Luka 2:49 - Bible Zulgo

⁴⁹ Yesuw a gwaɗa a tar aaka: «Ki yehwim a iye ana, aàmala? Wànà kà sərum tsiye ka, say i ndze a i ga tsir gà ya?»

Luka 2:49 ပူးပေါင်းရင်းမြစ်များ

Mata 21:12

Aləka i dəba ŋa ya, Yesuw ka, a daha, a pəts a ga Mbulum batsah ŋana. A ta medeha ka, a leha aɗəm aà gà mburma a riŋ ti sekeme a gà duwa. Gà asiŋ ŋa ti dzewe a ter a à gà duwa. Gà asiŋ ŋa ibam, ta mbìrwìɗ a siŋgwe. A ŋgat a tar kamala taŋa ya ka, a daha, a dalawara iɗəm tar a bəra ya. A mbaɗa à gà tabəl gà ɓəzla məmbùrùɗà siŋgwe aaha a bəɗ gwits gwits nda siŋgwe ŋa dze. Dite a ŋguyutswa à gà kwerse gà ɓəzla madzàwà à maadagwar aaha.

Luka 2:48

Gà tsir ŋgar nda mama ŋgar ta ŋgatar ka, a ge aà tar kamala dukw mene aà mburma ya mbaŋa. Mama ŋgar a gwaɗar: «Aàla na kà ya ba à mər kataya ya, kəla gà? Mər nda tsir yak ka, maa ya ba aà mayaha kər ka, hinne.»

Yuhana 4:34

Yesuw a gwaɗa a tar: «Dukw mezime gà ka, say mege dukw ana a sàs a wele ana a slərra iye ya, nda mandəva à mege megemir ana a viliŋ a ahər aà mege ya.

Yuhana 5:17

Ama Yesuw a gwaɗa a tar aaka: «Tsir gà a riŋ ihər a ge a megemir kəla pat, dite iye tekeɗe, i ge a kataya mbaŋa.»

Yuhana 5:36

Ama iye ka, mala sida gà a riŋ, a za biy Yuhana ana a ge ya. Aɗaba megemir ana iye ihər i ge a ya ka, biy Tsir gà ana a viliŋ a ahər a, dite na i ge a ya. Mege megemir ata na a ne mala sida gà, mburma ti sir a dər ka, Mbulum Tsir gà na a slərra iye kaɗəŋ a.

Yuhana 6:38

Aɗaba i tarra i gər ŋa ya ka, aà mege dukw ana a sèsiŋ a tsa. Ama i dara, i ge a ka, dukw wele ana a slər aakara iye ya.

Yuhana 8:29

Wele ana a slərra iye ya ka, a riŋ i təv ga. Aka miyak à iye à gər gà tsa, aɗaba iye ihər i ge a ka, dukw ana a dar a gər a ɗekɗek.»

Yuhana 9:4

Say ki gekwe a meslire wele ana a slərra iye ya, i təv ana pat a riŋ mba ya. Həvəɗ aka à mege. Aka ge ka, ku weke tekeɗe, a sle a aà megemir ŋa asa tsa.