Luka 23:4 - Bible Zulgo

⁴ I dəba ŋa ya, Pilatus a gwaɗa a gà bàba gà ɓəzla mandəva kuɗa a Mbulum ata, nda gà mburma ana dze ya: «Iye ka, i sər bakal ana wele aaha a ge, dite ka, seriye à gis a dər ŋgat a tsa.»

Luka 23:4 ပူးပေါင်းရင်းမြစ်များ

Mata 27:19

Aləka i təv ana Pilatus ŋgat a riŋ i ga mege seriye ata mba ya ka, məkəs ŋgar a sləraha mburma a təv ŋgar, aà magwaɗar ka: «Ma ta ge duwa a wele ata, ŋgat ŋgwal mburma ka, ta ŋgawar gər sàmma ya tsidze. Aɗaba wele ŋa ka, aka dzadzar à iye i suna ya ndaàvəɗ ka, hinne.»

Markus 15:14

Pilatus a gwaɗa a tar: «Wànà a ge dze ana, dukùla na ŋgwala tsiye?» Ama ta màraha à metsìkè ŋa nda magala asa. Ta gwaɗar: «Mì gwaɗak ka, ndwandway ŋgat aà dizl magə̀làwà ŋa tiye, wele.»

Luka 23:22

Pilatus a gwaɗa a tar aaka məmakər ŋa asa: «Wànà a ge dze ana, dukùla na ŋgwal ŋa tsa kataya, dite ka, araha kwets, iye ka, Yàa ŋgat bakal ŋgar ana biy mekìɗe ahər ŋgat a tsiye ya? Ŋgulum ka, i gìzl a ŋgat nda megwiymbiɗ, tsam ka, i pìl a dər, ma daba.»

Yuhana 18:38

Pilatus a gwaɗar: «Ndzer dze ana, kamala dukùla ya?» I dəba bazlam ŋgar ata ya ka, Pilatus a dara a təv gà mburma ata ya asa. A dara, a gwaɗa a tar: «Iye ka, Yàa ŋgat bakal ana wele aaha a ge ya tsa.

Gà Ɓəzla Meslire 25:25

Ama iye ka, Yàa le aà bakal wele aaha biy mekìɗè dər ŋgat a biye ya tsa. Ama ŋgat nda gər ŋgar na a gwa: <Ŋgulum batsah Əbay gà Ruma na a ti sèsiŋ a iba seriye ga ya.> Aɗaba taŋa na i dzala, i gwa, i slir a ŋgat a fataya.

Gà Ɓəzla Meslire 3:13

Mbulum gà batsah gà tsir kwa Abəraham nda gà Izak, nda gà Zakup na a vəl ndzəɗa a mala meslire ŋgar Yesuw, na dite tì zlibe a à ŋgat a. Ama kurum kàa gəsum ŋgat a gà bàba ŋa ana ta kwere a mburma ya. Kàa gwim ahər seriye ika miɗ Pilatus, ku mege i təv ana a sasar à məpəla dər a.

IBƏRANIKWA 7:26

Kamala taŋa ya, Yesuw ka, batsah mala mandəva kuɗa a Mbulum kwa. Ŋgat ka, wele ana a sle a aà mege dukw ana a sle aà kwa ndaka miɗ ŋgar a. Aɗaba ŋgat ka, tsəɗaŋŋa, bakal i təv ŋgar tsa, dite swalwa i ba ŋgar kwizikw ɓav tsa asa mbaŋa. Mendze ŋgar ka, tsàkàlàk aà gà ɓəzla bakal a. Mbulum a tike ŋgat a təv ŋgar i gər ŋa.

1 PIYER 1:19

Ama kə ŋgatum mezìwè gər kurum ka, nda məmbəz Yesuw Kiristi ana a za gà dukw tserdze ya. Ŋgat a ndzikiɗ ba ka, kəla təmaŋ ana ŋgwal ŋa lele, duwa ihər tsidze, ta kəɗ a Mbulum taf masakəŋa ya.

1 PIYER 2:22

Ŋgat ka, aka ge bakal duwa ilik tsidze, dite wura aka tsaraka pàrsa duwa i bazlam ŋgar a ilik tsidze asa mbaŋa.*ff*

1 PIYER 3:18

Yesuw Kiristi nda gər ŋgar a mət ka, aɗaba bakal kwa. A pəl dər à kwa i bakal a sik ilik pəra, gər melik tsara. Ŋgat ka, mala ndzer ŋa, bakal ŋgar a riŋ tsa. Ama a mət agəra gà mburma ana ta gewa bakal a, dite na à dzik a kwa a təv Mbulum a. Gà mburma ta kəɗ ŋgat. Ama Mezite Mesife Mbulum a mbəl à ŋgat a mesife asa.