Luka 22:36 - Bible Zulgo

³⁶ Dite a gwaɗa a tar asa: «Ama kinehe ka, wur ana siŋgwe aà ŋgat a ka, say mà ndzək dər kuɗa na ki tèkwe a ya, dite wur ana kìywa ŋgar a riŋ a ka, ma zla dər asa mbaŋa. Wur ana bəla màsalamà aà ŋgat tsiye ka, ma kal à petek ŋgar, dite mà səkəm dər.

Luka 22:36 ပူးပေါင်းရင်းမြစ်များ

Mata 10:10

Ka ndzəkum gà kìywa kurum, kige tsa gà petek sula tsa. Dite ka tə ndzəkum dər gà tsàpà kurum nda gà zəva kurum ɓav tsa asa mbaŋa. Aɗaba mala megemir ka, a sle a aà maŋgata dukw ana kuɗa ŋa a ger a ya.

Luka 22:35

Aləka i dəba ŋa ya, Yesuw a gwaɗa a gà ɓəzla mazazama ŋgat ata tserdze ya kuɗa: «Aka ana i slər kurum ze siŋgwe, ze kìywa, ze tsàpà ya ana, wànà kàa ŋgatum duwa tsiye?» Ta gwaɗar aaka: «Haya, maa ŋgat, kuɗa duwa aka ge a mər tsa.»

Luka 22:37

Aɗaba iye ihər i tsik a kurum ŋa: Say bazlam gà ɓəzla məma à guma Mbulum ana ti tsik aà iye i wakita Mbulum a ka, mà ndəv aba fit. Bazlam ŋa a gwa ka: *fb* Dukw ana ta wetse agəra iye ya tserdze ka, a ge a ba kinehe kaɗəŋ.»

Luka 22:38

Gà ɓəzla mazazama ŋgat ta gwaɗar: «Əbay, Batsah mər ŋa, araha, kwa riŋ nda gà màsalamà sula.» A gwaɗa a tar aaka: «Taŋa ka, aka sle.»

Yuhana 15:20

Bazlam ana ndeɗiŋa i tsik a kurum a ka, mə̀ məts a kurum gər tsa, na i gwa ka, mala meslire a zè a mala ga ŋgar tsiye ya. Na tàa sèwèriŋ are ka, ti ti sèwèr a kurum a are mbaŋa. Na tàa dza gurmits a bəɗ a guma gà ka, ti ti dze a a bəɗ a biy kurum mbaŋa.

Yuhana 16:33

I tsik a kurum gà dukw ata tserdze ya ka, dite kà ndzakwa nda gà iye, ki ŋgetwim a matasla yam a gəzləŋ zayya lele. Ika gər ahəɗ ka, ki sèwèrwim a are. Ama kə̀la ka, arəv ma da aà kurum a tsa, gəsum gəzləŋ, aɗaba Yàa mba aà gà dukw ana ika gər ahəɗ tserdze ya.»

1 TESALUNIKE 3:4

Taŋa, aka na mər riŋ i təv kurum mba ya ka, maa mbər metsìkè a kurum aba mesewere are ana ti ti sèwèr a kwe a aka miɗ mba ya. Dite araha kinehe kuɗa ka, kurum tekeɗe, kàa sərum, aka ge ba kamala taŋa ya kaɗəŋ.

1 PIYER 4:1

Kurum kà sərum, akahər ata Yesuw Kiristi aka sèwèreba are ka, hinne. Aɗaba taŋa, kurum tekeɗe, gəsum gəzləŋ i təv mesewere are ya, kamala ŋgat ana a gəs gəzləŋ, a sèwèr are ya mbaŋa. Aɗaba wur ana à sèwèrebe a are a ba ŋgar kataya ya ka, a ta me a aka bakal asa tsa.