Luka 2:9 - Bible Zulgo

⁹ I təv ana tar riŋ aà makàslà gà dukw tar ata ya ka, gawla Mbulum a dara a təv tar a. Dzaydzay Əbay Mbulum a pàt aba. A də̀v i magər tar ndaàvəɗ ata wùtəɗ wùtəɗ wùtəɗ. Tə dza ba aà mege magəɗa hinne tsara.

Luka 2:9 ပူးပေါင်းရင်းမြစ်များ

Mata 1:20

I təv ana a riŋ a dzele a gà gər kataya, aka miyak dər zukw tsiye ka, gawla Mbulum ilik a patar aba i sunwa ya, a gwaɗar: «Yasufa gwala Dawda, ka ta ge magəɗa aà mazla Mariya kamala daala yak a tsa, aɗaba a ŋgat kəla ka, nda ndzəɗa Mezite Mesife Mbulum, tsəka, ahəm mburma tsa.

Luka 1:28

Gawla Mbulum ata a daha, a da a təv dəm ata. A daha, a gwaɗar: «Wusa yak Mariya, ŋgaya ba, aɗaba ana Mbulum a zla kər aà dukw ana ŋgwal ŋa ya. BATSAH kwa ŋa ka, a riŋ i təv yak.»

Luka 2:8

Gà ɓəzla makəva gà duwa a riŋ i dala, ta kaslawa gà dukw tar i bəra ndaàvəɗ. Tar riŋ bise nda kə̀sà Betelehem.

Luka 24:4

I təv ana tar riŋ ti dzele a gà gər kataya ya ka, gà wele duwa sula ta pàt a tar aba. Tə daha a təv tar nda gà petek herrè ŋa tizlzlè.

Yuhana 12:41

Ezaya a tsik kataya ka, aɗaba ana a sər mezlibe ana tì zlibe a à Yesuw a, dite na a fàfəl aka gər ŋgar a.

Gà Ɓəzla Meslire 12:7

I dəba ŋa ya, zàmma tsəka, gawla Mbulum Batsah kwa ŋana a slalaha a fata, dite təv luvuŋ ata a də̀v dzaydzay parakkà lele. Gawla Mbulum ata a daha, a gəs Piyer ika dzàdzah a, a dàŋgwazla dər. A piɗeke. A gwaɗar: «Hitse tsəma.» A tsikar kataya tsara ka, gà tsitsirɓe ata ta palayarra i ahər a, sùndàl, tə dza a bəɗ.

Gà Ɓəzla Meslire 27:23

Aɗaba i huɗ həvəɗ aaha mbakum a ka, gawla Mbulum ana iye mburma ŋgar, iye riŋ i ger a meslire ŋgar a, aka dara a təv ga ya.

Gà Ɓəzla Meslire 5:19

Aləka ndaàvəɗ ka, gawla Mbulum ilik a daha, a handakaya i gà biye hərmaga ya fit, a pə̀lara iɗəm à gà ɓəzla meslire Mbulum ata ya. A gwaɗa a tar:

2 Kurintiya 3:18

Taŋa, kwa ana tserdze kàa gə̀sakwa ŋgat a ka, kwa i luvuŋ ika miɗ Mbulum kamala ana petek ata a riŋ à kèhe a are kwa ya asa tsa. Kwa ihər ki ŋgetekewe a ndzəɗa BATSAH kwa ŋana ti zlibe a dər, a za duwa tserdze ya. Dite kwa asa tekeɗe, ki ti ndzìkìɗekwe a ba kamala ŋgat a. Kamala taŋa ya, ki ŋgetekewe a ndzəɗa nda mezlibe ŋgar mbaŋa, à sìkèh a aka miɗ aka miɗ. BATSAH kwa ŋa na a ge a taŋa ya. Tar nda Mezite Mesife Mbulum ka, i təv ilik ŋa.

2 Kurintiya 4:6

I təv ana Mbulum a ge gər ahəɗ akahər ata ya ka, a gwa: «Dzaydzay mà də̀v i luvuŋ.» Ama Mbulum ŋa ka, taŋa ilik hiywe na a vəl dzaydzay ŋgar ata à div a i gəzləŋ mər a mbaŋa. A ge dər kataya ka, aà məpàtà à ndzəɗa ŋgar ana tì zlibe a dər, à div a ika miɗ Kiristi ya. Aɗaba taŋa na mər ihər mìi tsik a bazlam ŋgwal ŋa ata a mburma ya.

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

IBƏRANIKWA 12:21

Mewe gà dukw ana ta ŋgat a tar i fataya ka, a ge a tar magəɗa hinne. Ku mege Musa nda gər tekeɗe ka, a gwa: «Iye ihər i dzedzer a hinne, agəra magəɗa ana a giŋ a ya.»*fe*

Sunwa Yuhana 18:1

I dəba ŋa ya ka, i ŋgataha a gawla Mbulum ŋgiɗ a riŋ a tarra i gər ŋa i mbulum a. Ndzəɗa ŋgar ka, batsah ŋa hinne. Dite medìve ŋgar ana à div a ya ka, a ge dzaydzay ika gər ahəɗ tserdze.

Sunwa Yuhana 20:11

I dəba ŋa ya ka, i ŋgataha a təv mendze Əbay duwa, a ndza herrè. Wele duwa a riŋ mandza ŋa ikəka. Gà gər ahəɗ nda gəza mbulum ta ge magəɗa kwàrkwàr hinne, silit tə tə̀z ihər a, dite ka, wura a ta ŋget a ter a ziwiɗ asa tsidze.