Luka 22:32 - Bible Zulgo

³² Ama kə̀la ka, Yàa hama a Mbulum agəra kər, dite ka, ka miyak à megìse ana kə̀ gəs ŋgat a kweleŋ tsa. Dite i təv ana, aləka, kàa màra a təv ga ya ka, ki ta vile a ndzəɗa a ba a gà damər yak mba.»

Luka 22:32 ပူးပေါင်းရင်းမြစ်များ

Mata 18:3

A gwaɗa a tar: «Iye ihər i gweɗe a kurum a nda ndzer ŋa: Na kàa mbəɗum à madzala gà gər kurum, kàa nwim à ba kurum kəla ŋa, kamala gà ɓəza ndirkiz a tsəka, ki slwim a aà mede a mekwere Mbulum tsidze.

Mata 26:75

I dəba ŋa ya, Piyer a dzala aka bazlam Yesuw ana a gwaɗar ka, ələk guŋgwazl a ti tiwe a ka, kàa gwa medzige makər, i sər Yesuw tsiye ka, aka màrəra a gər a. A dara i ga ya, a dza ba aà tuwa hinne.

Markus 14:72

Piyer a ndə̀vara à mifefile ŋgar ata i bazlam a tsara ka, guŋgwazl a tuwa masula ŋa. I fataya tsara ka, bazlam Yesuw ana a gwaɗar: Ələk guŋgwazl a ti tiwe a sula ka, kàa gwa medzige makər, i sər Yesuw tsiye ka, aka màrra a gər a. A dza ba aà tuwa hinne.

Markus 16:7

Dum kinehe, ta gwaɗum a gà ɓəzla mazazama ŋgat, a gà Piyer ka, aka mbəlara i məməta ya. A lèh a kurum a aka miɗ a aka ahəɗ Galile. Ki ta ŋgetwimer a ka, a fata, kamala ana a tsik a kurum a.»

Luka 8:13

Gà biy ŋgiɗ pam asa, ti ndzikiɗ ba wur daw ata a dza aà sik kuvəl a. Ta gis a bazlam ata a gəzləŋ tar nda gà maŋgayaba tsara. Ama bazlam ata a ŋge a zlile aà mendze i gəzləŋ tar tsa. Zàkwayiya, mesewere are a dere a, a dzik à ter a tsara ka, ta miyek a à bazlam ata ta gəs a gəzləŋ tar a.

Yuhana 14:19

I huɗ mendze zaakwa ya ka, i de a ika gər ahəɗ a. Ama kə̀la ka, i ndze a i təv kurum hiywe. Aɗaba ana iye riŋ nda gà mesife ya, kurum tekeɗe, ki ti ndzwim a nda gà mesife ata mbaŋa.

Gà Ɓəzla Meslire 3:19

Aɗaba taŋa kinehe ka, mbəɗum à madzala gà gər kurum, kà mbəɗum gər a təv Mbulum. Dite mə̀ pəl a kurum à bakal kurum tserdze.

RUMA 8:32

Mbulum ŋgat ka, ku mege Kəla ŋgar aka niw dər tsa, ama a miyak à ŋgat, dite mə̀ mət aɗaba kwa tserdze. Na Mbulum aka vəl a kwa Kəla ŋgar seyiŋ ana, kà dzalum ana, a ta vilekwe a gà dukw ŋgiɗ tserdze mbaŋa tsiye?

RUMA 8:34

Weke na a sle a aà magəsa tar i seriye ya? Wura a riŋ tsa. Aɗaba Yesuw Kiristi nda gər ŋgar a mət agəra kwa. Ama ka, taŋa ɗekɗek tsa, ndeyndey ŋana ka, na Mbulum a mbəlara à ŋgat i məməta ya ya. Ŋgat a riŋ mandza ŋa ika tsèke ahər mezime Mbulum, dite ŋgat a riŋ a hemer a aɗaba kwa mbaŋa asa.

2 TIMUTE 2:18

Tar ka, tàa miyak à vatwa ndzer ŋana. Ta gwa: «Mimbile kwa ana ki mbilekwe a i məməta ya ka, aka mbər mege ba aka ndəv.» Tsaatsa, pàrsa. Kamala taŋa ya, ti dzeye a ka, à mburma ika vatwa Mbulum a hinne.

TITUS 1:1

Na a wetse wakita aaha ka, iye Pul ana i ge a megemir Mbulum, dite iye mala meslire Yesuw Kiristi ya mbaŋa. Ama Mbulum a slər iye ka, dite i tsik a bazlam ŋgar a gà na a pala tar a, na dite ta gis a ŋgat nda gəzləŋ, ti sir a guma ŋgar ana ndzer ŋa, a ɗifekwe a à mede kwa ana à tsehin a aà Mbulum a tserdze ya mbaŋa.

IBƏRANIKWA 12:15

Gwim metsehe, aɗaba wura ilik ma ta mà a dəba aà dukw ŋgwal ŋa ana Mbulum a waya aà meger a tsa. Gwim metsehe asa ka, wura ilik ma ne kamala dukw ana a ndza ɗìwèkìke, dite ka, a nis a à gà dukw ŋgiɗ a tsa. Medzìbe gà mburma ata ka, ta hitse a à dukw ana mawùràba ŋa ya, ti nis a à mendze mburma hinne asa.

IBƏRANIKWA 7:25

Aɗaba taŋa na ŋgat a riŋ nda gà ndzəɗa, a sle a aà məmbàlà à gà mburma ana kinehe ti dere a a təv Mbulum, nda ahər ŋgar a ya. Aɗaba ŋgat a ndze a ka, aà biybiy, dite ŋgat a riŋ a heme a a Mbulum agəra gà mburma ata kəla pat mbaŋa asa.

1 PIYER 1:1

Iye Piyer, mala meslire Yesuw Kiristi. I wetseha wakita aaha ka, a kurum gà mburma ana Mbulum a pala kurum kamala gà mburma ŋgar a. Tə dalawa kurum, kà dzàyum aba vatwa sweyèh sweyèh aka gà ahəɗ Pwantus, nda Galatiya, nda gà Kapadukiya, dite nda gà Asiya, nda gà Bitiniya, ilik ilik tserdze. Kurum gà mandzàyà ŋa a riŋ i gà fata ka, kamala gà slele ya.

1 PIYER 1:13

Aɗaba taŋa, hadzalum madzala gà gər kurum aà megemir Mbulum. Kaslum ba kurum lele, dite ka tikwim madzala gà gər kurum tserdze aka ŋgwal dukw ata Yesuw Kiristi a ta vile a kurum a, a pat ana à mère a ya.

1 PIYER 1:5

Mbulum a riŋ a kesle a kurum dzèŋŋe lele, aɗaba na kàa gəsum ŋgat nda gəzləŋ ilik a. Dite ku weke a sir a dər, i təv ana gər ahəɗ à ndìv a ya ka, Mbulum a ta mbele a à kurum ndzer a.

2 Piyer 3:14

Aɗaba taŋa, a kurum gà masla gà ana i waya kurum hinne ya. I tsik a kurum a ka, a kurum ana kurum riŋ ihər i vevwim a pat ana Yesuw Kiristi à mère a ya ka: Mərum aba nda ndzəɗa kurum fit dze, na dite mendze kurum ana ika miɗ Mbulum a ge a ŋgwal ŋa, ələk a fata ka, bakal a ge a i təv kurum tsidze ya. Sərum ba nda gà ŋgat i gəzləŋ kurum zayzay lele.

1 Yuhana 2:19

Gà mburma ata tə ndzawa piŋŋe ka, ika magər kwa ana kə̀ gə̀sakwa Mbulum a. Ama tə ndzawa ka, nda ndzer tsa. Aɗaba taŋa na tə da ika magər kwa ya ya. Na mege tə ndzawa ika magər kwa nda ndzer ka, ti de a i təv kwa ya tsa. Ama ta miyak à kwa, dite na kinehe kà sərakwa dər ndzer, ku wura ilik i liwiŋ gà mburma ata aka ndza nda gà mburma kwa nda ndzer ŋa ilik tsidze.