Luka 23:41 - Bible Zulgo

⁴¹ Aɗaba ma ka, ki sèwèreme a are ka, ndzer ndaka vatwa ŋa, ta gema gà dukw aaha kataya ka, aɗaba ana kàa gema gà dukw ana ŋgwala tsiye kaɗəŋ. Ama ŋgat ka, bakal ŋgar a riŋ tsidze.»

Luka 23:41 ပူးပေါင်းရင်းမြစ်များ

Mata 27:19

Aləka i təv ana Pilatus ŋgat a riŋ i ga mege seriye ata mba ya ka, məkəs ŋgar a sləraha mburma a təv ŋgar, aà magwaɗar ka: «Ma ta ge duwa a wele ata, ŋgat ŋgwal mburma ka, ta ŋgawar gər sàmma ya tsidze. Aɗaba wele ŋa ka, aka dzadzar à iye i suna ya ndaàvəɗ ka, hinne.»

Mata 27:24

I dəba ŋa ya, Pilatus a fə̀r, a sle aɗəm a tsa, a riŋ tì sìkèh a à Mewideye duwa hinne huwwa ka, a tə̀f yam, a bara ahər ika miɗ gà mburma ata tserdze ya, kamala megweɗe ya ka, bazlam ŋgar iɗəm tə tsa. A gwaɗa a tar: «Makə̀ɗà wele aaha ki kìɗwim a ya ka, bakal ŋa ika gər gà tə tsa. Bakal ŋa mege ka, i kurum dukw kurum, tsəka, ahəm gà tsa.»

Mata 27:4

A daha, a gwaɗa a tar: «Yàa ge bakal, aɗaba i ge a kurum ɗaf ka, aà wele ana bakal ŋgar a riŋ tsiye.» Ama gà mburma ata ta gwaɗar: «Bakal ka, biy yak, tsəna, əla mər ti ya.»

Mata 27:54

Ama gà Əbay gà sliwdze gà Ruma, nda gà mburma ŋgar, tar riŋ ihər ta kesle a Yesuw i fata hiywe. I təv ana ta ŋgat a ahəɗ ata a ɓazla nda gà dukw ana pampam a ge i təv tar i fataya ka, ta ge magəɗa hinne kuɗa. Ta gwa: «Yweh, wele aaha ka, Kəla Mbulum kaɗəŋ ndzer.»

Luka 23:40

Ama biy ŋgiɗ aaha a mà à bakal a wele ata, a gwaɗar: «Magəɗa Mbulum a gek ti tsiye, ma ana, kinehe ki sèwèreme a are kamala ŋgat ana, meme?

Luka 23:42

I dəba ŋa ya, a gwaɗa a Yesuw: «I ta mətsak gər tsa, Yesuw, na i təv ana ki ti ne a batsah Əbay a.»

1 TESALUNIKE 2:10

Kurum ka, kà sərum mede mər ana ŋgwal ŋa ya, dite Mbulum tekeɗe, a sər mbaŋa asa. Aɗaba akahər ana mər mandza ŋa ika magər kurum, gà na tàa gəs Mbulum a ka, mede mər ata ka, ŋgwal ŋa, bakal iɗəm tsa. Wura ilik a sle aà metsike aà mər a dukw ana ŋgwal ŋa tsiye tsidze.

YAKUBA 4:7

Aɗaba taŋa, gəsum ahəm aà Mbulum. Məsakum à Əbay sitene, dite a vel a à kurum a.

1 PIYER 1:19

Ama kə ŋgatum mezìwè gər kurum ka, nda məmbəz Yesuw Kiristi ana a za gà dukw tserdze ya. Ŋgat a ndzikiɗ ba ka, kəla təmaŋ ana ŋgwal ŋa lele, duwa ihər tsidze, ta kəɗ a Mbulum taf masakəŋa ya.

1 PIYER 2:23

Ku mege ti tsik aà ŋgat dukw ana ŋgwal ŋa tsiye tekeɗe ka, aka mà a tar aɗəm à bakal ŋa tsa. Ti sèwèrer are hinne tekeɗe, aka dza aà tar magəɗa nda bazlam ɓav tsa asa. Ama a vəl ba ŋgar a ahər ka, a Mbulum ana ŋgat mala masàsà ikaba seriye bakal nda ndzer ŋa ya.