Luka 21:37 - Bible Zulgo

³⁷ I huɗ mendze Yesuw ana a ndzawa i fataya ka, ndaàpat ŋana ka, a dzeŋgewa guma ŋgar a mburma i ga Mbulum batsah ŋana. Aləka hawa aka ge ka, a debe a a dìyes dizl ɗaf uliviye ata, aà mehinne i fata.

Luka 21:37 ပူးပေါင်းရင်းမြစ်များ

Mata 21:1

I dəba ŋa ya, gà Yesuw nda gà ɓəzla mazazama ŋgat ti de a a Yeruzalem. Ti ndze a kwite Betfedze, tàa à mendze bise nda Yeruzalem, aà sik kwite duwa tə zalar kwite Ndzendzebire. I fataya ka, Yesuw a slər gà ɓəzla mazazama ŋgat sula aka miɗ.

Mata 21:17

A tsik a tar kataya ka, a hitsera i liwiŋ tar a. A dara i huɗ batsah kwite ata ya, a da ndàra a Betaniya, a həna riŋ i fata.

Mata 26:30

I dəba ŋa ya, tə zàmbaɗa à Mbulum nda dimis, dite ta màhara ba i fataya, ti de a aà sik kwite Ndzendzebire.

Mata 26:55

I dəba ŋa ya, Yesuw a gwaɗa a gà mburma ata ta gəs ŋgat a: «Kà dumara naha kataya nda gà màsalamà, nda gà matakwazum ana, aà megìse iye ya? Wànà kamala ana, iye ka, mala akəl a ya? Kəla pat iye riŋ i təv kurum, i tsikewa a kurum guma i ga Mbulum batsah ŋana ka, wàlaa kàa gəsum iye tsa.

Markus 11:12

I mèkwède ŋana ta mbiɗere a gər i Betaniya ya, ti de a a Yeruzalem a ka, may a wir a aà Yesuw hinne.

Markus 11:19

Aləka hawa a ge ka, gà Yesuw nda gà ɓəzla mazazama ŋgat ta mah ba i kwite ata ya, tə da.

Markus 14:49

Kəla pat iye riŋ i təv kurum, i tsikewa a kurum guma i ga Mbulum batsah ŋana ka, wàlaa kàa gəsum iye tsa. Ama taŋa ka, aɗaba dukw ana mewetse ŋa i wakita Mbulum a ka, məpàslà ahər ŋa aka ndze aɗəm kaɗəŋ a, tsəka, ki slwim a aà magəsa iye tsa.»

Luka 19:29

Tàa à mendze a gà kə̀sà Betfedze nda Betaniya bise nda Yeruzalem, aà sik kwite duwa, tə zalar dìyes dizl ɗaf uliviye. I fataya ka, Yesuw a slər gà ɓəzla mazazama ŋgat sula aka miɗ.

Luka 19:37

Aləka tàa à mendze a Yeruzalem, ti de a ndaka vatwa ana a tarra i dìyes kwite uliviye ata ya. I fataya ka, gà ɓəzla mazazama ŋgat ata tserdze ya, tə dza ba aà mazàmbàɗà à Mbulum nda maŋgayaba i gəzləŋ nda magala, aɗaba gà dukw mene aà mburma ana ta ŋgatawar, Yesuw a geyewa tserdze ya.

Luka 19:47

Aləka i dəba ŋa ya, Yesuw a dzeŋgewa i ga Mbulum batsah ŋa ata kəla pat. Gà Əbay gà ɓəzla mandəva kuɗa a Mbulum nda gà ɓəzla medzeŋge məpala ahəm Mbulum nda gà bàba gà Yahuda ana i fata tserdze ya, ti yaha vatwa aà makə̀ɗà Yesuw.

Luka 22:39

Aləka Yesuw a dara i fataya, a da aà kwite uliviye, kamala ana a gewa dər a. Gà ɓəzla mazazama ŋgat tə dəɗ aaka.

Yuhana 12:1

A zeha mehinne ndilik na ta ge a *megirive Paska ya. Yesuw a mbəɗ gər a kwite Betaniya, a təv ana Lazar a ndzawa iɗəm a. Ŋgat ka, wele ana Yesuw a mbəlara à ŋgat i məməta ya.

Yuhana 18:2

Yudas ana a ta ge a ɗaf aà Yesuw a tekeɗe, a sər təv ata mbaŋa. Aɗaba gà Yesuw nda gà ɓəzla mazazama ŋgat tə dawa aɗəm kəla pat tserdze.

Gà Ɓəzla Meslire 1:12

Aləka i dəba ŋa ya, gà ɓəzla meslire Mbulum ata tə tarra i dìyes Ndzendzebire ata tar mandza ŋa iɗəm a, ta mbəɗara gər a Yeruzalem a. Dìyes ata ka, əzaɗ zaakwa pəra na à Yeruzalem a.