Luka 23:11 - Bible Zulgo

¹¹ Gà Hiridus nda gà sliwdze ŋgar tə tsaraka gà dukw ata ka, tə sawla aà Yesuw hinne. Ta ger matawak. Ti tike aka ŋgat petek ana ŋgwal ŋa ya, aà masàwlà dər ahər. dite ta màha à ŋgat a Pilatus.

Luka 23:11 ပူးပေါင်းရင်းမြစ်များ

Mata 14:1

Akahər ata ka, *Hiridus ŋgat batsah Əbay ana ika ahəɗ Galile ya, a tsaraka meɗè zləm Yesuw ana a riŋ a geye a gà dukw mene aà mburma pampam a.

Mata 14:3

Hiridus a tsik kataya ka, aɗaba ŋgat na a gəs Yuhana piŋŋe, a dzaw ŋgat, a tike ŋgat a ga daŋgay a. A tike aɗəm ŋgat ka, agəra ana a palar ahəm aà mazla *Hirudiya məkəs damər ŋgar Filip ana a zlaba ihər a ya.

Mata 14:6

Aləka i təv ana pat mawà Hiridus a ndze aɗəm a ka, a zal a mburma hinne aà megirive. Gà mburma ata tserdze ya, tə ndəv akabaha ka, dəm Hirudiya aaha ndeɗiŋa ya, a riŋ i liwiŋ gà mburma ata mbaŋa. A daha, a dza ba aà megirive ika miɗ gà bàba gà mburma ata tə zal a tar à megirive ya. Ama megirive dəm ata a tsahən aà Hiridus nda gà asiŋ gà mburma ata a zal a tar a hinne.

Markus 9:12

Yesuw a gwaɗa a tar: «Iliya à mère a dzekwiŋ kaɗəŋ. Aɗaba à mère a ka, à lèmbeɗe a à gà dukw ana ti de a ndaka vatwa Mbulum tsiye tserdze.» Yesuw a gwaɗa a tar asa: «Aàmala na mewetse ŋa a riŋ i wakita Mbulum mbaŋa ka, wur ana a dara i təv Mbulum a, à sèwèr a are hinne, dite gà mìsle ŋgiɗ ta ger a matawak hinne asa ya?

Luka 23:10

Gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tar riŋ i fata mbaŋa, tə daha, tə dza ba aà meŋgewereha gər ŋgəraw ŋgəraw nda ndzəɗa ika miɗ Hiridus i fata hinne.

Yuhana 19:5

Yesuw a dara a bəra ya nda gà mendìwìɗè gər adak ata ya, nda gà andiw nduzzwa ŋa aaha ika ba asa. Pilatus a gwaɗa a tar: «Araha, mburma kurum naha.»

YAKUBA 2:2

Na bəla gà mburma sula tàa daha a ga Mbulum kurum, mìsle ŋgiɗ mala limana, petek ikəka lele, matsərəɗ gura i ɓəza ahər, biy na tsakala ŋa hinne, à sìkim a ba tsiye. Ama mìsle ŋgiɗ aaha ka, mala matawak, ŋgat a daha ka, gà manəsa petek masakəŋa taf na ikəka ya.

YAKUBA 2:3

Dite kurum ka, ki zlìbwim a à mala petek aaha lele, ki gweɗwimer a: «Dara, ndza iɗəm aka təv mendze ŋgwal ŋa a faha ya.» Ama mala matawak ka, ki gweɗwimer a, «Kər ka, daha, ndza a bəɗ a faka, kige tsa, dara, ndza a bəɗ aà sik mər a faha.»