ana a tsik a.

Gà Ɓəzla Meslire 23:10

Tə səkah à mimbètsèba ahəm huwwa ika magər tar hinne asa, haa Əbay gà sliwdze ata a ge magəɗa. A gwa: Bìleme ta kiɗ a Pul. A gwaɗa a gà mburma ŋgar: «Dumara, gə̀sumara iɗəm Pul a, kà mùm à ŋgat a ga ata kà ndzawakwa iɗəm a.»

Gà Ɓəzla Meslire 5:33

Gà ɓəzla mayahaba gər ata tə tsaraka taŋa ka, ta ge arəv hinne. Tə dza akaba ahəm, aà mibetse iɗəm gà ɓəzla meslire Mbulum ata ya fit.

Gà Ɓəzla Meslire 7:54

Gà mayahaba gər mburma ata tə tsaraka bazlam ŋgar ata kataya tsara ka, ta ge arəv hinne. Ta papaɗa ikaba ahər a, nda təv Etiyen a.

Gà Ɓəzla Meslire 7:57

I fataya tsara ka, ta wideye hinne, dite tə dzaya dər ahər a zləm, aɗaba a sàs a tar metsereke bazlam ŋgar tsa. Ta wideye aka ŋgat hùrùm fit, tswip tswip tswip tswip ti yabaya aaka.