Luka 20:1 - Bible Zulgo

¹ A pat duwa ka, Yesuw a riŋ a dzeŋge a guma ŋgar i ga Mbulum batsah ŋana. A tsik a ter a bazlam ŋgwal ŋana. I təv ana a riŋ a tsik a ya ka, gà Əbay gà ɓəzla mandəva kuɗa a Mbulum nda gà ɓəzla medzeŋge məpala ahəm Mbulum nda gà bàba gà mburma ana ta kwere a gà Yahuda ya, tə daha a təv ŋgar,

Luka 20:1 ပူးပေါင်းရင်းမြစ်များ

Mata 26:55

I dəba ŋa ya, Yesuw a gwaɗa a gà mburma ata ta gəs ŋgat a: «Kà dumara naha kataya nda gà màsalamà, nda gà matakwazum ana, aà megìse iye ya? Wànà kamala ana, iye ka, mala akəl a ya? Kəla pat iye riŋ i təv kurum, i tsikewa a kurum guma i ga Mbulum batsah ŋana ka, wàlaa kàa gəsum iye tsa.

Luka 20:2

tə tsam ahər, ta gwaɗar: «Tsik a mər kwaŋ. Ki ge a duwa kamala taŋa ya ana, nda ndzəɗa weke? Weke na a slərra kər, a vəlak ndzəɗa ŋa dze ya?»

Luka 8:1

Aləka i dəba mendze zaakwa ya ka, Yesuw a daya aà kwite aà kwite, mege a batsah kwite, mege a kəla ŋana tekeɗe. A ləm aaka à bazlam ŋgwal ŋa ana biy *mekwere Mbulum a fit. A tsikewa a gà mburma. Gà ɓəzla mazazama ŋgat ana kurwa gəra sula ya, tə dəɗ aaka mbaŋa.

Yuhana 18:20

Yesuw a gwaɗar aaka: «I fàfəlawa ka, ndərzayya, ika miɗ mburma tserdze. I tsikewa guma gà i ga Mbulum batsah ŋana nda gà i gà ga mahàmà a Mbulum tserdze, kamala megweɗe ya ka, i təv ana gà Yahuda ti yahawaba aɗəm gər a. Yàa tsik duwa nda akəl ilik tsidze.

Gà Ɓəzla Meslire 4:1

Aləka i təv ana gà Piyer nda Yuhana tar ihər ta fèfil a a mburma mba ya ka, gà ɓəzla mandəva kuɗa a Mbulum nda gà Əbay gà ɓəzla makàslà ga Mbulum batsah ŋa ata nda gà *Saduki, tə daha a təv tar.

Gà Ɓəzla Meslire 6:12

Tə dza ahər gà asiŋ gà mburma ŋgiɗ nda gà bàba ŋa ana ta kwere a gà Yahuda ya, dite nda gà ɓəzla medzeŋge məpala ahəm Musa asa mbaŋa. Gà mburma ata tə daha, ta gəs Etiyen, dite tə da à ŋgat aka miɗ mayahaba gər mburma.