Luka 21:12 - Bible Zulgo

¹² Ama ələk gà dukw ata ti ti ndzere a ka, say gà mburma ta gese a kurum, tì sèwèr a kurum a are hinne məfara ŋa dzekwiŋ. Ti ti de à kurum a a ga mahàmà a Mbulum a, ta ge a kurum a seriye. I dəba ŋa ya, ti dze a kurum a daŋgay kuɗa, agəra iye. Ti de à kurum a aka miɗ gà ɓəzla makwàrà mburma, nda gà aka miɗ gà Əbay gà bàba ŋana mbaŋa.

Luka 21:12 ပူးပေါင်းရင်းမြစ်များ

Mata 22:6

Dite gà mìsle ŋgiɗ gà mezehe ŋana, ta gasa gà ɓəzla meslire Əbay aaha ndeɗiŋa ya, tə ndavaya a tar pìslìɗìɗe. Ta bats tar fit a biye.

Mata 24:8

Ama gà dukw ata tserdze ya ka, a live dər aba ya pəra, dite na ti sir a dər ka, gər ahəɗ aka à mendìve ya, kamala mawà kəla ana à lèh ahər a, a wir a aà gà məkəs a.

Luka 21:11

I gà kwite ŋgiɗ pampam, wàkit wàkit ahəɗ a ɓezle a nda medzedzere hinne. Gà may nda gà dukw məməta ŋgiɗ hinne ti ta geye a ba i gà kwite ŋgiɗ pampam, ku mege i ŋga tserdze. Ta ŋget a a gà dukw mene aà mburma ana gà bàba ŋa ya, aà gəza mbulum, ta ge a magəɗa hinne ya.

Yuhana 15:20

Bazlam ana ndeɗiŋa i tsik a kurum a ka, mə̀ məts a kurum gər tsa, na i gwa ka, mala meslire a zè a mala ga ŋgar tsiye ya. Na tàa sèwèriŋ are ka, ti ti sèwèr a kurum a are mbaŋa. Na tàa dza gurmits a bəɗ a guma gà ka, ti ti dze a a bəɗ a biy kurum mbaŋa.

Yuhana 15:21

Ama ti sèwèreye a kurum a are ata tserdze ya ka, agəra iye, aɗaba ana tàa sər wele ana a slərra iye ya tsiye.

Gà Ɓəzla Meslire 22:30

A sàs a Əbay gà sliwdze ata mesire ndzer ŋana, aàla na gà Yahuda ta vəl bakal a Pul dze ya? Aɗaba taŋa na, ndidwe ŋa a pə̀lara tsitsirɓe ana i ahər Pul a, dite a zal a gà Əbay gà ɓəzla mandəva kuɗa a Mbulum nda gà bàba ŋa ana ta kwere a gà Yahuda ya tserdze, ti yahaba gər. Dite i dəba ŋa ya ka, a hitse à Pul aka miɗ tar.

Gà Ɓəzla Meslire 5:40

Tə zalaha a gà ɓəzla meslire Mbulum ata, ta gazla tar, ta gwaɗa a tar: «Ka ta fàfəlum nda zləm Yesuw asa tsidze.» I dəba ŋa ya, ta pəl à tar kuɗa.

Gà Ɓəzla Meslire 8:3

Ama Sawul ka, a sasar medzeye à gà mburma Mbulum. A dawa aà ga aà ga tserdze, a yahawa gà ɓəzla magəsa Yesuw nda gəzləŋ, ku gà asləka nda gà məkəs tserdze, a gasawa tar, a dzawa tar a daŋgay.

Gà Ɓəzla Meslire 9:4

A dəɗ dər a bəɗ, a tsarakara iɗəm mifefile duwa i fataya. Mifefile ŋa a ɗe à ŋgat ka: «Sawul, Sawul, aàmala na ki sèwèriŋ a are kataya ya?»

1 PIYER 2:13

Ama kurum gà mburma ana ki zezemwim a Yesuw Kiristi BATSAH kwa ŋa ya ka, hənum à gər kurum a bəɗ a gà Əbay gər ahəɗ. Gəsum ahəm aà batsah Əbay ana a kwere a mburma tserdze ya.

Sunwa Yuhana 2:10

Taŋa damər mesewere are kurum aaha ki sèwèrwim a kinehe ya, à sìkèh a aka gər kurum a ka, aka à mendze aɗəm. Ama kəla ka, ki gwim magəɗa tsa. Sərum dər ka, Əbay sitene a ta gese a gà mìsle ŋgiɗ ika magər kurum a, a daŋgay bise. A dzik a à kurum, ki ŋgetwim a mesewere are i huɗ mehinne kurwa ya. Bàsumaraha, na ku mege ta bets a kurum tekeɗe ya. Na kàa mərum aba kamala taŋa ya ka, i ti dzèye a kurum a gà dukw mayaba kurum, kamala megweɗe ya ka, mesife ana à ndìv a tsa aà biybiy a.