Luka 23:27 - Bible Zulgo

²⁷ Gà mburma hinne tə zazam Yesuw i dəba ya mbaŋa. Gà məkəs ana i magər tar a hinne, tar riŋ ta bets a ba nda gà tuwa.

Luka 23:27 ပူးပေါင်းရင်းမြစ်များ

Mata 11:17

Mata 27:55

Akahər ata ka, gà məkəs duwa tar riŋ hinne i fata mbaŋa. Ta hitse dzìrìk diriŋ nda təv tar ata zaakwa, aà məfəraha aà tar. Gà məkəs ata tserdze ya ka, tə zazamaha Yesuw daga aà gər ana ŋgat ika ahəɗ Galile mba ya. Aɗaba ta gewar megemir lele, ti dewar ɗaf.

Markus 15:40

Akahər ata ka, gà məkəs duwa tekeɗe, tar riŋ i fata mbaŋa. Ta hitse dzìrìk diriŋ nda təv tar ata zaakwa, aà məfəraha aà tar. Zləm gà məkəs ata ka, gà Mariya ana a dara i Magədala ya, nda gà Mariya məmər gà Zakup kəla ŋana nda Yusas, nda gà Salume tar riŋ i liwiŋ gà məkəs ata mbaŋa.

Luka 23:28

Ama Yesuw a mbəɗ aba a təv tar, a gwaɗa a tar: «A kurum gà məkəs aaha ɗa i Yeruzalem a, ka tuwum agəra iye tsa. Tuwum ivaɗ ka, agəra ba kurum, nda gà ɓəza kurum.

Luka 23:55

Gà məkəs ana tə zazamara Yesuw daga i Galile ya, tə da nda gà Yasufa. Tə daha, tə samata Yesuw ana ti zle a a biye ya.

Luka 8:2

Gà məkəs ana a dalawa à tar gà sitene ya, dite a mbala à tar i dukw məməta tar a, tə zazam ŋgat mbaŋa asa. I liwiŋ gà məkəs ata tə zazam ŋgat a ka, Mariya ana a dara i Magədala, Yesuw a dalawa ihər gà sitene təsəla ya iɗəm,

Luka 8:52

Tə daha a ga ka, ti leha aà gà mburma riŋ hinne, ti tiwiŋa nda makə̀ɗà ba hinne. I dəba ŋa ya, Yesuw a gwaɗa a tar: «Ka tuwum tsa, aka mət tsa, a riŋ ka, ika mendze are.»

Yuhana 16:20

Iye ihər i tsik a kurum a nda ndzer, pàrsa iɗəm tsa: Ki gwim a arəv tur tur tur nda gà tuwa hinne, ama gà mburma ana ti zezem a gər ahəɗ a ka, ta ŋgeye a ba. Malahalah ŋa ka, ki gwim a arəv hinne, ama i dəba ŋa ya ka, arəv kurum ata a ne a maŋgayaba kuɗa.