Luka 22:22 - Bible Zulgo

²² Iye, *wur ana a dara i təv Mbulum a, i ta mìt a ka, kamala ana Mbulum a tsik a ndzer kaɗəŋ. Ama wur ana a ge aà iye a ɗaf a ka, waya ba ŋgar a.»

Luka 22:22 ပူးပေါင်းရင်းမြစ်များ

Mata 26:24

Taŋa iye, *wur ana a dara i təv Mbulum a, i ta mìt a ka, kamala ana wakita Mbulum a tsik a. Ama mesewere are a dere a aka gər wele ana a ta ge aà iye a ɗaf a ka, batsah ŋa hinne. A ta ge a dər kaɗəŋ ana, meme ɗar a? Ŋgulum na ta wa ŋgat tsiye.»

Mata 27:5

I dəba ŋa ya, Yudas a da à siŋgwe aaha, a gwitse dərraha aba a ga Mbulum batsah ŋa ata ya. Dite ŋgat ŋa a daha, a hirwe ba ŋgar tez nda liɓir, a mət.

Markus 14:21

Taŋa iye, *wur ana a dara i təv Mbulum a, i ta mìt a ka, kamala ana wakita Mbulum a tsik a. Ama mesewere are a dere a aka gər wele ana a ta ge aà iye a ɗaf a ka, batsah ŋa hinne. A ta ge a dər kaɗəŋ ana, meme ɗara? Ŋgulum na ta wa ŋgat tsiye.»

Luka 22:23

Tar ata tserdze ya, tə tsaraka kataya ka, tə dza ba aà metsìkè ŋa, ika magər tar ilik ilik tserdze. Ta gwa: «Wànà weke na a ta ge a gà dukw ata ika magər kwa dze ya?»

Luka 24:46

Dite a gwaɗa a tar: «I fata mewetse ŋa iɗəm ka, say *Kiristi, mala məmbàlà à mburma ana Mbulum a gwa, i slir a kurumaha a ya ka, à sèwèr a are hinne, dite i huɗ mehinne makər a ka, a mbilere a i məməta ya.*fa*

Yuhana 17:12

I huɗ mendze mər ana mì ndzawa akaba ɗa nda gà tar a ka, i kaslawa tar nda ndzəɗa yak ana kà viliŋ a. I gəs tar lele. Wura ilik ika magər tar a aka dzeye tsa, say wele ana a dzeye à ba ŋgar a, kamala ana akahər ata mewetse ŋa a riŋ i wakita Mbulum, ta gwa ka, a ta ge a ba ya.

Gà Ɓəzla Meslire 10:42

Ŋgat na a gwaɗa a mər ka, tsikwim bazlam ŋgwal ŋa aaha a gà mburma ya, dite ka ɗifewim a tar dər ŋgarra lele. Iye na Mbulum a tike iye aà mege seriye gà mburma ana tar riŋ nda are ya, dite nda gà na tàa mata ya asa mbaŋa.

Gà Ɓəzla Meslire 17:31

Aɗaba aka zla iɗəm pat ŋa ana a ta ge a seriye a mburma nda ndzer a. Seriye ata a ge a ya ka, nda ahər wele ana ŋgat ŋa a zla i liwiŋ mburma ya ya.*fa* A mbəlara à ŋgat i məməta ya, dite gà mburma tə sər dər ka, kaɗəŋ ndzer a.»

Gà Ɓəzla Meslire 2:23

Ama ta vəl a kurum vatwa aà makə̀ɗà ŋgat ka, kamala na Mbulum a tsik daga piŋŋe, a ta ge a ba ya dukw ŋgar. Ka vəlum ŋgat a ahər gà na tə sər Mbulum tsiye, tə ndwandway ŋgat aà dizl magə̀làwà ŋa.

1 PIYER 1:11

Aɗaba Mezite Mesife Kiristi ana a ge megemir i gəzləŋ tar a, a ɗif a tar dər daga piŋŋe, a gwaɗa a tar: Kiristi a ti sèwèr a are dzekwiŋ, dite i dəba ŋa ya, a ta ŋget a mezlibe ana gà mburma tì zlibe a à ŋgat kuɗa ya. Gà ɓəzla məma à guma Mbulum ata ta waya mesire bazlam ata nda metsehe tar, meme na gà dukw ata ti ta ge a ba ya, kige tsa ndeɗime.

2 Piyer 2:3

Gà ɓəzla medzeŋge a mburma nda pàrsa ata ka, ta geye a are aka dukw mburma hiywe pəra. Ta bene a kurum nda wirwir, tì ses a pàrsa, na dite ki dzwìm a ter a siŋgwe ya. Daga piŋŋe, Mbulum ana ŋgat mala masàsà ikaba seriye mburma ya ka, aka hadzal ba aà mege a tar seriye. Pat ana a dzeye a à tar fit a ka, aka à mendze aɗəm.