Luka 22:53 - Bible Zulgo

⁵³ Kəla pat kà ndzawukwa nda gà iye i ga Mbulum batsah ŋana, dite ka, kwets kàa giswim iye ɓav tsəna, meme? Ama kinehe ka, aka ndze akahər ŋa biy kurum, aɗaba ana Mbulum a vəl vatwa a wele ana i luvuŋ a, na dite ki giswim a dər iye ya.»

Luka 22:53 ပူးပေါင်းရင်းမြစ်များ

Mata 21:23

I dəba ŋa ya, gà Yesuw ti ndzeha a Yeruzalem asa ka, a daha, a pəts a ga Mbulum batsah ŋa ata. A daha, a dza ba aà metsìkè bazlam Mbulum a mburma. Zàmma tsəka, gà Əbay gà ɓəzla mandəva kuɗa a Mbulum nda gà bàba gà mburma ana ta kwere a gà Yahuda ya, tə daha a təv ŋgar. Tə daha ka, ta gwaɗar: «Ki ge a duwa kamala taŋa ya ana, nda ndzəɗa weke? Weke na a slərra kər, a vəlak ndzəɗa ŋa dze ya?»

Luka 22:52

I dəba ŋa ya, Yesuw a gwaɗa a gà mburma ana tə daha aka magəsa ŋgat a, a gà Əbay gà ɓəzla mandəva kuɗa a Mbulum nda gà Əbay gà ɓəzla makàslà ga Mbulum batsah ŋana, dite nda gà bàba gà mburma ana ta kwere a gà Yahuda ya tserdze: «Kà dumara naha kataya nda gà màsalamà, nda gà matakwazum ana, aà megìsè iye ya? Wànà kamala ana iye ka, mala akəl a yà?

Luka 22:54

I dəba ŋa ya, ta gəs Yesuw kuɗa. Tə da à ŋgat a ga a bəra *batsah mala mandəva kuɗa a Mbulum. Piyer a zazamaha tar i dəba ya diriŋ, na i təv ana ti de a dər a.

Yuhana 12:27

Yesuw a gwaɗa a tar asa: «Kinehe ka, arəv a de a aà iye ya ka, hinne. Dite i gweɗe a ana, meme ɓav a? Wànà i gweɗe a a tsir gà ana, zla ika iye mesewere are ana a ti le a aà iye aka miɗ mba ya ya? Awaŋ, ama ka, i gweɗe a kataya tsa. Aɗaba i dara ka, agəra mesewere are ata ya seyiŋ.

Yuhana 13:30

Yudas a zəm ɗaf ata tsara ka, a dara a bəra ya ndaàvəɗ ata, aɗaba həvəɗ aka ge.

Yuhana 14:30

Kinehe ka, i tsik a kurum a duwa hinne asa tsa, aɗaba Əbay gər ahəɗ aaha aka à mendzera. Ama kə̀la ka, ndzəɗa ŋgar a riŋ aà mekwere iye tətsà.

Yuhana 7:30

I fataya tsara ka, ti yaha vatwa aà magəsa ŋgat. Ama wura ilik aka ləm ahər tsa, aɗaba məpàslà ahər ana Mbulum a tiker a ka, aka ndze aɗəm zukw tsa.

Yuhana 7:45

I dəba ŋa ya, gà ɓəzla makàslà ga Mbulum ata ndeɗiŋa ya, ta mbəɗaha gər a təv gà Əbay gà ɓəzla mandəva kuɗa a Mbulum, nda gà *Farisa. Ti ndzeha ka, gà Əbay ata ta gwaɗa a tar: «Aàmala na kə̀ gə̀sumara ŋgat a tsiye?»

Gà Ɓəzla Meslire 26:18

A sèsiŋ ka, ki hìndìk a ter a are, na dite ta mère a i luvuŋ a, a təv dzaydzay ŋa ya ya, dite ka, ti dere a i mekwere Əbay sitene ya, a təv Mbulum a. Aɗaba na tàa gəs iye ka, Mbulum à pìl a à bakal tar, dite ta ŋget a təv mendze a liwiŋ gà mburma ana Mbulum a pala tar a.> «

EFESIYA 6:12

Ama gùvəl ana ki gekwe a ya ka, nda gà mburma məfàrà ŋa tsa. Ki gekwe a ka, nda gà dukw ana ika magər gà mbulum nda gər ahəɗ, a ŋgeterebe a tsa, ndzəɗa tar riŋ hinne ya. Kamala megweɗe ya, nda gà sitene, nda gà Əbay tar ana tserdze tar ihər ta kwere a gər ahəɗ aaha manəsa ŋa ya.

KULUSIYA 1:13

Aɗaba Mbulum Tsir kwa ata na a beyera à kwa i ahər Əbay ana mandza ŋa i lùvùŋ a ya. A ndzəkara iɗəm kwa ya ka, a dza kwa a təv mekwere Kəla ŋgar ana mandərkwasla ŋa ya.