Luka 22:16 - Bible Zulgo

¹⁶ Aɗaba iye ihər i tsik a kurum ŋa: Ki zimekwe a ɗaf aaha nda gà iye asa tsa, haa a pat ana mendzikiɗe ba ɗaf Paska aaha kinehe ya, a ndze aɗəm a ya.»

Luka 22:16 ပူးပေါင်းရင်းမြစ်များ

Luka 12:37

Na mala ga tar ata aka màra, aka lera aà tar a nda are, na tar riŋ ta bebe a ŋgat a ka, maŋgayaba ika gər tar. Aɗaba taŋa, iye ihər i tsik a kurum a nda ndzer: Mala ga ata tekeɗe, à dèn a ba mbaŋa, a ndze à ter a a bəɗ. I dəba ŋa ya, a dehe a, a vile a ter a ɗaf, ti zimiŋa.

Luka 14:15

Ama wura a riŋ ilik ika magər gà mburma ana tə zəm akaba ɗaf tserdze ya, a tsaraka bazlam Yesuw ata tsara ka, a gwaɗar: «Wur ana a ti zim a ɗaf i *mekwere Mbulum a ka, ma ŋgaya ba.»

Luka 22:15

A gwaɗa a tar: «I waya mazəma akaba ɗaf Paska aaha nda gà kurum hinne, na ələk i ti sèwèr a are ya.

Luka 22:18

Iye ihər i tsik a kurum ŋa: I ti se a meɗwìtsè mawà dukw makwàsà ŋa aaha asa tsidze, haa a pat ana mekwere Əbay Mbulum ana a ta kwere a ya, aka ndzera ya dzekwiŋ.»

Luka 22:30

Aləka i təv ana Yàa da a mekwere gà ya ka, ki ti zimekwe a dukw mezime nda masà duwa i təv ilik ŋa nda gà iye, dite ki ti ndzwim a aka təv mendze Əbay aà mege seriye gà gwala gà Isərayel ana kurwa gəra sula ya.»

Yuhana 6:27

Ka ta gwim megemir aɗaba dukw mezime ana ika gər ahəɗ, a ndze a hinne tsiye tsa. Ama gwim ka, aɗaba dukw mezime ana, a ndze a hinne, à ndìv a tsa aà biybiy, a vile a mesife a mburma ya ivaɗ. Dukw mezime ata a ndze a hinne, à ndìv a tsiye ka, iye, *wur ana a dara i təv Mbulum a, na a ta vile a a mburma ya. Aɗaba Mbulum Tsir gà na a viliŋ ndzəɗa aà mege dukw ata ya.»

Gà Ɓəzla Meslire 10:41

Ama ka, a gà mburma ana tserdze ya tsa, na a pàt a tar aba ya, say a mər gà mburma ana Mbulum a lah mipele mər, mì ne gà ɓəzla sida ŋgar akahər ata ya. I dəba mimbile ŋgar ana a mbəlara i məməta ya ka, mì zəmawa akaba ɗaf nda masà duwa tserdze nda gà ŋgat.

Sunwa Yuhana 19:9

I dəba ŋa ya asa ka, gawla Mbulum a gweɗiŋ: «Wetse aka wakita ka: Maŋgayaba ika gər gà mburma ana tàa zal a tar, ta gwaɗa a tar, dumara a megirive mandə̀ɗà daala Kəla Təmaŋ a bəra ya ya.» Dite gawla Mbulum ata a gweɗiŋ asa: «Bazlam aaha ka, ndzer, pàrsa iɗəm tsa. A dara ka, ika arah Mbulum a.»