Luka 20:36 - Bible Zulgo

³⁶ Aɗaba tar ka, ta mete a asa tsa. Ti ndze a ka, kamala gà gawla Mbulum a. Tàa ne gà ɓəza Mbulum, aɗaba tàa mbəlara i məməta ya aka ndəv.

Luka 20:36 ပူးပေါင်းရင်းမြစ်များ

Mata 22:30

Aɗaba aka təv ana gà məməta ta mbilere a i biye ya ka, gà asləka nda gà məkəs ti zle a ba asa tsa. Ama ti ndze a ka, sùlàɗə̀ɗa kamala gà gawla Mbulum ana i mbulum a.»

Markus 12:25

Aɗaba aka təv ana gà məməta ta mbilere a i biye ya ka, gà asləka nda məkəs ti zle a ba asa tsa. Ama ti ndze a ka, sùlàɗə̀ɗa kamala gà gawla Mbulum ana i mbulum a.»

RUMA 8:16

Mezite Mesife ata na a ɗif a kwe a dər i gəzləŋ kwa ka, kàa nekwa gà ɓəza Mbulum kaɗəŋ a.

1 Kurintiya 15:26

Mandəvandəv mala mene are Mbulum ata a dzeye a dər a ka, məməta ana ta mete a ya.

1 Kurintiya 15:42

I təv ana Mbulum a ta mbilere a à mburma i məməta ya tekeɗe, a ta ge a ka, kamala taŋa ya mbaŋa. Ba mburma aka mət ka, a ndzikiɗ ba wur daw ana tàa slige ya. Tàa le a biye ka, gùdzuɓ a ndze a tsa, a gwinekiŋa. Ama ba ana Mbulum a mbil a dər a ka, a gwineke a asa tsa, a ndze a ka, aà biybiy.

1 Kurintiya 15:49

Ama kinehe ka, kà ndzìkìɗekwe ba wele ata Mbulum a ge ŋgat nda ahəɗ a tə̀ma. Aka miɗ mba ka, ki ti ndzìkìɗekwe a ba wele ata a dara i mbulum i gər ŋa ya kuɗa.

FILIPIYA 3:21

I təv ana a dere a ya ka, a ta mbìɗ a à ba kwa ana tsèfek tsèfek ndzəɗa iɗəm tsiye, na dite ba kwa a nis a asa tsa, a ndze a aà bəra aà biybiy kamala biy ŋgar ana ti zlibe a dər a. A ta ge a kamala taŋa ya ka, nda ndzəɗa ŋgar ana a kwere a gà duwa tserdze ya.

Sunwa Yuhana 20:6

Kamala taŋa ya ka, maŋgayaba a ta ge a i təv gà mburma ana tàa lah aà məmbə̀lara i məməta ya ya. Mbulum a pise a ter a ahəm. Tar ka, mesife tar a dzeye a asa tsidze. Ti ti ne a ka, gà ɓəzla mandəva kuɗa ika miɗ gà Mbulum nda Yesuw Kiristi. Tar nda gà Yesuw Kiristi ka, ti ta kwere a i huɗ mive dəbuw a.

Sunwa Yuhana 21:4

A ta bere a aà tar tuwa à are tar a tserdze. Ti ta mete a asa tsa, dite gà dukw ana à tsìɓ a ter a ya ka, a riŋ asa tsa mbaŋa. Ti tiwe a asa tsa, dite duwa ilik a ta wir aà ter a asa tsidze. Gà dukw ana gà miviye ŋa ya tserdze ka, ti ta ge a riŋ asa tsa.»

Sunwa Yuhana 22:9

Ama ka, aka viliŋ vatwa tsa. A gweɗiŋ asa: «Iye tekeɗe ka, mala meslire Mbulum, kamala kurum ana nda gà damər yak kà màwum à guma ŋgar, kə̀ gə̀sawum ahəm aà gà bazlam ana i huɗ wakita aaha tserdze ya mbaŋa. Ama seyiŋ tsa, zàmbaɗa ka, à Mbulum ivaɗ.»