Luka 22:70 - Bible Zulgo

⁷⁰ Tar ata tserdze ya, tə tsaraka kataya ka, ta gwaɗar: «Kər kinehe ka, Kəla Mbulum kaɗəŋ a?» A gwaɗa a tar aaka: «Kamala ana kà tsikwim a, iye ka, Kəla ŋgar kaɗəŋ.»

Luka 22:70 ပူးပေါင်းရင်းမြစ်များ

Mata 26:25

Yudas, wele ana a ge ahər a ɗaf a, a tsam ahər, a gwaɗar: «Kù gwa ana, iye kəla ya, Batsah gà ŋa?» Yesuw a gwaɗar aaka: «Haya, kamala ana kà tsik a.»

Mata 26:64

Yesuw a gwaɗar aaka: «Kataya, kamala ana kà tsik a. Ama aka miɗ zaakwa ka, ki ŋgetwimiŋ a, a iye, *wur ana a dara i təv Mbulum a, iye mandza ŋa ika tsèke ahər mezime Mbulum ana a za gà dukw tserdze ya. Ki ŋgetwimiŋ a asa ka, aà gəza mbulum tirwenihhe, i dere a nda hulɓukw a.»

Mata 27:11

Yaw, aləka i dəba ŋa ya, Yesuw a hitse aka miɗ Əbay Pilatus. Pilatus ka, mala sik Əbay ana a kwere a ahəɗ gà Ruma ya. A tsam aà Yesuw, a gwaɗar: «Kər ana, batsah Əbay gà Yahuda kaɗəŋ a?» Yesuw a gwaɗar aaka: «Haya, iye ka, ŋgat ŋa.»

Mata 27:43

Aɗaba a ge magəɗa a Mbulum, a gwaɗawa: ka, say ma dara, mə̀ mbəl à ŋgat kinehe na kige a waya ŋgat a.»

Mata 27:54

Ama gà Əbay gà sliwdze gà Ruma, nda gà mburma ŋgar, tar riŋ ihər ta kesle a Yesuw i fata hiywe. I təv ana ta ŋgat a ahəɗ ata a ɓazla nda gà dukw ana pampam a ge i təv tar i fataya ka, ta ge magəɗa hinne kuɗa. Ta gwa: «Yweh, wele aaha ka, Kəla Mbulum kaɗəŋ ndzer.»

Mata 3:17

A tsarakara mifefile ana a ɗera i mbulum a. Mbulum a gwaɗarra: «Kər na mandərkwasla gà ya, Kəla gà. Maŋgayaba gà fit dze ka, ika gər yak.»

Mata 4:3

Əbay sitene a samata kataya ka, a sìrìkaha a təv ŋgar. A daha, a gwaɗar: «Na kù gwa, iye Kəla Mbulum ka, gwaɗa a kur aaha ma ne ɗaf, dite ka zəm.»

Markus 14:62

Yesuw a gwaɗar aaka: «Haya, iye ka, ŋgat ŋa. Iye, *wur ana a dara i təv Mbulum a, aləka ki ta ŋgetwimiŋ a ka, iye mandza ŋa ika tsèke ahər mezime Mbulum ana a za gà dukw tserdze ya. Ki ŋgetwimiŋ a asa ka, aà gəza mbulum tirwenihhe, i dere a nda hulɓukw a.»

Markus 15:2

Ti ta mede dərraha ka, Pilatus a gwaɗar: «Kər ana, batsah Əbay gà Yahuda kaɗəŋ a?» Yesuw a gwaɗar aaka: «Haya, iye ka, ŋgat ŋa.»

Luka 22:71

I dəba ŋa ya, ta gwa: «Ki yehekwe a mala sida dze ana, aàmala asa ya? Aɗaba kwa ŋa ka, kàa tsarakukwara mifefile ana ŋgwala tsa i bazlam ŋgar a ya.»

Luka 23:3

Pilatus a tsam aà Yesuw, a gwaɗar: «Kər ana, batsah Əbay gà Yahuda kaɗəŋ a?» Yesuw a gwaɗar aaka: «Haya, iye ka, ŋgat ŋa.»

Luka 4:41

A beye à tar i ahər sitene ya, dite tə dara i ba tar a nda gà Mewideye ya hinne mbaŋa. Ta gwaɗa a Yesuw nda gà Mewideye: «Kər ka, Kəla Mbulum.» Ama Yesuw a tirɓe akaba tar hinne. A gwaɗa a tar: «Kà fàfəlum tsa.» Aɗaba ana tar ka, tə sər ŋgat, ŋgat ka, *Kiristi, mala məmbàlà à mburma ana Mbulum a gwa, i slir a kurumehe a ya.

Yuhana 1:34

Yuhana a gwa asa ka: «Yàa ŋgat a gà dukw ata ndzer, pàrsa iɗəm tsa. Aɗaba taŋa, na iye ihər i tsik a kurum a parakkà, ŋgat na Kəla Mbulum a.»

Yuhana 1:49

Nataniyel a gwaɗar: «Batsah mala mesìnèkè à duwa a mburma, kər ka, Kəla Mbulum. Kər ka, batsah Əbay gà Isərayel.»

Yuhana 10:30

Mər ka, ilik nda Tsir gà.»

Yuhana 10:36

Iye kinehe tekeɗe, ŋgat na a zla iye, a slərra iye aka gər ahəɗ a. Dite ka, meme na ki slwim aà megweɗe a, i ne a dər bakal, agəra ana i gwa, iye Kəla Mbulum a?

Yuhana 18:37

Pilatus a gwaɗar aaka: «Tsaka kər ana Əbay dukw ŋgar a?» Yesuw a gwaɗar: «Kataya, iye ka, Əbay kaɗəŋ, kamala ana kà tsik a. I dara ka, aà metsìkè dukw ana ndzer ŋa ya, a gà mburma. Aɗaba taŋa na ta wa ɗa iye ika gər ahəɗ a. Wele ana a sasar ndzer ŋa ya ka, à dze a zləm a dukw ana i tsik a ya.»

Yuhana 19:7

Gà Yahuda ata ta gwaɗar aaka: «Mər ka, kamala biy ana a sàs a məpala ahəm mər a ka, say makə̀ɗà ŋgat ilik pəra. Aɗaba a gwa ka, iye Kəla Mbulum.»