Luka 20:16 - Bible Zulgo

¹⁶ Ama a gwaɗa a tar: «A dehe a ka, a bets a iɗəm gà ɓəzla megemir dizl ɗaf ŋgar ata ya fit, dite à dze aɗəm a gà mìsle ŋgiɗ awiya ŋa asa.» Ama gà mburma ata tə tsaraka bazlam ŋgar ata kataya ka, ta gwaɗar aaka: «Gà dukw ata tserdze ya ka, a ge a ba diydiy tsidze.»

Luka 20:16 ပူးပေါင်းရင်းမြစ်များ

Mata 21:34

Aləka mawà dizl ɗaf ata a nah ka, wur ana a dzava ya, a sləraha gà mburma ŋgar a təv gà ɓəzla megemir dizl ɗaf ŋgar ata, dite ta vəlaraha dukw gùvàh ŋgar ata kuɗa.

Mata 21:41

Gà mburma ata ta gwaɗar aaka: «A dzeye a iɗəm à tar a sleɗik, a bets a gà mburma ata gà ŋgwal ŋa tsiye, dite à vile a gùvàh ŋa a ahər a gà mìsle ŋgiɗ pam, gà na ta ge a megemir ŋa ka, ta vilerehe a nuba gùvàh ŋgar tits a tə̀vəməŋa ya.»

Mata 22:7

Ama Əbay aaha a ta metsereke ka, a tsəɓar hinne. A slər gà sliwdze ŋgar aà məbatsa gà mburma ata ta batsaya gà ɓəzla meslire ŋgar aaha ya. Gà sliwdze ata tə da. Tə daha tsara ka, ta bats gà mburma ata fit. Dite ndìrɓek ta wànà kwite tar ata nda akwa asa.

Markus 12:9

I dəba ŋa ya, Yesuw a ndəv à bazlam ŋgar ata ka, a tsam aà tar, a gwaɗa a tar: «Mala dizl ɗaf aaha dze ana, a ge a ana, meme na aləka aka təv ana aka màra ya?» Ama a gwaɗa a tar: «A dehe a ka, a bets a iɗəm gà ɓəzla mege megemir dizl ɗaf ŋgar ata ya fit, dite à dze aɗəm a gà mìsle ŋgiɗ awiya ŋa asa.»

Luka 19:27

Ama gà ɓəzla mene are ana a sàs a tar, i ne Əbay tar tsiye ka, geswimiŋara tar a faha ya, ka batsum tar aka miɗ gà a faha.> «

Luka 20:15

Tə daha, tə lamayarra i fataya tsihtsih, dite tə daha, ta kəɗ ŋgat fit a biye.» I dəba ŋa ya kuɗa, Yesuw a gwaɗa a tar aaka asa: «Dite na kataya dze ana, mala dizl ɗaf aaha a ge a ana, meme na nda gà mburma ata ya, na aləka aka təv ana aka daha ya?»

Gà Ɓəzla Meslire 13:46

I dəba ŋa ya, gà Pul nda Barnabas ta gwaɗa a tar parakkà aà are: «Ana ka, mìi lèh a aà metsìkè a bazlam Mbulum ka, a kurum ana gà Yahuda ya dzekwiŋ. Ama kinehe ka, mìi de a dər a təv gà mburma ana tar gà Yahuda tsiye, aɗaba ana kàa niwwim a, bəla kà dzalum ka, kurum riŋ meŋgete mesife ana à ndìv a tsa aà biybiy a ide tsiye ya.

RUMA 11:1

Kamala taŋa ya, Kinehe ka, i wiziŋa. Na kataya ana, wànà Mbulum aka məsak à gà mburma ŋgar ata ya? Awaŋ, aka məsak à tar tsa. Iye nda gər gà tekeɗe ka, kəla gà Isərayel ana i gwala Abəraham a. I dara ka, i hwife Benyamin a.

RUMA 11:11

Aɗaba taŋa, kinehe ka, i wiziŋa: Na kataya dze ana, wànà gà Yahuda ata tə dza ika vatwa ya ana, tàa dzeye kweleŋ a? Awaŋ, tàa dzeye tsa. Ama ka, agəra ana ta ge bakal a, na gà asiŋ gà mburma ŋgiɗ ta ŋgat vatwa ana Mbulum a mbil a dər à tar a ya. A ge dər kataya ka, na dite gà Yahuda ta ge aaka are nda təv tar a.

RUMA 3:31

Na bəla kù gwaɗakwa, Mbulum a ne à ter a gà ŋgwal ŋa, agəra ana ta gəs Yesuw Kiristi nda gəzləŋ tar a tekeɗe ana, məpala ahəm Musa a ne a kamala dukw taf masakəŋa ya ɓav a? Ama ka, kataya tsa. Ki ɗifekwe a ka, à ndzer ŋa ana iɗəm a ivaɗ, na taŋa ya.

RUMA 3:4

Awaŋ, kataya tsa. Ku mege gà mburma tserdze ti ne gà ɓəzla pàrsa, tàa zazam ŋgat tsa tekeɗe ka, Mbulum a ge a dukw ana a gwa, i ge a nda ndzer a hiywe pəra. Ar ka, kamala ana mewetse ŋa a riŋ i wakita Mbulum, a gwa ka: «I təv ana kər Batsah mər ŋa ki fèfil a ya ka, ku weke a sir a dər ndzer, kà tsik taŋa ka, ndzer kaɗəŋ, pàrsa iɗəm tsa.» A gwa asa ka: «I təv ana ta mèk a à bakal a ka, wura ilik à gis a kər i seriye tsidze.»*fa*

RUMA 3:6

Ama ka, kataya tsa, aɗaba Mbulum ka, mala ndzer. Na kataya tsəna, meme na a ta ge a seriye a gà mburma ana ika gər ahəɗ a tserdze asa ya?

RUMA 6:15

Ama kinehe ka, kwa i ahər məpala ahəm Musa asa tsa. Kwa ka, i ahər ŋgwal Mbulum ana a ge a kwa ya, na a kwara kwa ya. Dite ki gweɗekwe a dze ana, meme na kinehe ya? Na kataya ana, wànà kà mətsakwa ana, aà mege bakal hiywe pəra ya? Awaŋ, kataya tsidze.

RUMA 6:2

Awaŋ, kataya tsa. Aɗaba kà nekwa ika miɗ bakal ka, kamala ana gà məməta ŋa ya. Dite dze ana, meme na ki mèkwe a aà mandza i bakal asa ya?

RUMA 7:13

Dite na kataya ana, dukw ata ŋgwal ŋa lele ya, na a bats kwa ya ivaɗ a? Awaŋ, kataya tsa. Ama ka, dukw bakal na a bets a kwa ya ivaɗ. Aɗaba dukw bakal ata a ge megemir nda dukw ŋgwal ŋa ata, a bets a dər kwa ya. A ge ba kataya ka, na dite kà sərakwa dər lele, naha ka, bakal kaɗəŋ a. Aɗaba Mbulum a tsik məpala ahəm ŋgar ata ka, a sasar na bakal mə pàt aba ndərzayya kamala dukw ana ŋgwal tsa ndeyndey a ya.

RUMA 7:7

Kamala taŋa ya, ki gweɗekwe a kinehe dze ana, meme? Wànà məpala ahəm Musa ka, dukw bakal a? Awaŋ, kataya tsa. Ama na mege məpala ahəm Musa a riŋ tsəka, ana ka, ki sirekwe a aba i bakal a tsa. Na mege məpala ahəm ata ma gwa ka, ka ta ge are aka dukw mburma tsa,*fa* tsəka, ana ka, ki sir a ikaba à medzibe bakal ata ya tsidze.

RUMA 9:14

Na kataya ana, ki gweɗekwe a dukùla asa ya? Ki gweɗekwe a ana, Mbulum a ge a dukw ana ndaka vatwa ŋa tsiye ya? Awaŋ, kataya tsa.

1 Kurintiya 6:15

Kurum kà sərum te tsiye: ba kwa ka, magàwà ŋa nda ba Yesuw Kiristi ya? Wànà i zle a mezehe ba Yesuw Kiristi, dite i ge a dər muva ya? Awaŋ, a ge a ba tsa.

GALATIYA 2:17

Aɗaba taŋa, ku mege mər gà Yahuda tekeɗe, mì ne ŋgwal ŋa ika miɗ Mbulum ka, aɗaba ana mì gəs Yesuw Kiristi nda gəzləŋ mər a. Na mər kataya ka, maa ne gà ɓəzla bakal ika miɗ məpala ahəm Mbulum kamala gà asiŋ gà mburma ŋgiɗ ana tserdze ya mbaŋa, aɗaba ana maa dza gurmits a bəɗ a məpala ahəm Mbulum ata asa tsiye. Taŋa dze ana, kamala megweɗe ya: Kiristi na a gəs mər a bakal a ya? Awaŋ, kataya tsidze.

GALATIYA 3:21

Taŋa kamala megweɗe ya: Məpala ahəm dze ana, a sasar dukw ana Mbulum a tsik i sida ya tsiye? Awaŋ, kamala taŋa ya tsidze. Aɗaba na mege məpala ahəm a sle a aà məvəla mesife a mburma ka, ana ka, a sle a aà mene à tar gà ŋgwal ŋa ika miɗ ŋgar ndaka vatwa məpala ahəm ata mbaŋa.

GALATIYA 6:14

Iye ka, i ge a zlapa ti tsidze, say i ge a ka, nda məməta Yesuw Kiristi BATSAH kwa ŋana a mət aà dizl magə̀làwà ŋa ata ya ɗekɗek pəra. Aɗaba məməta ŋgar ata ka, dukw gər ahəɗ a ne taf masakəŋa na aà are gà ya. Ar ka, kamala ana tə ndwandway gà dukw ata aà dizl magə̀làwà ŋa ya mbaŋa. Iye tekeɗe ka, i ne kamala wur ana, a mət ahər a fata ka, dite a miyak à dukw gər ahəɗ a mbaŋa.