Luka 22:52 - Bible Zulgo

⁵² I dəba ŋa ya, Yesuw a gwaɗa a gà mburma ana tə daha aka magəsa ŋgat a, a gà Əbay gà ɓəzla mandəva kuɗa a Mbulum nda gà Əbay gà ɓəzla makàslà ga Mbulum batsah ŋana, dite nda gà bàba gà mburma ana ta kwere a gà Yahuda ya tserdze: «Kà dumara naha kataya nda gà màsalamà, nda gà matakwazum ana, aà megìsè iye ya? Wànà kamala ana iye ka, mala akəl a yà?

Luka 22:52 ပူးပေါင်းရင်းမြစ်များ

Mata 26:47

I təv mifefile Yesuw ata ya tsara ka, Yudas ika magər gà ɓəzla mazazama ŋgat aaha kurwa gəra sula ya, aka slalaha a təv ŋgar. Tə daha ka, nda gà mburma hinne. Gà mburma ata tə daha ka, nda gà dukw ahər aà tar, gà màsalamà nda gà matakwazum. Na a sləraha tar ka, gà Əbay gà ɓəzla mandəva kuɗa a Mbulum nda gà bàba gà mburma ana ta kwere a gà Yahuda ya.

Mata 26:55

I dəba ŋa ya, Yesuw a gwaɗa a gà mburma ata ta gəs ŋgat a: «Kà dumara naha kataya nda gà màsalamà, nda gà matakwazum ana, aà megìse iye ya? Wànà kamala ana, iye ka, mala akəl a ya? Kəla pat iye riŋ i təv kurum, i tsikewa a kurum guma i ga Mbulum batsah ŋana ka, wàlaa kàa gəsum iye tsa.

Luka 22:37

Aɗaba iye ihər i tsik a kurum ŋa: Say bazlam gà ɓəzla məma à guma Mbulum ana ti tsik aà iye i wakita Mbulum a ka, mà ndəv aba fit. Bazlam ŋa a gwa ka: *fb* Dukw ana ta wetse agəra iye ya tserdze ka, a ge a ba kinehe kaɗəŋ.»

Luka 22:4

A da a təv gà bàba gà ɓəzla mandəva kuɗa a Mbulum, nda gà Əbay gà ɓəzla makàslà ga Mbulum batsah ŋana aà mandza akaba bazlam, meme na a sle aà meɗe a ter a à wirwir ŋa ana ta gis a dər Yesuw a.

Luka 22:51

Ama Yesuw a gwaɗa a tar: «Miyakum à tar, ka fàfəlum a tar tsa, aka ndəv pəra.» A daha, a ləm ahər, a làmbaɗa dər lele tsara.

Luka 22:53

Kəla pat kà ndzawukwa nda gà iye i ga Mbulum batsah ŋana, dite ka, kwets kàa giswim iye ɓav tsəna, meme? Ama kinehe ka, aka ndze akahər ŋa biy kurum, aɗaba ana Mbulum a vəl vatwa a wele ana i luvuŋ a, na dite ki giswim a dər iye ya.»

Yuhana 17:12

I huɗ mendze mər ana mì ndzawa akaba ɗa nda gà tar a ka, i kaslawa tar nda ndzəɗa yak ana kà viliŋ a. I gəs tar lele. Wura ilik ika magər tar a aka dzeye tsa, say wele ana a dzeye à ba ŋgar a, kamala ana akahər ata mewetse ŋa a riŋ i wakita Mbulum, ta gwa ka, a ta ge a ba ya.

Gà Ɓəzla Meslire 5:26

Tə tsaraka kataya tsara ka, Əbay gà ɓəzla makàslà ga Mbulum batsah ŋa ata tə da nda gà mburma ŋgar. Tə daha, ta gasara gà ɓəzla meslire Mbulum ata ya. Ama ta gasa tar ka, nda maàga tsa, aɗaba gà mburma ta kelewa a tar nda kur.