Luka 21:36 - Bible Zulgo

³⁶ Ka ndzwim are tsa, hamum kəla pat, dite ka, ka ŋgatum ndzəɗa aà mibe dər i təv gà dukw ata tserdze ti dere a ya. I dəba ŋa ya, ki ta hitswim a aka miɗ gà lele, iye, *wur ana a dara i təv Mbulum a kuɗa.»

Luka 21:36 ပူးပေါင်းရင်းမြစ်များ

Mata 24:42

Aɗaba taŋa, ndzum ka, nda metsehe, tsəka, ki sirwim a pat ana Batsah kurum ŋa a dere a ya tsa.

Mata 24:43

Ama ka, tsarakum dukw aaha i tsik a kurum a ya lele: Na bəla mala ga a sər mala akəl a dere a, a time a ga ŋgar ka, a ndze a are a pat ata tsa. A viler a vatwa aà mada a ga a ma ŋgar tsidze.

Mata 24:44

Aɗaba taŋa, kurum tekeɗe, hadzalum ba kurum mbaŋa. Ndzum ka, nda metsehe lele, tsəka, iye, wur ana a dara i təv Mbulum a, i mère a ka, a pat ana kurum ihər ki vevwim a iye ya tsa.»

Mata 25:13

Aɗaba taŋa, Yesuw a gwaɗa a tar kuɗa: «Ama kurum ka, ndzum nda metsehe lele, tsəka, ki sirwim a pat ŋa tsa, kige tsa ler ŋa ka, ki sirwim a tsidze.»

Mata 26:41

I dəba ŋa ya, a gwaɗa a tar asa: «Ndzum nda metsehe, kà hamum a Mbulum, dite ka tə də̀ɗum aka məbàzà za Əbay sitene tsa. Ama kurum ka, kàa wayum lele, ba kurum na a sle a aà magəsa ŋa tsiye pəra.»

Mata 8:20

Yesuw a tsaraka kataya ka, a gwaɗar: «Dzala dzekwiŋ, aɗaba ŋgulum gà mbayakà ka, biye tar a riŋ, gà ɗiyeŋ tekeɗe ibam, ga tar a riŋ mbaŋa, na ta hinne a iɗəm a. Ama iye, *wur ana a dara i təv Mbulum a ka, ga gà a riŋ, na i hinne a iɗəm, dite i sifik a ba ya tsa.»

Markus 13:33

Gwim metsehe daga aà kinehe ya, ka ndzum are tsa, aɗaba kà sərum pat ŋa tsa.

Markus 13:37

Bazlam ata i tsik a ka, a kurum ɗekɗek tsa. I tsik ka, ku a weke: Kaslum ba kurum, ndzum nda metsehe lele.»

Luka 1:19

Gawla Mbulum ata a gwaɗar aaka: «Iye ka, Gabriyel, iye ika miɗ Mbulum, i ger a megemir ŋgar. A slərra iye ya ka, aà məfàfə̀lak, dite aà meɗifek à bazlam aaha ŋgwal ŋa ya.

Luka 18:1

I dəba ŋa ya, Yesuw a tsik bazlam minew a gà ɓəzla mazazama ŋgat ata, aà meɗife a tar dər ka, say ta hama a Mbulum hiywe, ti ye ba tsidze.

Luka 20:35

Ama gà mburma ana Mbulum a pala tar, ti ta mbilere a i biye ya, dite ti ti ndze a ika gər ahəɗ ana awiya ŋa a dere a ika miɗ a ka, ti dzele a bazlam mazla ba nda gà məkəs tsa.

Luka 21:35

Aɗaba pat ata a lere a à mburma ana ika gər ahəɗ tserdze ya ka, kamala ɓele ana a mbezle a aka kwàhum a.

Gà Ɓəzla Meslire 10:2

Ama wele ata ka, a ge magəɗa a Mbulum. Tar nda gà mburma ana i ga i ma ŋgar a tserdze, tə dzar gurmits a bəɗ lele. A zlàkawa gà Yahuda ana gà matawak ŋa ya hinne, a hamawa a Mbulum kəla pat mbaŋa.

1 Kurintiya 16:13

Ndzum ka, nda metsehe lele. Dite megìse kurum ana kə̀ gəsum ŋgwal bazlam ata nda gəzləŋ ilik a ka, ka dum dər aka miɗ aka miɗ. Arəv ma da aà kurum a tsa, gəzləŋ kurum ma ndza ka, ɓəŋɓəŋ lele.

2 Kurintiya 4:14

Mər ka, mì sər, Mbulum ana a mbəlara à Yesuw BATSAH kwa ŋa i məməta ya ka, a ta mbil à mər a kamala ana a mbəl à Yesuw a mbaŋa. A ti dzik akaba a kwa aka miɗ ŋgar nda gà kurum tserdze.

KULUSIYA 4:2

Ku mege ndeɗime tekeɗe ka, ndiɗikwime gər aà mahàmà a Mbulum, ka ti yum ba tsidze. I təv ana ki hemwimer a ya ka, gwimer kəkaaha mbaŋa,

1 TESALUNIKE 5:17

Ka ta miyakum à mahàmà a Mbulum tsidze.

2 TIMUTE 4:5

Ama kər ka, ge metsehe à dukw ana ndzer a tèrihhwè lele, ka zazam aka miɗ aka miɗ. Bàs gəzləŋ i təv gà mesewere are ana tì sèwèrek a ya. Tsik bazlam ŋgwal ŋana a mburma, ma ɗe zləm ŋgarra lele, mà səkah aka miɗ aka miɗ. Ge megemir ana zləma Mbulum aka vəlak a ahər a.

1 PIYER 4:7

Ama kinehe ka, pat mandəvandəv gər ahəɗ aka à mendzera. Gwim metsehe, kaslum ba kurum lele, dite na ki slwim a aà mahàmà a Mbulum a.

1 PIYER 5:8

Kaslum ba kurum, ka ndzum nda metsehe lele asa. Aɗaba Əbay sitene, mala mene are kurum a riŋ à sìweye a ika magər kurum kamala azil ana à ŋgìrìz a, a yehe a dukw mezime ya.

1 Yuhana 2:28

Gà ɓəza gà, i tsik a kurum a asa ka, ndzum nda gà ŋgat i təv ilik ŋa, na dite, a pat ana à mère a ya ka, gəzləŋ kwa a ge a magəɗa tsiye, dite a ndze a hiywekukwà nda hwarwa ŋa ɓav tsa asa, na aka dara ya.

Yuda 1:24

Gekwa kəkaaha a Mbulum, aɗaba ana ŋgat a sle aà makàslà kurum a, na dite ka, ki dzeywim a ika vatwa ŋgar a asa tsiye. Ŋgat a bere a aà kurum bakal kurum a tserdze tsəɗaŋŋa lele. Dite ki dwim a, ki ta hitswim a aka miɗ ŋgar i təv mezlibe ŋgar ana gà mburma tì zlibe a à ŋgat a ya. Ki ŋgeywim a ba hinne.

Sunwa Yuhana 11:4

Gà ɓəzla sida ata sula gà mehìtsè ŋa ika miɗ Mbulum BATSAH kwa ŋana ŋgat mala makwàrà gər ahəɗ a. Tar ka, kamala gà dizl uliviye ana sula ya. Dite tar asa ka, kamala gà lalampa ana sula ya asa mbaŋa.

Sunwa Yuhana 6:17

Aɗaba pat ana ti ta gis a gà mburma a seriye ya ka, aka à mendze aɗəm. Ama a pat ata ana, weke na a be a iɗəm a ya?»

Sunwa Yuhana 7:9

I dəba ŋa ya asa, i ŋgataha a gà mburma ana hinne, wura a sle a aà maɗàmà ŋa tsiye. Gà mburma ata tə dara ka, ika ahəɗ ana pampam ika gər ahəɗ a, ku mege gà na slàla tar pampam a tserdze, nda gà təv gà mendze tar pampam, kige tsa gà ahəm tar ibam, pampam a. Tar gà mandzàyà ŋa ka, ika miɗ təv mendze Əbay Mbulum, nda gà ika miɗ Kəla Təmaŋ ata mbaŋa. Gà petek ana ika tar a ka, herrè. Ku weke nda gà slàmbah tə̀ɓàh i ahər ŋgar, tì zèmbeɗe a dər à tar.

Sunwa Yuhana 8:2

I dəba ŋa ya, i ŋgataha a gà gawla Mbulum ana tar təsəla, tar gà mandzàyà ŋa ika miɗ Mbulum a. Tə dzaya a tar gà mezleliŋ təsəla a ahər, ku weke nda biy ŋgar.